БлогКэмп осымен 4-ші рет өтейін деп жатыр. Демек артта біраз тәжірибе қалды деген сөз. Сол бұрынғы қателіктерді, кемшіліктерді қайталамай, биыл атына заты сай Құрылтай өтсе екен деп тілеймін.



Менің ойымдағы БлогКэмп — блогерлердің жәй жиыны. Бір бірімен оффлайнда танысу, қауышу, тәжірибе алмасу, араласу, бірге көңіл көтеру. Ал біздің көретініміз қандай БлогКэмп? Бұрын қандай қателер жасадық?

Ресмилік
Лауазымды тұлғалар, меморган басшылары, қоғам қайраткерлерін шақырып, оларға сөз беріп тым ресмилендіріп жібердік. Қарапайымдылық жоқ. Тым байсалды болып кетті.

Формат
БлогКэмпты көп адам ІТ-форумдармен шатастырып кетті. Ұсынатын, тыңдағысы келетін тақырыптар да блогосфера аясынан шығып кететін тақырыптар. Ондай ІТ тақырыптар үшін Шымкенттегі TechX, Астанадағы АИФ жеткілікті сияқты. Блогкэмпта блогерлер өз жазу техникаларымен, жарнамалау әдістерімен, пост жазу барысында қолданатын онлайн сервистер туралы, мультимедиа құралдары туралы әңгімелегенін қалар едім.

Контингент
Тақырыптан тым алыс жүргендердің келгенін қаламас едім. Блогосферамыз мықты болуы үшін алдымен элитар орта құрылуы тиіс. Жұрт сол шеңберге кіруге талпынуы керек. Сапа сол кезде артады.

Ынталандыру
Старт-аптардың не үшін өтетінін түсінбедім және солардың нәтижелерін де көрмедім. Егер демеушілерден түскен қаражат бар болса оны Алматыдағы алғашқы Құрылтайдағыдай түрлі номинациялар бойынша блогерлерге бөліп беру керек. Осындай ынталандырулар қажет.

Шығындар
Ұйымдастырушылар келушілердің жол және жатын орын шығындарына бас ауыртпаулары қажет деп ойлаймын. Әркім өзі үшін келетін болғасын әркім өз мәселесін өзі шешуі қажет. Шығындар мейлінше азайтылса біреуге тәуелділіктен де, жоғарыда айтылған ресмиліктен де құтылуға болады. Өткізетін орын, кофе-брейк, атрибутика шығындарын жергілікті органдарсыз-ақ 1-2 демеушінің көмегімен өткізуге болады деп ойлаймын.

Блогкэмп ресми шара емес. Қылқына галстук тағып, қыдиып-қыдиып отырып қайтатын жер де емес. Блогкэмп – жауыр болған тіркеспен айтсақ, “бір терінің пұшпағын илеп жүрген” блогшылардың бас қосып, жиналып, бір-бірін тек аватардан ғана емес, анфасынан, профилінен, артынан, астынан, үстінен қарап, танысатын жері Тәжірибе, идея алмасып, пікір таластырып, достық сезіммен қимай-қимай қоштасатын орын. © Қисық

Рас, айтады Қисық. Мен көрген блогқұрылтай 13 осылай өз форматында жақсы өтті. Бұрынғыларын көрмегендіктен, салыстыра алмай отырмын.
Алғаш рет барып тұрғандықтан қобалжыңқырап, «адамдар арасындағы бөлітіріктей» топ ортасынан саяқтау жүрдім. Сооол…

Блогқұрылтайдың бірінші күнінде әдеттегідей мастер класс, сессиялар, әр түрлі старт-ап жобаларды таныстыру өтті. Әсіресе маған ұнағаны «Шеберлік шыңдау дәрістері», «Блог жүргізудегі шет ел тәжрибесі», «Монетизация» сынды сессиялар маужыратпай, сергек отыруыма ықпал етті

Мен де жазып жіберейін) Негізі құрылтай басқа қалада болғандықтан, басты шарадан бұрын қосымшалар, жол бойындағы қызықтар, барып-келуің есіңде қалады. Сол себепті бұл жерден негізгі конференция мәселелерін/сын/ұсыныстар оқимын десеңіз, осы жерден тоқтай қалыңыз. Әңгіме жай ғана Алматы қызының Шымкентке/Блогкэмпке сапары жайлы.

