Астанадан Жалтыркөл кентіне автобустар қатынайтын болады

Астана жаңалықтары: Астанадан Жалтыркөл кентіне автобустар қатынайтын болады

18 қарашада қала маңындағы Жалтыркөл кентіне қатынайтын № 316 автобус бағдары ашылады деп хабарлайды елорда әкімдігінің медиа орталығы.

Астана қаласы жолаушылар көлігі басқармасында мәлімдегендей, қоғамдық автобус Астанадан таңғы сағат 5:40-та, 8:00-де, 11:00-де және 20:30-да «Ақмола облыстық №2 ауруханасы» аялдамасынан, Жалтыркөл кентінен сағат 6:43-те, 9:03-те, 12:03-те, 16:03-те, 19:03-те, 21:33-те шығатын болады.

«Қоғамдық көліктер «Ақмола облыстық №2 ауруханасы» бастапқы пунктінен келесі бағыт бойынша жүрмек:
Манас көшесі, – Абылайхан даңғ., – Астана-Қарағанды тас жолы, – Жібек Жолы ауылы, – соңғы аялдама Жалтыркөл ауылы.

Автобустар кері бағытта осы сызбаға сәйкес қозғалатын болады. Қоғамдық көліктер Жібек жолы елді-мекеніне кірмейді», – делінген таратылған хабарламада.

Астананың келесі аптаға арналған мәдени афишасы

Астана жаңалықтары: Астананың келесі аптаға арналған мәдени афишасы

Астаналық әкімдіктің медиа орталығы 13-19 қараша аралығында болып өтетін мәдени бағдарламаны ұсынады.

13 қараша күні «Астана» концерт залында Қарағанды қаласынан келген симфониялық оркестрдің камералық хоры «Й. Брамс. Неміс реквиемін» орындайды.

14 қараша күні Қ.Қуанышбаев театры «Бразилия байлығы» атты ертегісін ұсынады. Дәл осы күні «Астана Операда» кешкісін «Менің жаныма жақындаған сен...» атты концерт өтеді.

15 қарашада Қ.Қуанышбаев театрында өтетін «Аққудың көз жасы» лирикалық драмасын тамашалай аласыз.

16 қарашада «Жастар» театрында «Достық пен Қулық» ертегісі қойылады.

17 қараша күні «Жастар» сарайында «Мир вкусного меда» көрмесі 19 қарашаға дейін жалғасады, ал Қ.Қуанышбаев театрында Ұ.Есдәулеттің «Зере» драмасы болады.

Осы күні Горький атындағы театрда «Язычники» драмасы, «Астана» концерт залында «Жыр атасы – Қабан жырау» өтеді.

17 қарашада «Астана Операда» «Кармен» операсының премьерасы болады.

18 қараша М.Горький атындағы театрда «Кішкентай Мук туралы кішігірм оқиға» ертегісі мен «Күлкілі ақша» комедиясы ұсынылады.

Ал «Жастар» театрында «Диляфруздың төрт күйеуі» атты комедияның қойылымы болады.

18 қарашада астаналық циркте «Ұлы орыс циркі» шоу бағдарламасы өтеді.

19 қараша М.Горький атындағы театрда «Аленький цветочек» ертегісі мен «Пробуждение» драмасы, ал Қ.Қуанышбаев театрынан «Қызыл орамалды Шынарым» лирикалық драмасын тамашалай аласыздар.

«Жастар» театрында «… Көзіме бір көрінсең бала ғашық» повесінің желісімен қойылым болады.

«Жастар» сарайында IV халықаралық «Восходящая звезда» балалар, жасөспірімдер мен ересектер фестивалінің мәдени жабылу кеші өтеді.

Астанадағы жәрмеңкелерде өнімнің 25 мыңнан астам тоннасы сатылды

Астана жаңалықтары: Астанадағы жәрмеңкелерде өнімнің 25 мыңнан астам тоннасы сатылды

Астана тұрғындары қазақстандық аграрийлерден шамамен 8 млн теңгеге өнім сатып алды. Бұл – былтырғы көлемнен екі есе артық көрсеткіш, деп хабарлайды елорда әкімдігінің медиа орталығы.

8 айдың қорытындыларына сәйкес, жәрмеңкелерде өнімнің 25 мыңнан астам тоннасы өткізілген.

Қаңтар мен тамыз айларының аралығында Жамбыл облысы Астанаға өнімнің 3400, ОҚО – 2315, Атырау облысы – 280, БҚО – 530, Қызылорда облысы – 612, Алматы облысы – 1 1761, Ақтөбе облысы – 615, Қарағанды – 435, Қостанай – 1800, ШҚО – 720, Павлодар – 1357, СҚО – 500 және Ақмола облысы – 1435 тоннасын әкелді.

