Қазақстандық You tube жұлдызы!

Блог - nurbolkarataev: Қазақстандық You tube жұлдызы!
Бұл Қадірбек Назиров. Көпшілік Kadrin Jacson лақап атымен білетін, Қазақстанға танымал жас биші. Бұл жігіт көптеген танымал клиптермен өнер жұлдыздарына cover жасап жүрген cover биші, пародист. Қадірбекті алғаш рет You tube желісінен Майкл Джексонға пародия жасап, поп жұлдызға еліктеп жүргенін көріп байқағам. Кейіннен той думан, концерттік бағдарламаларда биімен көптің көңілінен шығып жүрді.
PSY Әлемді дүр сілкіндіріп аз уақытта танымал болған Gangnam Style клипінеде алғашқылардың бірі болып сover жасап, аз уақытта You tube видеохостингінде үлкен көрілім жинап үлгерді. Көпшілік видеоның тек сапасын жақсы камерамен түсіріп, кәсіби актерларды ойнатқанда деген секілді сынды ғана айтқанымен, жалпы клипке көңілі толатынын, жас биші Қадірбекке сәттілік тілеуші болды. Осы аз қателігін Қадірбекте келесі жолы қайталаған емес. PSY-дың кезекті танымал клипі Gentleman шыққан уақытта Қадірбекте осы клипке кезекті cover жасапта үлгерді. Осы жолы өткен қателікті қайталамай сапалы видеокамерамен және облыстық театрдың кәсіби актерларында клипке түсіріп өте жоғары деңгейде клипке пародия жасап шықты. Осы клиптер арқылы Республикаға танымалдығы арта түсті. Бірақ Қадірбекке танымалдық емес, ол өзінің биімен cover жасап, өзін жаңа қырынан байқап көргісі келді. Және сол мақсатқа жете білді.
Әлемге танымал тағы бір жұлдыз Bruno Mars-тың Uftown Funk клипіне cover жасап сол арқылы өз өнерінің биігіне шыға алды. Қадірбек Назиров ек шетелдік жұлдыздарға ғана емес, еліміздің танымал әншісі Қайрат Нұртасқада пародия жасап ерекше биімен көпшілік қошеметіне ие болды. Әншінің өзі де отандық бағдарламалардың бірінде Қадірбекке өз ризашылығын білдіріп оған қолдау көрсеткен. Кейіннен жастар арасында көптеген танымал әндердің клипіне пародия жасап одан әрі өз өнерін шыңдай түсті. Қадірбек пародия жасаған әр клипіне Атырау қаласының ең тамаша, ең танымал жерлерін түсіріп, өзін ғана емес, өзінің туған қаласында таныта түсті. Бұл біздің Атырау үшін үлкен жеңсі, әрі мақтаныш. Қадірбекке үлкен шығармашылық табыспен, өнер әлемінде тек биік белестерді бағындыра берсін демекпін.
Толығырақ,Қадірбектің ресми You tube каналынан көре аласыздар;
www.youtube.com/channel/UCuPM9ZmzGhl2KwQHHtE6g6g
www.youtube.com/watch?v=d82Jt8I2Cig
Әрі қарай

Атырау туралы стереотиптер

Бұл — менің мұнайлы өлкеге алтыншы мәрте келуім. Осы күнге дейін не байқадым? Атырау — Шымкенттіктің көзімен.

1) Атырау — балшықты қала ма?

Ия, балшықты қала. Алдыңғы барғандарымда мән бермеппін, бірақ осы соңғы барғанымда ауа-райы өзгеріп, жаңбырлы болып тұрды. Әрине ол қаланың балшықты болып тұруына әсер етті.

Блог - shota2030: Атырау туралы стереотиптер

Қаланы балшықтан тазартып жүрген «маман»

Блог - shota2030: Атырау туралы стереотиптер

«Балшық мамандары» жетпесе техникалар да бар

Блог - shota2030: Атырау туралы стереотиптер

2) Атырау — мұнайлы өлке ма?

Ия, Атырау — мұнайлы өлке. Қаланың дәл ортасында, дәлірек айтқанда Азия мен Европаны қосып жатқан орталық көпірдің тұсына мұнай шығарып жатқан құрылғының макетін қойып қойған. Ол құрылғы кәдімгідей айналып, «жұмыс істеп жатыр». Арт жақта тұрған Атырау облысы әкімдігінің ғимараты.

Блог - shota2030: Атырау туралы стереотиптер

3) Атыраудағы көпір — Азия мен Европаны бөліп тұр ма?

Жоқ, ол — жалған ақпарат. Бұл — әрбір қазақтың көкейінде жүрген сұрақты көптеген мұнайшы, геологтардың жиналыс, форумдарында талқылап тастаған. Оны геологиялық және географиялық тұрғыдан олай еместігін дәлелдеген.

Блог - shota2030: Атырау туралы стереотиптер

4) Атырау халқы дөрекі ме?

Бұл сұраққа жауап беру қиын. Дөрекі адамдар барлық жерде бар, бір жерде азырақ, бір жерде көбірек. Оңтүстік халқына Атырау халқы дөрекі болып көрінеді. Такси тоқтаттық. Тоқтаған таксидың есігін ашып «APEC 500 теңге» дедік. Жауап жоқ, такси есігі ашық күйінде жүріп кете берді. Шымкентте болғанда «Аз ғой мынауларың» деуі мүмкін еді. Бұл сурет иллюстрация үшін берілді және таксистке еш қатысы жоқ.

Блог - shota2030: Атырау туралы стереотиптер

5) Атырауда тек 14 наурыз — «Көрісу» ғана тойланады.