Бәрі де бармаймын дегеннен басталды. Оған бірнеше себеп те бар еді. Алдымен мереке күндері әдетте жанұямызбен боламыз. Отбасылық дәстүр, т.б. Екіншіден, Астанаға көшіп кеткен қымбатты систерімнің үйге келуі, демалыс күндері бірнеше айдың қыдыру есесін қайтарамыз деп ойладық. Және үшіншіден мынадай ұсақ-түйек факторлар:

Ескерту: Аяғы ауыр әйелдерге, ми-жүйке ауруына шалдыққандарға, жүрегіне жақын қабылдағыш адамдарға және aza мен оның байқауына төрелік ететін қазылар алқасына бұл жазба оқуға ұсынылмайды.

Барлық оқиғалар өмірден алынған, қандай да бір фантазиямен бірдей болуы сәйкестік деп бағаланады.

Жазба жеке адамның субъективті көзқарасы мен ұсыныстарын білдіреді және ақиқаттың анасы, шындықтың шешесі болуды көздемейді.

Тұғырнама атаулыны зорлап жатқан Blogcamp туралы жазбалардың қатарында жылт етіп көрініп қалу үшін кәлләмізді кернеп, жадымыздың гигабайттарын алып жатқан жағдайлар туралы жазуға бел шештік.

ия ия дәл солай!!! Егер сіз планшетке қол жеткізгіңіз келсе, онда сізге мүмкіндік келді.Биылғы Блог Құрылтайда байқаулар ұйымдастырылып жатыр.
БАЙҚАУ #1
Блогқұрылтай туралы (еркін тақырыпта) пост жазу. Шарттары қарапайым:
1) Пост еліміздегі кез-келген блогтұғырда (әлеуметтік желі емес) жазылуы тиіс;
2) Басқа тілдердегі посттар саналмайды, тек Қазақ тілінде болуы тиіс;
3) Постта әр түрлі жаргондар, боқтық сөздер, қыстырма сөздер, бөгде тілден енген сөздер т.б. болмауы тиіс;
4) Пост барынша қоғамдық талқылаудан өтіп, барынша көп адам көруі тиіс;
5) Әлеуметтік желілерде постыңыз барынша жарнамалануы тиіс;
6) Пост Facebook-тағы арнайы парақшада көрсетіліп, ол жайында ұйымдастырушыларға (blogcamp2013@gmail.com поштасына материал сілтемесін тастап, хат жазу).

Сіз үшін келесі Блог Құрылтайдың қай қалада өткені ыңғайлы? Неліктен ол қаланы таңдадыңыз? Қай қала болса да баруды жоспарлайсыз ба?

Бірден айтайын суреттеріммен бөлісе алмаймын. Қуана-қуана бөлісер едім, бірқатар адам «планшетің жаман түсіреді» деп ерін шығарды, оның үстіне біраз суретті менің туиттерімнен көре аласыз. Сондықтан, бұл жолы мылжың жазбамен бер жақтан қайтпақпын.

кім бар екен керекте деп кірсем, ШИМАҚ қана отыр екен. қалғандарының бірі гудит етіп жатыр. Алдкең мен Нұрғиса Кәусарда жыртып жатқан шығар)))) Алға! ертең суреттеріңді салып, қызықтарыңмен бөлісіңдер. мен Астанада, Шимақ Қытайда, отырмыз....

Армысыз, құрметті құрылтайшы достар!