Қазан айының соңына дейін өз өнімдерін елорда тұрғындары үшін Атырау, СҚО, Павлодар және Ақмола облыстарының ауылшаруашылығы тауарларын өндірушілері екінші мәрте ұсынатын болады.

Елордада мүмкіндігі шектеулі балалар үшін қайырымдылық концерті ұйымдастырылды



Бүгін Астананың № 49 орта мектебінде «Жүректен жүрекке» деген атаумен мүмкіндігі шектеулі балаларға арналған қайырымдылық концерті өтті, деп хабарлайды елорда әкімдігінің медиа орталығы.

Мүгедектер күніне орайластырылған шараға «Мейірімділік-М» қоғамдық бірлестігі ұйытқы болды. Қайырымдылық концертін «Орман зауыты» ауданындағы № 49, 23, 26, 34, 21 мектептері мен № 59 мектеп-лицейінде оқитын 30-дан аса мүмкіндігі шектеулі бала тамашалады.

Концерттік бағдарламаның аясында балалар үшін Гаванадан келген өнерпаздар ән шырқап, қазақстандық жұлдыздар өнер көрсеткен болатын.

«Мұндай шараны өткізудегі басты мақсат, қоғамның, әсіресе, жастардың назарын жарымжан бүлдіршіндердің проблемасына аударту», — дейді «Мейірімділік-М» қоғамдық бірлестігінің жетекшісі Айгүл Сеилова.

Оның сөзіне қарағанда мүмкіндігі шектеулі балаларға арналған қайырымдылық концерті қоғамдық бірлестік ұйымдастырып отырған жалғыз шара емес.

«Мүгедектер күніне орайластырылған іс-шаралар жоспарының аясында біздің қор алдағы жұмада Қарағанды қаласына барады. Өкілдеріміз Майқұдық шағын ауданында орналасқан балалар үйіне барып қайтады. Онда 168 мүмкіндігі шектеулі бала тәрбиеленеді. Осылайша біз қоғам назарын кемтар бүлдіршіндердің проблемасына аудартқымыз келеді», — Айгүл Сеилова.

Концерттік бағдарламаның соңында қоғамдық бірлестіктіктің жетекшілігі атынан шараның өтуіне қолдау көрсеткен азаматтар марапатталып, балаларға сыйлықтар табысталды.

Айта кетейік, Мүгедектер күніне орай елордада Астана қаласының Жұмыспен қамту, еңбек және әлеуметтік қорғау басқармасы мүмкіндігі шектеулі 18 мыңдай азаматқа 5000 теңге көлемінде бір реттік материалдық көмек көрсетті.

Астана әкімінің орынбасары тағайындалды

Астана жаңалықтары: Астана әкімінің орынбасары тағайындалды

Қала басшысының өкімімен Асқар Амрин Астана қаласы әкімінің орынбасары болып тағайындалды, деп хабарлайды елорда медиа орталығы.

Амрин Асқар Кемеңгерұлы Е.А.Бөкетов атындағы Қарағанды мемлекеттік университетін халықаралық құқық мамандығы бойынша, Корнель құқық мектебін құқық магистрі бойынша тәмәмдаған.

Еңбек жолын 1997 жылы Ақмола облысы бойынша Зейнетақы төлеу жөніндегі мемлекеттік орталықта заңгер- консультант ретінде бастаған.

1997-2001 ж.ж. Қазақстан Республикасының Әділет министрлігінде түрлі лауазымдарды иеленген.

2001-2003 ж.ж. Қазақстан Республикасы Табиғи монополияларды реттеу, бәсекелестiктi қорғау және шағын бизнестi қолдау жөнiндегi агенттiгi төрағасының орынбасары.

2003-2006 ж.ж. Қазақстан Республикасы Қаржы министрінің орынбасары.

2007-2009 ж.ж. «Lancaster Invest» АҚ-да түрлі лауазымдарды иеленген.

2012 ж. Қазақстан Республикасы Индустрия және жаңа технологиялар министрлігінде жауапты хатшы.

2012-2016 ж.ж. Қазақстан Республикасының Бас Прокуроры аппаратының басшысы, Құқықтық статистика және арнайы есепке алу жөніндегі комитеті Төрағасының Бірінші орынбасары.

2016-2017 ж.ж. Астана қаласы әкімінің кеңесшісі.

2017 жылғы 9 қазанда Астана қаласы әкімінің орынбасары болып тағайындалды.

«Астана – менің Отанымның Елордасы» жобасы жалғасуда

Астана жаңалықтары: «Астана – менің Отанымның Елордасы» жобасы жалғасуда

Бас қалада «Астана – менің Отанымның Елордасы» атты жоба жүзеге асырылып жатыр, деп хабарлайды Астана қаласы әкімдігінің медиа орталығы «Астана Конвеншн Бюросына» сілтеме жасап.