Жоқ, Наурыз мерекесі де тойланады. Биыл Наурыз Атырауда Исатай-Махамбет алаңында тойланды.

Блог - shota2030: Атырау туралы стереотиптер

Жиналған жұртшылық алтыбақан теуіп мәз.

Блог - shota2030: Атырау туралы стереотиптер

6) Атырау халқы тек қазақша сөйлеседі.

Жоқ, еліміздің өзге жерлерінде секілді, әркім өзіне түсінікті тілде сөйлейді. Атыраудың маған ұнаған женрі — қалада қазақша жазулардың көптігі. Мысалға мына белгі көптеген қалада орысша немесе ағылшынша. Осы үшін атыраулықтарға респект!

Блог - shota2030: Атырау туралы стереотиптер

7) Атыраулықтар — өте бай!

Жоқ, еліміздің барлық өңірлерінде бар сияқты ол жақта да бай адамдар бар, бірақ көптеу %) Бірақ қарапайымдары да бар. Қол боста жағажайға шығып балық аулайтындары да бар. Нәпақасын тауып жүргендері де болуы мүмкін %)

Блог - shota2030: Атырау туралы стереотиптер

8) Атырау — масаға бай өлке.

Ия, солай. Бұл жолы наурыз айында барғаным үшін маса болмады. Бірақ алдын келген кездерімде танысқанмын масалармен. Адамды анемия қылатын масалары "ұятсыз". Қолыңа қонғанда қанша қусаң да кетпейді. Сурет иллюстрация үшін берілді және жағдай осыған ұқсас.

Блог - shota2030: Атырау туралы стереотиптер

9) Атырауда ағаш өспейді.

Жалған! Атырауда ағаш өседі, бірақ неге бас жақтарын неге қырқып тастағандарын түсінбедім. Орталықта кесілген ағаштар көп. Ал мынау сурет жағажайда түсірілген.

Блог - shota2030: Атырау туралы стереотиптер

10) Атырауға барған міндетті түрде фишбармақ жейді.

Жоқ! Атырауға 6 (мәрте, Ақтауға 4) мәрте барып тұрып бірде-бір мәрте фишбармақ жемеппін :(:Y

Блог - shota2030: Атырау туралы стереотиптер

Атырау туралы стереотиптер осылай. Бірақ қонақжай екендігін ұмытпайық. Блогқұрылтай қатысушыларына уылдырық, спикерлеріне бір қорап балық, уылдырық сыйлағанын да атап өту керек %)

Блог - shota2030: Атырау туралы стереотиптер

P.S.: Бұл стереотиптерді өздеріңіз де тексеріп көрілеріңізді ұсынамын ;)
Әрі қарай

Батыс көрген. Атырау Шымкенттіктің көзімен

Тақырыпты осылай қойдық енді. Қанат ағамыз ренжи қоймас.
Жалпы, Қазақстанның батыс өңірлерінен тек Ақтөбеге ғана барыппын. Онда да тек бір тәулікке. Алған әсерімді жеткізіп көруге тырыстым. Пост тым мылжың, мәні мен мағынасы жоқ құр ділмәр көрінсе тіпті фейсбуктан да өшіріп тастауыңызға рұқсат. Ал шыдап, аяғына дейін оқимын десеңіз — уэлком :)


Атырау

Қаладан алған әсерім соншалықты керемет деп айта алмас едім. Ия, қонаққа барып тұрып дастарханын жамандап кеткен секілді көрінер, бірақ, Атыраудан үлкенірек нәрсе күткенмін (бәрібір, Европа емес пе?!). Көбі жер үйлер. Бірақ бұл — толық газбен қамтамасыз етілген қалалардың ортақ «ауруы» секілді. Адамдарға зәулім сарайлар емес, ыңғайлылық қой керегі деп ақтап алуға болатын шығар. Табан аттасаң ескерткішке кезігетін Қызылжардай емес, парктері де ескерткіштері де аз көрінді.
Екі адамның бірінің аузында «Бергей». Тіпті, Бергейдің кезінде жасалған тірліктер — көрсеткіш ретінде де айтылады ау деп шамаладым. «Бергейдің кезінде соғылған жолдар ғой, оның алдында негізгі 2-3 көшеден басқаның бәрі ми балшық болып жататын», «Бергей кезінде басталған құрылыс қой», «Бергей бітіре алмаған ғимарат қой» деген тіркестерді көптеп кездестіресіз.
Халқы бақуатты көрінді. Көшедегі халықтың түрі «Ертең не жеймін» деп айтып тұрған жоқ әйтеуір. Адамдардың сөздерінен бір паңдық байқалады. Айтпақшы, батыста сервис жоқ деген мифті бұздым өзім үшін. Ия, Шымкенттегідей жаныңда тұрып, әке-көкелеп шығарып салмайды, салқынқанды, бірақ тиянақты. Ия, аздап бағалары қымбаттау, дәріханалары мен дүкендерінің арасы алшақтау, бірақ әбден ақ тұруға болатын қала.