Бұйырса, үш аптадан кейін Ел Ордамыз — Астанада кезекті қазақ тілді интернет жан ашырларының басқосуының куәгері боламыз!

Тіркелу аяқталды.
Тіркелгендердің саны: 171. Жаман көрсеткіш емес. (Былтыр Алматыда 150 шамасында болды)
Осылардың арасында Астанадағылардың саны 35.

Құрметтi Блог Құрылтaй қaтысушылaры,

Сiздердi қaзiргi жaғдaймен тaныстырып өтсек деймiз.

Блог Құрылтaйдың негiзгi мaқсaты – қазақ тілді интернеттің дамуына үлес қосып жатқан жандардың кездесiп өзaрa пiкiр және тәжiрибе aлмaсу болып тaбылaды. Осы кездесу aрқылы құрылтайшылар өздеріне қaжеттi ақпарат пен білім алады, жаңа жобалар пайда болады. Блог Құрылтaй үйлестiрушiлерінің мaқсaты — сiздерге осы кездесудің сәтті өтуіне жағдай жасау. Блог Құрылтaйдың сaлмaғы: ұйымдaстыру, өткiзу, контентi, тaғы бaсқaлaры сіздер мен біздер – барлығымызға да ортaқ.

Керекинфо еркін блог жүйесінде «Блог құрылтай», «Блогкемп» деген алашапқынның басталғанына көп бола қойған жоқ. Алда болар шараға қатысты жарияланған, жарияланатын жазбалар «тақырып аясынан тыс жердегі» юзердің әуелі сұрау белгісін (не бұл?), содан кейін сұрау белгісі мен леп белгісін (не айтып кеттіңдер?!), соңынан тек леп белгісін (ой, немене, блогкемп, блогкемп деп бәрің, басқа әңгіме жоқ па!) туғызуы мүмкін. Қызықтың көкесі әлі алда, Құдай сәтін салса, наурыздың аяғына таман он жазбаның тоғызы құрылтай туралы болады, сол кезде «асанқайғылатқан» кейбіреулер болмаса, өзгеміз баяғы сауын айтқан қазақтың ар жақ-бер жағынан табылармыз деп үміттенемін.

Блог Құрылтайға тіркелу басталды. Жаңартылған Блог Құрылтай сайтына өте қойып, тіркелу формасын толтырыңыздар.

www.blogcamp.kz/

Жаңартылған
«Бүркіттің ұсынысымен осы жұма күні коньки тебуге баратын болдық...»
Көпшіліктің шешімімен Ice-club`қа барамыз.

Орналасқан жері: «Еуразия-2» СО.
Қашан барамыз?
Күні: 20 қаңтар 2012
Уақыт: 18.30
Бағасы: Кіру: 1000 тг
Шығу: тегін
Коньки: 500тг./1сағ.
Залог: 1000 тг. (шығарда залогыңызды қайтарып береді)
Сосын сол Ice Club`тың өзінде шай ішуге болады.
(Катокқа баруды хоббиге айналдырғыңыз келсе, «Мега Спорттан» 6 490 тг-ге коньки сатып алуыңызға болады.)

Не үшін жиналамыз?
Жай, бір-бірімізді жақынырақ танып, уақытымызды жақсы өткізу үшін. Өткенде келмей/келе алмаған блогшыларды реалда көреміз. Ал БлогҚұрылтайды ұйымдастыру мәселелері жөнінде келесі аптада кездесеміз.
Өткендегі кездесуге келе алмағандарды осы кездесуде күтеміз.
Естігендер, естімегендерге айта жүріңіз!
Сурет мекені

Осы сұрақ мазалап жүр. Биыл болмай қала ма деген қауіп. Өткен жылы Алматыда өткен Блог Құрылтайда 2012 жылы Астанада өткіземіз деп шешкен болатынбыз. Сол кезден бері не өзгерді, қандай мәселелер бар?