Жоба мақсаты — көпбалалы, жетім және күнкөрісі төмен отбасының балаларына еліміздің елордасы Астана қаласын көрсету. Оқушылар кәсіби экскурсия жетекшілерінің қатысуымен елорданың басты көрікті жерлерін екі күн бойы аралайды. Шара 27 қазанға дейін жалғасады.

Жобаға Қазақстанның 14 облысы мен Алматы қаласынан 500 бала қатысады деп жоспарлануда.

Жоба аясында Астана қаласына саяхаттауға Маңғыстау, Батыс Қазақстан, Қызылорда, Қарағанды, Жамбыл, Қостанай, Солтүстік Қазақстан облыстарының оқушылары келіп кетті.

Астанада көмір тапшылығы жоқ – әкімдік

Астана жаңалықтары: Астанада көмір тапшылығы жоқ – әкімдік

Астана қаласының Кәсіпкерлік және өнеркәсіп басқармасы, қаламызда қайдан отын сатып алуға болатының айтты, деп хабарлайды Астана қаласы әкімдігінің медиа орталығы.

Астана қаласының кәсіпкерлік және өнеркәсіп басқармасы БАҚ беттерінде және әлеуметтік желілерде Елордамызда көмір тапшылығы сезіліп жатыр деген ақпаратты жоққа шығарды.

«Қазір кей БАҚ-ры мен әлеуметтік желілерде бас қалада көмір тапшылығы сезілуде деген ақпарат тарап жатыр және ол қатты отынның қымбаттауына себеп болуда. Айта кетейік, қазіргі таңда қала бойынша көмір тапшылығы жоқ және болуы да мүмкін емес», — деп хабарлады Астана қаласы әкімдігінің медиа орталығына қалалық кәсіпкерлік және өнеркәсіп басқармасы.

Көмірді төмендегі мекенжайлар бойынша сатып алуға болады:

«Жылу НС 2030» ЖШС (Астана, Герцен көш, 6/1, тел.: 43 51 42; «Жылы Алем kz» ЖШС (Абая-Жұбанов қиылысы, Мясокомбинат аймағы); «Астана инвест» ЖШС (Придорожная-1 көш, Герцен көш, 6/2, тел.: 48 67 61); «Север энерго» угольснаб» ЖШС, (Литейная-1 көш); «Ұмар кз» ЖШС (Дулатов көш,182 (центр бетон).

Аталмыш кәсіпорындарға көмір мына кен орындарынан жеткізіледі: «Қаражар» (Шығыс Қазақстан облысы), «Богатырь» (Павлодар облысы), «Майкөбе» және «Шұбаркөл» (Қарағанды облысы).

Орта есеппен 1 тонна көмір 11 800 теңге тұрады.

«Қаламызда көмір жеткілікті және апта сайын толықтырылып отырады», — деп хабарлады Астана қаласының кәсіпкерлік және өнеркәсіп басқармасы.

Алматы облысында игі істерге бастар 233 жоба іске асуда

Ағымдағы жылдың 18-ші сәуірінен бастап 24-ші мамырына дейін Алматы облысында «Әлеуметтік жоба ұсын!» атты конкурсқа іріктеу өтіп, оған 18-29 жас аралығындағы жастар қатысқан. Жалпы облысқа 900 жоба ұсынылып, соның ішінде 233 жоба грант жеңіп алды. Жобалар қазіргі кезде 11 бағыт бойынша жұмыс істеп жатыр. Бес ай көлемінде бөлінген 1 000 000 теңгені дұрыс әрі пайдалы жаратуы қажет. Бұл туралы облыстық өңірлік коммуникациялар қызметі алаңында белгілі болды.
Жалпы жоба мақсаты жастарды қоғамдық өмірге тартылуын ынталандыру, әлеуметтік жәбір шеккен жеке тұлғалар мен коғамдық топтардың әлеуметтік мәселелерін шешуге бағытталғын.
Дүниежүзілік банк пен ҚР Білім және ғылым министрлігі қолдау көрсетіп отырған жастарға арналған жобалар байқауы Қазақстанның төрт облысында жұмыс атқаруда. Олар: Алматы, Қарағанды, Павлодар және Оңтүстік Қазақстан облыстары. Қабылдаушы ұйым ретінде жалпы 14 ұйым өз өтінімдерін беріп, қазіргі таңда жоба қатысушылармен тығыз жұмыс жасауда.
Жиында жастар бастамашыл тобының көшбасшысы, «Рука надежды» жобасының авторы Онербекова Меруерт бірқатар мәселелерге тоқталып өтті:
-Менің жобамның мақсаты көп жылдар бұрын туберкулез дертіне шалдығып, толықтай емделіп жазылған адамдарға алғашқы көмек көрсету шараларын үйрету және оларға қосымша білім бере отырып инструкторлық дәрежеде сертификаттау. Жоба аясында бенефициарларды іріктеп алу үшін Талдықорған қалалық емханасымен келісімшарқа отырып, 5 ай ішінде тренингке қатысу үшін 60 адамды қамтуды мақсаттап отырмыз. Әр ай сайын оқыту 3 тренингке бөлінген. Қазір жобаның жұмысы қызу жүргізілуде және өз мерзімімен жүзеге асуда және алғашқы инструкторлар қатары дайындалды.
Баспасөзге қатысушылар осындай қоғамға пайдалы жобалардың көп болуын және жүзеге асуын тілесті.
Алматы облысында игі істерге бастар 233 жоба іске асуда