Блог - Daniar-Alan: Батыс көрген. Атырау Шымкенттіктің көзімен

Ұйымдастыру

Жетінші құрылтай. Мақтануға әбден ақ болатын шара. Қазақстанда жеті рет қатарынан өткен шара саусақпен санарлық шығар (егер мүлдем жоқ болмаса).
Мойындаймын, өзім биылғы ұйымдастыруға былтырғыдай қатыса алмадым. Тек сыртынан сілтеп қана отырдым. Белгілі себептерге байланысты бармай қалуым да мүмкін еді.
Барғанша уайымдап барғаным рас, бірақ шара мен ойлағаннан да тамаша өтті. Ұйымдастырушылардың мұндай тірлікпен бірінші рет келіп тұрмағаны бірден байқалады. Барлығы бірқалыпты, бірінен кейін бірі, рет-ретімен өтті.
Ең таң қалдырғаны — zhasatyrau.kz сайты. Редакциялық құрамы жастар болғанына қарамастан сақа журналистер секілді жұмыс істеді. Оператив, креативке толы посттар салып отырды. Ал Әшірдің жасаған видеолары оперативті ғана емес, професионалдығымен де ұнады. Жалпы, келешек Астаналық жастар ғой ;)

Блог - Daniar-Alan: Батыс көрген. Атырау Шымкенттіктің көзімен

Спикерлер

Биыл форматы аздап өзгеше болғанын өздеріңіз де көріп отырсыздар ғой. Алғаш рет тек қазақтілді емес, орыстілді спикерлерді де қостық. Ұсыныс Атырау жақтан келіп түсті, қуана қарсы алдық.
Орыстілділерге де, қазақтілділерге де өзін мойындатып тастаған Әлішер Елікбаевтың келуі — құрылтайға тың серпін берді. 1 сағаттық қана презентациясында тіпті менің өзімді мотивациялады (қазақшасы қалай?). Аудиторияны бес ақ минуттың ішінде баурап алды да соңына дейін тура сол қалпында сақтады. Өзін қарапайым ұстайды екен, тым ресми шаралар оның да жынына тиеді екен :)
Былай, сөйлесіп көрдік, мүмкін «Жазғы блогкемпте» спикер ретінде тағы шақыратын шығармыз :)
Әнуарпейісов. Байтук. Молния Ноу коммент :) Құрылтайдың тақырыбы — азаматтық журналистика болған соң, бұлар да жүруі керек болған шығар енді. Келесіде жүрмейтініне уәде беремін.

Блог - Daniar-Alan: Батыс көрген. Атырау Шымкенттіктің көзімен

Брогерлік

Құрылтай біте сала Абзал Сариев осы сөзді ұсынды. Брогерлік — блогшылардың бір-біріне достық сипаты, қолдауы, мүдде-мақсаттарының бір болуы. Ұшақтан түсе сала аяғымызды жерге тигізген жоқ. 2 күн бойы бүкіл жұмыстарын тастап, тәулік бойы жанымызда жүрді. Fishбармақтың дәмін таттық алғаш рет :) Қаланы да аралатты.
Эээ, бұл туралы көп жазбай ақ қояйын ;)

Осымен болып қалды ау. Сөз соңында блогқұрылтайды ұйымдастырғаны үшін, жаңа деңгейге көтергені үшін — барлық ұйымдастырушыларға алғысымды айтамын.
Жаңалық күтіңдер ;)


PS: фотолар zhasatyrau.kz сайтынан алынды.
Әрі қарай

Сарайшық

Бұл да енді көрген жер. Сарайшыққа қарай жолға шыққанда тарихтың тереңіне сүңгіп, жылдардың, тіпті ғасырлардың иісі сіңген көне шаһардың құпиясын ақтарып тастайтындай сезімде болдым. Иек астындағы қырдан асып түскенде әлдебір құпия өз-өзінен маған ғана ашыла салатын сияқты… Бірақ бүгінде біз суреттен көріп жүрген Сарайшықтан да түк қалмапты. Смартфоныма ілінгені осы ғана.

Блог - Marco: Сарайшық

Алақандай ғана жердегі үйінді. Біреу әкеліп, «Мынау Сарайшықтың орны», демесе құлаған қораның қалдығы деп өтіп кетерім анық еді. Аянышты-ақ. Бірақ ештен кеш жақсы, Жайықтың жағасында жұмыс қызып жатыр екен.

Блог - Marco: Сарайшық

Әлгінде қоңылтақсып қалған көңіл орнына түскендей де болды. Оны сол мезетте түсірілген мына видеодан да байқалады.

Әрі қарай

Мен көрген Атырау

Атырау – Атырау облысының әкімшілік орталығы, Қазақстанның батысында, Жайық өзінінің бойында орналасқан қала. Қаланың негізі 1640 жылы қаланған. 1920 жж. қысқа уақытқа большевиктер Гурьевті Чапаев деп қайта атаған. 1992 ж. бері қала атауы — Атырау.

Атырау тұрғындарының айтуынша қалада өмір Жилгородокта басталған. Жилгородоктағы соңғы аялдама. Бұрын бұл жерде арка болған, қазіргі таңда жоқ.


Құрманғазы атындағы мәдениет сарайы. Бұл ғимарат та Жилгородокта.


Орталық көпір жақта бұрын рестораны бар «Чайка» өзен-вокзалы болған. Қазір бұл жерде қала әкімшілігінің ғимараты тұр. Ал көпірдің арғы бетінде көрініп тұрған ақ ғимарат — Атырау облысы әкімшілігінің ғимараты.


Орталық көпір үстінен жағажай көрінісі.


Жағажайдан көрініс.


Бұрынғы «Гипроказнефть» мемлекеттік жобалау институты ғимаратында қазіргі таңда Атыару облысы қазынашылық басқармасы орналасқан.


Басқа ракурстан.


1970-терде ауылшаруашылығы басқармасы болған жер қазіргі таңда Атырау облысы салық департаменті.


Жайық өзені бойында орналасқан «Атырау» санаторийі.


Темір жол вокзалы.


Атырау қаласындағы шіркеу. Сурет 1947 жылы түсірілген.