Алматы облысында игі істерге бастар 233 жоба іске асуда

Демалыс күндері Астанада екі облыстың жәрмеңкесі өтеді

Астана жаңалықтары: Демалыс күндері Астанада екі облыстың жәрмеңкесі өтеді

23-24 қыркүйек Астанада Қарғанды және Қызылорда облыстарының ауылшаруашылық жәрмеңкесі өтеді. Бұл туралы Астана қаласы ауылшаруашылық басқармасының басшысы Ардақ Досанов хабарлады.

Оның сөзінше, 8 ай ішінде Астанада 50-ге жуық жәрмеңке өткен. Кейбір аймақтар бірнеше рет келген.

-Жәрмеңкелерде біз 8 млн теңгенің 25 мың тоннадан астам өнімін өткіздік. 23-24 қыркүйек Қарағанды мен Қызылорда облыстарының бірлескен жәрмеңкесін ұйымдастыру жоспарлануда. Онда 500 тонна өнім саудаланады, — деді Досанов мырза.

Естеріңізге саламыз, жәрмеңке Қ.Мұңайтпасов көшесіндегі «Қазақстан» спорт кешені аумағында өтеді.

Айта кету керек, елордаға жыл басынан бері дистрибьюторлік арналар арқылы 80 мың тонна азық-түлік жеткізілген. Бұл өткен жылмен салыстырғанда 25-30%-ға көп. Мұндай шаралардың барлығы бағаны бақылауға және барлық тауар топтары бойынша өсім болған жағдайда да өнімдердің жетіспеушілігін, жылдам қымбаттауын болдырмады.

"Астана Опера" театры IV маусымды жабады

Астана жаңалықтары: Астана Опера театры IV маусымды жабады

«Астана Операның» кезекті театр маусымы өте қызықты болып, аяқталуы ауқымды іс-шаралармен аталып өтілді. Маркетингтік зерттеу деректері бойынша, «Астана Опера» театрының IV маусымы ішінде 296 іс-шара өткізілген. Осы кезеңде театрға 120 099 көрермен келген.

Маусымды сөзсіз, тарихи деуге болады. Себебі ол Пласидо Домингоның әлемге танымал «Опералия» вокалистер байқауының өткізілуімен, Дж. Вердидің «Травиата» операсында біртуар мэтр Пласидо Домингоның өнер көрсетуімен, сонымен бірге аты аңызға айналған миландық Ла Скала театрының гастрольдерімен, 1200 музыкант қатысқан Г. Малердің №8 симфониясының ғаламат премьерасымен және ашық аспан астындағы бірқатар қойылымдармен есте қалды. Осының бәрі – ҚР Президенті Н.Ә. Назарбаевпен бекітілген Мәдени саясат тұжырымдамасын ауқымды түрде жүзеге асырып келе жатқан ҚР Мәдениет және спорт министрлігінің қолдауымен еліміздегі ірі театрдың шығармашылық ұжымының орасан зор күш-жігерінің нәтижесі.

Қандай қойылымдар қойылды?

Осы маусымда «Астана Опера» театры үш премьера ұсынды: Алтынай Асылмұратованың қойылымындағы Л. Минкустың «Дон Кихот» балеті, Е. Брусиловскийдің «Қыз Жібек» операсы (қоюшы-режиссері Михаил Панджавидзе, Беларусь) және Жюль Массненің музыкасына Кеннет Макмилланның «Манон» балеті (қоюшы-балетмейстерлері – Карл Барнетт пен Патрисия Руанн, Ұлыбритания). Соңғы спектакльді сөзсіз сәттілік деуге болады, себебі хореографиялық өнердің осы бір жауһары әр театр сахнасында қойыла бермейді. «Манон» балетін қою құқығына тек қоюшылардың жоғары хореографиялық талаптарына сәйкес келетін труппалар ғана ие бола алады. «Астана Опера» К. Макмилланның жұбайы – Дебора Макмилланның, Карл Барнетт пен Патрисия Руанның үмітін ақтап, күткеннен асып түсті. Осылайша, астаналық театрдың репертуары опера және балет классикасының теңдессіз жауһарымен толықты.