Блог - shota2030: Мен көрген Атырау

Жағажай салынып жатқан жылдар. Біз жағажайға суретке түсіру үшін бардық, бірақ гид бұл жердің алыста екенін айтты. Біз ол жаққа бармадық. Сол үшін интернеттен басқа бір азаматтың түсірген суретін алдым. Суретін рұқсатсыз пайдаланғаным үшін ренжімес.


Бір кездердегі «Гурьев» қонақүйінің атауы өзгерген, қазіргі атауы «Атырау» қонақүйі. Біз бұл жерге де бардық, бірақ ағаштар қөсіп кеткені үшін бұл ракурстан суретке түсіру мүмкін болмады. Сол үшін басқа бір сурет пайдаланылды.


P.S.: Кей суреттердің түсірілген жылы мен атаулары дұрыс болмауы мүмкін. Атыраулық ағайын мені түзете жатар.

Аз ғана күнге және блогқұрылтайға келгенім үшін қаланы қыдырып, суретке түсіру үшін уақыт тығыз болды. Ауа-райы да жаңбырлы болып, тамаша суреттер түсіруге мүмкіндік болмады. Бірақ қайтадан келіп суретке түсіремін, бұл фоторепортажды толықтырамын және мына балық аулаушылардың қасында балық аулаймын. Күтіңіздер!

Блог - shota2030: Мен көрген Атырау
Әрі қарай

Өмірзая

Блог - Janasil: Өмірзая

Атырау облысы әкімдігінің қолдауымен түсірілген, ортасында өзіміздің Нұрберген жүрген Өмірзая сериалының толық нұсқасын қараңыздар. Біраз жыл бұрын Атырауды (елімізді) шулатқан жарылыстардың негізі қалай қаланғанын түсінесіз.

«Өмірзая» көркем фильмінде қазіргі қазақ отбасындағы дәстүрлі емес теріс діни ағымдардың кесірінен болып жатқан трагедия бейнеленеді. Атадан балаға жалғасып келе жатқан ұлттық салт-дәстүрді, ұлттық құндылықтарды насихаттайды.

Өзіме сақалдылардың басшысының рөлінде болған ақидың ойыны ұнады! Осындай шынайы өмірге жақын, тәрбиесі бар кинолар көбейе берсін.









Соңы:

Әрі қарай

«Қара гүл тұрар қауызы тұнып тамшыға...»

Блог - Aya: «Қара гүл тұрар қауызы тұнып тамшыға...»Әлқисса, қара түс. Қазақы танымда қара түстің мағынасы жүз құбылады. Кейде қорқыныш, кейде мұң, кейде қайғы, кейде қасірет, ал кейде қасиет. «Қара тұту», «қара жүрек», «қара жамылу», «қаралы көш», «қара қазан», «қара шаңырақ», «қара жер» сияқты ұғымдар соның айғағы. Сондықтан да қара түстен кейде қорықсақ, кейде жұбаныш табамыз.

«Ақ гүлді көрдім, қызыл гүл тердім, ал мұны,
Көргенім осы, жабырқап кетті жан мұңы.
Қара гүл тұрар қауызы тұнып тамшыға,
Гүлдің де сірә, болады екен ғой тағдыры...»


Ұйыған сүттей әдемі сурет емес пе?! Естіген болсаңыздар қара қызғалдақ (черный тюльпан) деген гүл болады. Әгәраки, сыйлыққа осындай көмірдей қара гүл алар болсаңыз мағынасы «тұрақтылық», «жанпидалық» дегенді ұқтырады екен. Гүлтанушылар «Сенімен бірге өлуге де дайынмын» дегенді білдіретіндігін айтады. Қара түс пен қара гүлді неге байланыстырып отырмыз? Бүгін біз әңгімемізде салған әні мен лүпілдеген нәзік сезімге толы лирикалық поэзиясы арқылы көпшіліктің жүрегінен орын алған Табылды Досымовтың «Қара гүл» әні туралы сөз қозғамақпыз.

Блог - Aya: «Қара гүл тұрар қауызы тұнып тамшыға...»Нақышы ерекше Табылдының әндерінде мәдениеттанушы Әуезхан Қодар айтпақшы «еуропалық интеллектуализм» бар. Бітісі бөлек шығармаларының ырғағы құлақ үйренген әлдебір жаттанды әуеннен ада тосын музыка. Сондай-ақ, көкірегіңде жатталып қалатын сыршыл, өрнекті суреттермен нақышталған тұтас дүние. Сондай шығармаларының бірі бардтың өзі сүйіп орындайтын «Қара гүл» әні.
— Табылды Досымовтың қазаққа кең тараған хит әндері студент шағында жазылған. Ол – 1980 жылдардың орта шені болатын, — дейді бардтың курстас досы, журналист Арман Сқабылұлы.

Осы бір әуезді әннің шығу тарихын білу үшін белгілі ақын, "Қара гүл" әнінің сөзін жазған Жанат Әскербекқызынан сыр суыртпақтап көрдік. Апамыз бізге оңай ақтарыла қоймады. Тіпті бұл танымал өлеңін қалай, қандай сәтте жазғаны есіне түспей қалған-мыс. Сендірмеді, сене алмадым. Осыған қарап әннің шығу тарихында үлкендердің арасында жатқан әлдебір құпия бар болар деп түйдім.

Блог - Aya: «Қара гүл тұрар қауызы тұнып тамшыға...»««Қара гүл» өлеңі енді бойжеткен 16-17 жасымда жазылған. Қандай жағдайда жазылғаны есімде қалмапты. Десе де қазақ танымындағы қара түс үнемі тұспалдап жеткізіледі. Қыздың бойжеткен тұсы – қауыз жарған гүлдің өміріндей ғана сәт. Өсіп шығады, қауыз жарады, солады. Сол аралықта бойжеткеннің басынан небір тағдыр өтуі мүмкін, қалтарыс-бұлтарысқа толы болады ғой. Ал әннің шығу тарихына келер болсақ, қандай жағдайдан туғанынан өзім хабарсыздау екенмін.Табылды менен кейін оқуға түсті ғой. Бұл мәтін қолына қалай түскенінен бейхабармын. Алғаш Табылды өзі гитарасымен орындап берген еді. Алайда жас болғандықтан әнге көп мән бере қоймадым. Тіпті бұл әнді қалың жұртшылыққа танымал болады деп еш ойламадым. Кейінірек мәдениеттанушы Әуезхан Қодар осы әнді орысшаға аудартықызып жүргенін естідім, кейінгі тағдыры қалай болғанынан хабарым жоқ екен. Өмірде Табылдымен етжақын араластық деп айта алмаймын, шығармашылық сыйластықта болдық».

Қош дедік те, ән тарихын сезімтал лириктің бірге оқыған жолдастары мен курстастарынан сұрауға бекіндік.

Серік Жанболат, журналист, ақынның курстас досы: «Табылдының сол кезеңдерде үлкен махаббаты болды, ғұмыр бойы ғашық болып өтті. Ол қазіргі күні Өскеменде тұрады. Сол махаббат мұңына арнап шығарылған ән деп ойлаймын. Бірақ нақты емес. Бұдан артық ештеңе айта алмаймын. Бүгінгі күні бұл әннің шығу тарихы белгісіз болып отыр».

Арман Сқабылұлы, тележурналист, ақынның курстас досы: «Мен Табылдымен бірге оқыдым, бір бөлмеде тұрдық. Шығармашылық сәттерінің көбінен хабарым бар, көп әні менің көз алдымда дүниеге келді. Бірақ осы «Қара гүл» әніне келгенде кібіртіктеп қаламыз, тархын білмейді екенмін. Табылдының «Қара гүлден» де мықты, рухты әндері көп. Алайда сазгердің өзі осы әнді ауызынан тастамай айтты. Автордың өзі өте қатты жақсы көрген ән еді».

… Иә, ақын Табылды өзі айтқандай махаббат қай заманда да ескірмейді екен. Ертеректе баспасөз бетіне берген бір сұхбатында ағамыз махаббат туралы әндері жайлы сауал қойған тілшіге былай дейді:
«Өнердің ар жақ тірегі махаббаттан тұрады ғой, операң да, балетің де, поэзияң да сезімнен туындайды. Ал қызға ғашық болмайтын жігітті мен дұрыс жігіт деп ойламаймын. Текті жігітті ғашық қылатын ару алдыңда тұрса неге ғашық болмасқа?! Неге оған сезіміңді әнмен, жырмен білдірмеске?!1986-87 жылдары әкем зейнетке шығатын болып тиісті орындар жаңа үй салып берген еді. Сол үйдің қора-қопсысын жөндемек болып ауылға кетіп қалды. Жаңа үйде шифонерден басқа ешқандай дүние болған жоқ, жаңғырып өлең айтсаң әдемі естілетін. Айна алдында отырып алып ән айту менің әдетім-тін. Сол үйдің ішінде «Қара гүл», «Сәйгүлік», Ұнатамын мен сені» деген үш әнді жаздым». Осылай қысқа қайырған ақынның өзі махаббаты мен «жүрегінің бөлшегіне» айналған арулар туралы жылы жауып қояды.

****

«Мына гүл менің мұңымды жаяр жаршы ма,
Сығалар мұңың, қансыра, жүрек, қансыра!
… Көз орынында көз емес, кейде қарасаң,
Қара гүл тұрар қауызы тұнып тамшыға...»


Тағдырлы ақынның әндеріне эстетикалық көркемдік, нәзіктік тән. Біз бүгін әуенде төгілген ғұмыр мен тағдырдың шығу тарихының үддесіне жете алмадық, білемін. Жалпы, ақынның сыршыл, тәтті мұң жатқан лирикалық махаббат әндеріне шабыт сыйлаған, арқау болған арулардың өмір жолы көмескі тартып жатады. «Шайыр біткендер шырмалып шырмауық-мұңға, Жұтады сосын қайғыны шарапқа қосып…» деген. Ендеше, Табылдының «Ұнатамын мен сені», «Күнікей қыз», «Ақ дидарың-ай», «Тәтті мұң» тәрізді әндеріне арқау болған махаббаты туралы әңгіме бөлек дастанның жүгі. Бірақ Белинский айтатын «поэзия — бақшадағы раушан гүлінің тікенін алып тастап, жұпар иісі мен сұлулығын жырлау» құдіреті бардтың қай әніне болмасын тән қасиет болып келеді. Осыны місе тұтамыз.

Төменде ән авторы Табылды Досымовтың орындауындағы жүктеме. Сөзін жазған Жанат Әскербекқызы. Мархаббат :)

Әрі қарай

Оралдағы кафешкілердің бірінде..

Музыка: Ммахаббат бағынндаағыы… сааййрағанн бұлбұұұл еедіің...