Гастрольдер

«Астана Опера» балет труппасы гастрольдік маусымды Қытайдағы Гала-балет бағдарламасымен ашты. Әртістер Синьцзян өнер театрының сахнасында 2016 жылдың 25 және 26 қыркүйегі өнер көрсетті. Труппа классикалық балет мұрасының нөмірлерін орындады. 2017 жылдың 1 және 2 ақпаны әртістер Санкт-Петербургтегі Мариин театрының жаңа сахнасында «Париж Құдай Анасының соборы» хореографиялық жауһарын ұсынды. Бес мың петерборлық көрермен осынау керемет спектакльді тамашалауға келді. Шаттанған көпшілік «Астана Опера» балет труппасы әртістерінің өнер көрсетулеріне толассыз қол соғып, ыстық ықыласқа бөледі, труппа петерборлық балет сүйер қауымның марапатына ие болды.

Опера труппасы гастрольдік бағдарламамен Қарағанды облысының екі қаласында болды. 2017 жылдың 20 және 21 сәуірі операның жетекші солистері мен театрдың керемет хоры С. Сейфуллин атындағы Қарағанды облыстық қазақ драма театрында, ал 22 сәуір күні – Теміртаудағы Металлургтер сарайында өнер көрсетті.

Опера труппасының солистері – Медет Шотабаев, Дина Хамзина, Сүндет Байғожин және тағы басқалары «Астана Опера» театрын шетелде танытып, Graz Opera (Австрия), Theatro Municipal (Бразилия), Ресей Үлкен театры, Ә. Науаи атындағы Мемлекеттік академиялық театр (Өзбекстан) және басқа да алдыңғы қатарлы әлемдік опера сахналарында өнерлерін паш етті.

«Астана Опера» театры өз сахнасында ресейлік қонақтарды қарсы алды: 2016 жылдың 14-15 қазанында Санкт-Петербургтегі Борис Эйфманның әйгілі академиялық балет театрының гастрольдері өтті. Тұңғыш рет «Астана Опера» Үлкен залының сахнасында труппа А.С. Пушкиннің өлең түріндегі романы бойынша П.И. Чайковский мен А. Ситковецкийдің музыкасына («Автограф» рок-тобы) «Евгений Онегин» балетін ұсынды.

2016 жылдың 1 желтоқсанында Новосібір театры жаңа бірегей опералық квест үлгісінде Дж. Пуччинидің «Турандот» туындысын көрерменге ала келді.

Жеңістер

Қазақстанда ерлер би мектебі өте мықты деп бекер айтылмаған. Оған «Астана Опера» балет солистерінің халықаралық байқауларда қол жеткізген жеңістері айқын дәлел болмақ. IV маусым басында «Астана Опера» театрының солистері ІІІ Халықаралық балет әртістері байқауында (Астана, Қазақстан) жеңіске жетті. Бас жүлде балеттің жетекші солисі Бақтияр Адамжанға бұйырып, мәртебелі бірінші орынды балет солисі Серік Нақыспеков иеленді. Екінші орын балеттің жетекші солисі Еркін Рахметоллаевқа берілді, сонымен қатар ол классикалық мұраның үздік интерпретациясы үшін Петипа мұрасының қоры мен «PETIPA PRIX» Братислава Ұлттық театрының арнайы сыйының иегері атанды. 10 маусым күні Бақтияр Адамжан мен Серік Нақыспеков Валентина Козлованың Халықаралық балет әртістері байқауында, VKIBC (Нью-Йорк, АҚШ) қос жеңіске қол жеткізді. «Астана Опера» балетінің жетекші солисі Бақтияр Адамжан бұл байқаудың тарихында тұңғыш рет «Классикалық би» аталымында Бас жүлде иеленді. «Астана Опера» балетінің солисі Серік Нақыспеков мәртебелі үшінші орын (қол медаль) алды. «Астана Операның» жетекші солисі Бақтияр Адамжан әлемдегі ең беделді додалардың бірі – Мәскеудегі XIII Халықаралық балет әртістері мен хореографтарының байқауында (Ресей) Бірінші сыйлықты иеленіп, жеке дара жеңіске қол жеткізді. Сондай-ақ «Астана Опера» балетінің солисі Серік Нақыспеков те осы байқаудың дипломанты атанды.

Марапаттары

Әртістердің еңбегін бағалайды әрі құрметтейді! 2016-2017 жж. театр маусымында «Астана Опера» әртістеріне марапаттар мен сыйлықтар табыс етілді. «Астана Опера» балет труппасының көркемдік жетекшісі, Қазақ ұлттық хореография академиясының ректоры Алтынай Асылмұратова «Парасат» орденімен марапатталды. Балет труппасының жетекші солисі Әйгерім Бекетаеваға Қазақстанның еңбек сіңірген қайраткері атағы берілді. Театр ұстаздары Сауия Айталиева мен Ғалия Бегалина ҚР Президенті Н. Назарбаевтың атынан Құрмет грамотасын алды.