Ж: — Негізі… қызға ббайланысты бәрі, м-м мендегі сезімді оята алмад…
Қ: — Өш, жігіт емес па оятатын…
Ж: — Тұратұршш… а так қыз, э қыз ғо мені құртқан, білесің ба соны?!
Қ: — Иә, не болд сонша, енді бәрі жігітке бай..(шу)… сты ғо
Ж: — Ейй, ана кім ед… Үмбетов… Қа..(шу)… Үмбетовтің клипіндегідей (жанындағы жолдасына қарап, оятып) айтшшы мыналарға, түсіндіршщ
Д: — Ні зат? (бір көзін әзер ашып) цүнед цүнед, цүніп отыр ғо ханымдар (Zzz)
Қ: — Алып қашып кетті ма? Малақайың жерге түсті абайла…
Ж: — Мяхкий игрушкасын, гүл мә? гүл, шекалад? мә шыкалад нә
Қ: — Қай жақтан алып қашты?
Ж: — Т, Тұрсынбектің ауылы…
Қ: — Ңң, Ақпәт..(шу)… ғо
Ж: — Ңі-і…
Қ: — И құрысын, қыз көп емес па?
Ж: — (терең дем алып) «Қой тұрайық, іхқ-э, ауылға жүрдім», — деп тәттілеп ішіп отырған сырасын тауыспай орнынан тұрып, орындығын аяқтарымен артқа ысырып, кекіріп, үстел басында ұйықтап жатқан жолдасының қарынан жұдырығымен түрте сала, манадан бері бір бұрышта, бір мониторға телміріп, шулап жатқан кено ойыншыларының арасына еніп, соңғы ставкасын жасап, бойдақ қатындардан алыстап кете барды.

Көрші үстелде осының бәрін көріп-тыңдап отырған, ай-хай жасқа тақалған бойдақ студент бал тортымен ыстық шәй ішіп, 3 жыл бұрын бір чайкі қызға ойыншық қонжық пен гүл әпергенін есіне түсірді.
Әрі қарай

Кешір Алла!!!

Жаратушым, бір Аллам, саған сенем,
Саған сенем, нығметіңе, шүкір етем.
Тым жарылқар, кешірер, Аллам ием,
Күнәмізді бір өзің кешір дер ем.

Кешір!!!
Кешір!!!
Жаратушым бір Алла,
Қорғанымсың панамсың өзің ғана.

Кешір!!!
Кешір!!!
Кешір мені бір Алла,
Қиналған мұсылманға болшы пана.

Кешір!!!
Кешір!!!
Қате кетер болса егер құлдарыңнан,
Қателерін, өзің кешір, я Аллам.

Сансыз мадақ, бір өзіңе, арналған.
Тақуа кұлдың, бірі болсын, барша адам,
Шын ниетпен, тілерім, сол жаратқан...!!!
Автор: С. Сансызбай
Әрі қарай

Газ болмай қалса

Мұнай мен газдың үстінде отырып газсыз отыратын күндер де болады екен. Жөндеу жұмыстары жүргізіледі деген желеумен қаламызда бір жұмаға газ өшрілді. Содан не керек, газсыз өткен бірінші күні бұрын пісірілген тамақты қысқатолқынды пешке қыздырып жеп алдық. Екінші күні жұ байыма «сені тамақтандырып жүрген еңбегім бар ғой, енді сен мені мейрамханаға апарып тамақтандырасың газды бергенше» деп, мейрамханада тамақтандық. Үшінші күні шалым іссапарға кеткен соң, өзім мейрамханада тауыса алмай, өзімізбен алып кеткен тамақты қыздырып жедім. Төртінші күні не болғанда да тамақ пісіру керек болып, қысқатолқынды пешке телмірдім. Сатып алғаннан кейін бір рет орама пісірем деп кептіріп алғаным болмаса, одан кейін тек тамақ қыздыру үшін қолданғанмын оны. Дүкенге барып арнайы әйнек ыдыс сатып алдым. Түбіне жуа мен сәбіз турап, оның үстіне жентек салдым да жұқалап картоп турадым. Үстіне аздап сұйық май, майонез құйдым да, қазының майын турап жібердім. Қақпағын жауып, пешке жиырма минутқа қойдым. Нәтижесінде мынадай Блог - bizbike: Газ болмай қалсақуырылған картопка тойып алдық. Үйлеріңізде газ болмай қалса, пешпен де амал қылуға болады екен. Астарыңыз дәмді болсын!
P.S. Бүгін балық пен күріш пісіріп көргім келеді. Не шыққанын жаза жатармын.
Әрі қарай

Атырау халқы расымен бір күнде оянбай қалуы мүмкін бе?

Атырау туралы еліміздің басқа аймағындағылар түгін тартса, майы шығатын жер деп есептейтіні жасырын емес. Және атыраулықтарды шіріген бай деп есептейтіндер де жетерлік. Былай қарағанда соңғы пікірге негіз жоқ емес. Расында да атыраулықтар шіріп жатыр. Бірақ байлықтан емес…
Әңгіменің әлқиссасынан бастасақ. Ақыры денсаулық туралы әңгіме болып жатыр екен. Атыраудың экологиясының денсаулыққа қандай зияны тиіп жатыр, көрейінші деген ойға келдім. Өйткені соңғы жылдары атыраулықтардың денсаулығы өте төмен деп дабыл қаққан пікірлер БАҚ-ты шарлап кеткен еді. Тіпті алдыңғы жылдары «Жас алаш» газеті «Атыраудың халқы бір күнде ұйқысынан оянбай қалуы мүмкін» деп дүрліктірген болатын.
Осындай пікірлерді естіген соң, экологтардың пікірлерін іздедім. Атырау облыстық экология департаментінің басшысы Ербол ҚУАНОВ мырза ауаның ластануына қаладағы кәсіпорындар кінәлі деп жар салыпты. Облыстың бас экологының сөзіне қарағанда ауадағы күкіртсутектің көбеюі қалыпты деңгейден әлдеқайда көп. Құдай сақтасын, Ербол мырзаның сөзіне қарағанда «Жас алаштың» сөзінің жаны бар ма деп қалам.
Хош, не керек, ауаға зиянын тигізгендерді өз көзімен көрейін деп қаланы шарлап шықтым. Бірақ мен дегенде ай жарық дегендей, шыны керек, танауды қытықтайтын түтіні бұрқырап, шаңдатып жатқан кәсіпорындарды көре алмадым))
Блог - kokbori: Атырау халқы расымен бір күнде оянбай қалуы мүмкін бе?
Бұрын қала сыртында болып, қазір ішіне еніп кеткен Химпоселок
Блог - kokbori: Атырау халқы расымен бір күнде оянбай қалуы мүмкін бе?
Блог - kokbori: Атырау халқы расымен бір күнде оянбай қалуы мүмкін бе?
ЖЭО (ТЕЦ) Бұрын осы жақта тұрған болатынмын. Сонда мына мұржалардан қара түтін будақтап жататын. Қазір...)
Блог - kokbori: Атырау халқы расымен бір күнде оянбай қалуы мүмкін бе?
Блог - kokbori: Атырау халқы расымен бір күнде оянбай қалуы мүмкін бе?
Блог - kokbori: Атырау халқы расымен бір күнде оянбай қалуы мүмкін бе?
Атырау мұнай өңдеу зауыты.
Блог - kokbori: Атырау халқы расымен бір күнде оянбай қалуы мүмкін бе?
Ешқандай түтін жоқ… Алдамшы көрініс болмаса деп үміттенем
Блог - kokbori: Атырау халқы расымен бір күнде оянбай қалуы мүмкін бе?
Қаланың екінші жағына жол тарттым. Осы жақта бір шаңдатып жататыны бар еді.
Блог - kokbori: Атырау халқы расымен бір күнде оянбай қалуы мүмкін бе?
Атырау Полиэтилен зауыты. Қаладан бірер шақырым жерде.
Блог - kokbori: Атырау халқы расымен бір күнде оянбай қалуы мүмкін бе?
Блог - kokbori: Атырау халқы расымен бір күнде оянбай қалуы мүмкін бе?
ҚазТрансОйл. Ана мұржалардан түтін шықса… шықпаса неғып тұр дейсің?!

Осындай үңірейген зеңбіректің ұңғысындай мұржалардан шығатын түтінді жұтып жүргенімді елестеткеннің өзі қорқынышты екен.
Содан кейін жалма-жан таныс экологқа хабарластым. Одан осы «зеңбіректерден» шығатын түтіннің қаншалықты зияны бар екенін сұрағам.

Саягүл Жұмашева, эколог:
«Бұл жөнінде мен Ербол Қуановтың пікірімен келісем. Кезінде атмосферада күкіртсутектің мөлшерден тыс көбейіп кеткені туралы талай дабыл қақтық. Ол жергілікті тұрғындардың денсаулығына қаншалықты зиян екенін де айттық. Бірақ бұрын облыстық экология департаментінде жасағанымда ауаның ластануына кімді кінәларымызды білмейтінбіз. Себебі соңғы үш-төрт жыл көлемінде ғана бұл мәселе зерттеле бастаған болатын. Зерттеудің нәтижесі міне белгілі боп отыр. Енді нақты іс-шаралар жасауға мүмкіндік бар»
— Ал Атырау халқы бір күнде оянбай қалу қаупі бар ма?
«Жоқ, құдай сақтасын! Ондай қауіп болуы мүмкін емес. Бірақ дәл қазіргі ахуал шынымен қауіпті. Бірақ бірден әсер етпейді. Ептеп еніп, жайлап алатын болса, жылдар өте келе түрлі ісік, құрт аурулары секілді індеттер жайлауы мүмкін»

Зауыттарды шарлап болғасын, кейін қайтпақ болғанда, атасына рахмет, мені тасып жүрген досым Еркебұлан бір жерді көрсетпекші болып қара жолға түсіп берді.
Салып ұрып, қала сыртындағы қоқыс төгетін жерге келдік. Қала сырты деп айтылғанмен, әлгі зауыттардың маңында, қаладан екі-ақ шақырым қашықтықта орналасқан. Ондағы ахуалды көргенде жағамды ұстадым.
Блог - kokbori: Атырау халқы расымен бір күнде оянбай қалуы мүмкін бе?
Құдды арнайы целлофан-пакет алқабы сияқты
Блог - kokbori: Атырау халқы расымен бір күнде оянбай қалуы мүмкін бе?
Блог - kokbori: Атырау халқы расымен бір күнде оянбай қалуы мүмкін бе?
Блог - kokbori: Атырау халқы расымен бір күнде оянбай қалуы мүмкін бе?
Арасында бір бомж керекке жарарлық бірдеңе іздеп жүр екен…
Блог - kokbori: Атырау халқы расымен бір күнде оянбай қалуы мүмкін бе?
ҚазТрансОйл-дың артқы жағынан көрініс
Блог - kokbori: Атырау халқы расымен бір күнде оянбай қалуы мүмкін бе?
Бұны бір көргенде арнайы әлеміштеп-әдемілеген қорған деп ойлап қалуға да болады. Бірақ…
Блог - kokbori: Атырау халқы расымен бір күнде оянбай қалуы мүмкін бе?
Блог - kokbori: Атырау халқы расымен бір күнде оянбай қалуы мүмкін бе?
Жақсы емес…