Опера труппасының жетекші солисі Жаннат Бақтай «Парасат» орденімен марапатталды. Опера труппасының жетекші солисі Жұпар Ғабдуллина Қазақстанның еңбек сіңірген қайраткері атағын алса, опера труппасының солисі Евгений Чайников «Ерен еңбегі үшін» медалін иеленді.

Маусымныңжабылуы алдында ҚР Мәдениет және спорт министрлігінің қолдауымен «ЭКСПО-2017» бағдарламасы аясында «Астана Операда» әлемдік деңгейде маңызы бар оқиғалар орын алды. Халықаралық көрме өз жұмысын аяқтаса да, соңынан қаншама жылы лебіздер мен қуанышқа толы әсерлер қалдыруда. Астаналық театрдың ұжымы ашық аспан астында бірегей қойылымдар ұсынды, атап айтқанда: Дж. Вердидің «Аида» операсы, Е. Брусиловскийдің «Қыз Жібек» операсы, Л. Минкустың «Дон Кихот» балеті. Астана тұрғындары мен қонақтарын Г. Малердің №8 симфониясының (қоюшы-дирижері – атақты маэстро Алан Бөрібаев) тұсаукесері керемет әсерге бөледі. Сонымен қатар қазақстандықтар тұңғыш рет Пласидо Домингоның әлемдегі ең беделді «Опералия» Халықаралық жас вокалистер байқауының куәсі болды. Маэстро опера өнерін сүйетін қауымды қуантып, Дж. Вердидің «Травиата» спектаклінде Жорж Жермон партиясын орындады…

Дж. Вердидің «Фальстаф» және Л. ван Бетховеннің №9 симфониясын ала келген Ла Скала театрының гастрольдері төртінші театр маусымының жарқын шарықтау шегіне айналды. Барлық гастрольдік өнер көрсету кезінде дирижерлік пульт басында қазіргі заманның әйгілі маэстросы Зубин Мета болды.

Алда не күтуде?

Осы маусымда көрермен үшін көптеген қызықтар әзірленген еді, ал келесі – мерейтойлық бесінші маусымда – аса қанық бағдарлама күтуде! Ол – Ж. Бизенің «Кармен» операсының премьерасы, опера және балет труппасының гастрольдік сапарлары. Бұдан өзге, театр маусым аралығында Камералық залда бірқатар қызықты концерттер ұсынбақ. Өнердің ғажайып әлемімен кездесуден қапы қалмаңыздар!

22 шілдеден бастап жолаушыларды қалааралық тасымалдау көліктерінің қозғалыс бағыттары өзгертіледі

Астана қаласының әкімдігінде қалааралық бағдарлар схемасын өзгерту және Алай-Astra» мен «КенМарт- Astra» (автобекеттер) көлік орталықтарының жұмысы мәселелері бойынша баспасөз конференциясы өтті.

Елорданың көлік кешенін жаңарту мақсатында «Алай-Astra» және «КенМарт-Astra» жолаушыларды қалааралықлық тасымалдаудың екі көлік орталығы ашылды. «Алай-Astra» және «КенМарт-Astra» көлік орталықтарының аумағы жолаушыларды мінгізіп түсіру аймақтарымен, билет кассаларымен, күту залдарымен, сақтау камераларымен жабдықталған. 800 тұрақ орнын ескерген ыңғайлы орынтұрақ кеңістігі ұйымдастырылған.

Жаңа «Алай-Astra» және «КенМарт-Astra» көлік орталықтарын пайдалану көше-жол желісіне түсетін жүктемені және «Астана» темір жол вокзалы мен «Сапаржай» автовокзалы жанындағы көлік кептелістерінің санын азайтуға мүмкіндік береді. Сондай-ақ «Сапаржай» автовокзалында және жаңа «Алай-Astra» және «КенМарт-Astra» көлік орталықтарында бар ағымдарды үлестіру арқылы қалааралық бағдарлардың бағыттарын шектеу елорда тұрғындары мен қонақтары ТЖ вокзалы аймағынан қалалық бағдарлар бойынша орын ауыстыруға жұмсайтын уақытты қысқартуға мүмкіндік береді.

Қалааралық бағдарлар жүрісінің жаңа схемасы қала орталығына кірмей, айналма жолдары бойынша өтетін болады. «Алай-Astra» көлік орталығы С 316 көшесі, 5 (Астана қ. Орталық базарынан кейін) және «КенМарт- Astra» көлік орталығы Астана-Қарағанды тас жолы, 45-ғимарат мекенжайы бойынша орналасқан.

2017 жылғы 22 шілдеден бастап «Алай-Astra» көлік орталығынан павлодарлық бағыт бойынша жүретін қалааралық автобустар жөнелетін болады. Ресми қалааралық тасымалдаушы күн сайын 23 рейске қызмет көрсететін 9 бағдар бойынша тасымалды жүзеге асыратын болады.

2017 жылғы 22 шілдеден бастап «Алай-Astra» көлік орталығынан павлодарлық бағыт бойынша жүретін қалааралық автобустар жөнелетін болады. Ресми қалааралық тасымалдаушы күн сайын 41 рейске қызмет көрсететін 8 бағдар бойынша тасымалды жүзеге асыратын болады.
Астана жаңалықтары: 22 шілдеден бастап жолаушыларды қалааралық тасымалдау көліктерінің қозғалыс бағыттары өзгертіледі

«Сапаржай» автовокзалы келесі бағыттар бойынша 30 бағдарға қызмет көрсететін болады:

Астана жаңалықтары: 22 шілдеден бастап жолаушыларды қалааралық тасымалдау көліктерінің қозғалыс бағыттары өзгертіледі

«Алай-Astra» көлік орталығын қамтамасыз ету үшін №№ 7, 11, 34, 38, 39, 41, 307, 503 – 7 қалалық және 1 қала маңы бағдарлары жұмыс істейді, оған
61 автобус іске тартылған.

«КенМарт- Astra» көлік орталығын қамтамасыз ету үшін №№ 9, 29, 80, 304, 315, 506 – 4 қалалық және 2 қала маңы бағдарлары жұмыс істейді, оған
65 автобус іске тартылған.

Қосымша ретінде, қала тұрғындары мен қонақтары үшін «Нұрлы жол» темір жолы мен «Алай-Astra» көлік орталығын байланыстыратын жаңа №201 түнгі экспресс-бағдар іске қосылады, одан түнгі қалааралық тасымалдар жүзеге асырылатын болады.

— 7 сәуірден 8 сәуірге қараған түні біз бірінші маршрутты іске қостық, соған байланысты елордада көптен күткен маршрут пайда болды деген пікір айтылды. Тұрғындар мен қала қонақтары маршрутты өз игіліктеріне белсенді түрде қолдана бастады. Бұл маршрут қаланың орталығы мен ескі теміржол вокзалын және әуежай аралығындағы бағытты қосады. Жол ақысы – 150 теңге. Тұрғындардың сұрайы бойынша біз басқа да аудардармен жүретін, түрлі алыс аялдамалар мен тұрғын нысандар аралағын қамтитын жаңа маршрутты іске қостық. Жол ақысы – 150 теңге, жүрі жиілігі – 25-30 минут, деді Астана қаласы Жолаушылар көлігі басқармасының басшысы Бекмырза Игенбердинов.

«Алай-Astra» және «КенМарт-Astra» автобекеттерінен жөнелтілетін қалааралық рейстерге билеттерді көлік орталықтарының өзінен, сондай-ақ «Сапаржай» автовокзалынан сатып алуға болады. Алдын ала сатып алынған қалааралық жол билеттері түгел автобекеттерде жарамды болып табылады. Жоспарланған сапар алдында жолаушылар алдын ала сатып алынған билет бойынша қай автобекеттен жөнелету жүзеге асырылатындығын нақтылау қажет. Мұны Астана қаласы әкімдігінің astana.gov.kz және Астана қаласының Жолаушылар көлігі басқармасының upt.astana.kz сайттарында, сонымен қатар 8 (7172) 574-777 call-center телефоны бойынша жасауға болады.

Астана әкімдігі әлеуметтік маңызы бар азық-түлік тауарларының бағасын тұрақтандыруда

Астана жаңалықтары: Астана әкімдігі әлеуметтік маңызы бар азық-түлік тауарларының бағасын тұрақтандыруда

Атап айтқанда жұмыс штабы жұмыс істейді, оның аясында азық-түлік тауарларына күнделікті бақылау жүргізіледі.

Баға негізсіз өскен жағдайда монополияға қарсы инспекцияға xабарланады.

Бақылау барысында азық-түлік тауарларының негізгі түрлеріне барлық баға деңгейіне қадағалау жасалынады. Оған қоса тұрақтандыру қоры құрылған, 1500 тонна қант, 500 тоннадан күріш пен қарақұмық сияқты баға өсуі мүмкін өнім сатып алынды.