Әрине, экологтардың зауыттар туралы дабыл қағуын жалған деп айтпақ ойым жоқ. Дегенмен мына соңғы суреттерге қарап, кәсіпорындарсыз да ауаның ластануына өзіміз үлес қосып жатқандаймыз. Мына полиэтилен пакеттер шірімейді. Әрі жердің де ластануына себепкер. Одан қалса, қоқысты өртегенде шыққан түтіні қаланы алып кететіні тағы бар.
Жалпы кәсіпорындармен қатар, Атырау тұрғындары өз-өздеріне жасасаған қысастық жасап отырған сияқты. Оған үйге қайтып келе жатып, қаланың ортасындағы мына бір көзім түскен көрініс дәлел бола алады)
Блог - kokbori: Атырау халқы расымен бір күнде оянбай қалуы мүмкін бе?
Блог - kokbori: Атырау халқы расымен бір күнде оянбай қалуы мүмкін бе?
Әрі қарай

Уайтхиллдық Хэтроуда!

Жаңа жылды туған Ақтөбеде өте-мөте қарапайым түрде қарсы алып, 5 күндік демалысымды пайдаланып, сол уақыт аралығында өзіме жаңа қала көру туралы шештім. Сөйтіп ат шаптырым жердегі Атырауды таңдадым. Екі күн ішінде қаланы жаяу аралап, фотоға түсірдім. Сонымен, кеттік:

Қазақстан өңірлері: Уайтхиллдық Хэтроуда!
Ауа-райы Ақтөбенікінен жылы және қары өте аз екен… айтпақшы, темір жол вокзалының перронына шығу үшін осы ғимараттың екінші қабатына көтерілу керек, яғни перрон қаладан биік орналасқан.)
Әрі қарай

Жаңа белес

Бүгін күн жылдағыдан ерекше жылы болып тұр. Күн сәулесі үстіңе құдды бір мөлдір моншақтай төгіледі. Биыл жауын көп болғандықтан көк мол болып, әлі күнге дейін жер бетінде кілемше төселіп жатыр. Ағаштар жапырағынан айрылып, бұтақтары тарамданып өмірімді елестетеді. Ғұмырымынң тағы бір жаңа буыны басталғалы жатыр. Басында үйрене алмай, безіп кететіндей жерге де бауыр басып қалады екенсің. Ақсай кішкентай ғана жұмыс қалашығы ғой. Бірақ аулаларының тазалығы, ұқыптылығымен ерекше өзіме. Қалашықтың бір жақсы жері: қайда барғың келсе де, жаяу баса бересің. Кептеліс, қырғын адам, кезек деген сирек кездеседі. Бастаған шаруаңды тез-ақ бітіріп аласың.
Адамның күні адаммен – әр адам сен үшін сын. Жолымызда кезіккен адамдардың қай-қайсысы да кездейсоқ емес деп сенемін. Мұнда бірге жұмыс жасаған әріптестерімнің бәріне алғысым шексіз. Олардың әрқайсысынан да бір нәрсе болса да үйрендім. Қоштасу кеші де керемет өтті. Қош бол, Ақсай! Құшағыңды жай, Атырау!

P.S. Атыраулық экстримнен қорқыныш та жоқ емес. Кезінде қашқандай болған Атырау да туған қаламдай болып кетеді деген үміттемін. Қазақстанның әрбір жері мен үшін ерекше.
Әрі қарай

Адасып барған жиын

Кеше Алматымызда (па, шіркін көсілуді ай деш) Қазконтенттің ұйымдастыруымен «Жаңа медиа баспа БАҚ болшағы» атты үлкен конференция өтті. Айтуларынша жас журналисттерді шақырған екен. Ресми жиын болғасын, ол да әдеттегідей бірнеше бөлімдерден тұрды. Атап айтар болсақ пленарлық бөлімде сөйлеген Қарылға апай, Алмас Алтайдың баяндамалары керемет тартымды болды. Алтай мекемесінің мақсатын толық аша білді.
Әрі қарай

Баламмен диалог

Жұмыс барысында іс-сапарға көп шығамын. Мынау сол сапардың ішіндегі сорақысы болар, елден үш жылға кеттім. Әрине келіп кетіп тұрамын ғой.
Далада жүріп, үйдің амандығын біліп телефон соққанда балдармен де сөйлесемін.

— Қане балдарға берші
-Қазір

-Әллө, Коси (Сендер де, балдарыңды еркелетіп қызық атайтын боларсыңдар, иә)
-Алье, паппа! Қайдасың?
Әрі қарай

Ой мен қырды аралап, S4 кетіп барады...


Бір ай. Адам өмірі үшін аз уақыт емес. Жұмысқа тұрсаң да, универ бітірсең де, отбасын құрсаң да, бала тапсаң да, басқа бір жаққа көшіп кетсең де, артығымен жететін мерзім. Бір ай ішінде, сосын, қазақтың үш қаласын аралап шығуға болады. Аралап деген сөзге баса көңіл бөліңіз. Осыдан отыз күн бұрын SamsungRoadShow промо-турының аясында Samsung бес қаланы бетке алып, тұтынушылар техникасының жаңа өнімдерін сықырлата тиеп, салдырлатып жолға шыққан-ды. Оңтүстік Корея алыптарының бірі міне айға жуық уақыт бойы алаша-даланы кезіп жүр. Артта әсем Астана, сулы-нулы Өскемен және роуд-шоуға аузын-мұрнынан шығып, ағылып адамы келген Павлодар қалды.
Әрі қарай