Қаланың ішкі нарығында «Кеңмарт», «Смол», «Баxус», «Магнум», «Рамстор» секілді 5 сауда нысанында қанттың 11,5%-ға өсуі байқалды. Қазіргі уақытта Жамбыл облысымен келісімшарт бойынша алдағы уақытта өтетін жәрмеңкеде келісі 230 теңгеге 20 тонна қант сатылымға қойылады. Айта кеткен жөн, бұл «Шапағат» базарында келісі 270 теңгеден сатылатын қант 15%-ға төмен болмақ. Қалада «Баxус» сауда маркетінде қанттың келісі 319 теңгеден болса, " Рамстор" мен «Магнумда» 260 теңгеден. Сондай-ақ азық-түлік бағасын қымбаттатпай, тұрақтандыру үшін СПК «Astana» 300 млн теңге мөлшерінде (150 теңгеден әрқайсысына) «Кеңмарт» және «Астықжан» сауда дүкендеріне несие берді.

Бүгінгі күні бұл нысандар ағымдағы жылдың соңына дейін азық-түліктің 9 түрі бойынша 49 аталымына өз бағаларын қойды. ЭКСПО-2017 көрмесін өткізу кезінде сондай-ақ жыл соңына дейін «Шапағат» әкімшілік базары ірі отандық кәсіпорындармен ет өнімдерін үзіліссіз, тұрақты түрде жеткізу туралы келісімшартқа отырды.

Ет өнімінің жоғары сапасына баға 1350 теңге (1 келі) сомасында тұрақтандырылды. Көрме кезінде өнімді жеткізуде қиындықтар тумас үшін азық-түлік тауарларының резервін құру туралы қаланың ірі делдал фирмаларымен келісім жасалды.

2017 жылдың 5 айы бойынша қала бойынша инфляция 103% құрады, азық-түліктік және азық-түліктік емес тауарларға жалпыреспубликалық деңгейден 0,3% төмен.

Бақылаудың нәтижесі бойынша жыл басынан азық-түліктің 4 түріне баға өсімі байқалады: картоп (104,4%), пияз (81,2%), сәбіз (68,7%),қырыққабат (62,2%).

Сондай-ақ өнімнің 4 түрі бойынша баға төмендеген: қарақұмық, күріш, жұмыртқа, сұйық май. Бағаның өсуі тауарөндірушілердің бағаны өздері қоюына байланысты болып отыр. Статистикаға сәйкес, бір апта ішінде картоп бағасы Ақмола облысында 3.3%-%-ға, сәбіз ОҚО-да 7,9%, Павлодар облысында 4,2%-ға өскен, қырыққабат Ақмола облысында 4,5%-ға баға көтерілген, ол Астанада өнімдердің бағасының көтерілуіне септігін тигізген. Бүгінде қалада 45 мың тонна көлемінде бір айға жететін азық-түлік өнімі бар. 19 наурыздан бастап 28 жәрмеңке ұйымдастырылып, өткен, онда 60 мың тонна азық-түлік өнімі сатылған. Оған қоса 18 өңіраралық (Жамбыл облысы, ОҚО, БҚО, Атырау, Қызылорда, Алматы, Ақтөбе, Қарағанды, Қостанай облыстары) жәрмеңке өткен. 1-2 шілдеде Атырау, Жамбыл, ШҚО, Павлодар облыстарының жәрмеңкесі өткізіледі деп күтілуде.

Өңірлік жәрмеңкелерде бас-аяғы шамамен 5220 тонна азық-түлік өнімі сатылған.

Бүгінде өңірлер азық-түлік өнімдерінің көлемін арттыру бойынша жұмыс атқаруда. Сондай-ақ тауарлардың артық қалып және бүлініп кетпеуі үшін жәрмеңкеге ең қажетті өнімдерді ғана жеткізу туралы мәселе қарастырылуда. Бұл бағытта жұмыс іске асырылауда.

Астанада Жамбыл, Атырау, Павлодар және Шығыс Қазақстан облыстарының ауылшаруашылық жәрмеңкесі өтеді

1-2 шілде «Қазақстан» спорт сарайында (Қ.Мұңайтпасов көш., 7) Атырау, Жамбыл, Павлодар және Шығыс-Қазақстан облыстарының қатысуымен кезекті ауыл шаруашылығы жәрмеңкесі өтеді.

Аймақтардың отандық тауар өндірушілері 1000 тонна өнімді базар бағасынан 10-15% арзан саудалайды. Ет және ет өнімдері – 120 т., сүт өнімдері – 64 т., макарон өнімдері – 21 т., жарма өнімдер – 53 т., бал – 52 т., күнбағыс майы – 54 т., картоп – 13., көкөністер – 107,1 т., балық – 53 т.

Жәрмеңкеге 20-дан астам өндіруші қатысады деп жоспарланған. Мәселен, «Эмиль», «Багратион Улан», «Өскемен құс фабрикасы», «Крендель» ЖШС секілді компаниялар өнімдерін ұсынады. Сондай-ақ, қала тұрғындары мен қонақтары 1 келі қантты 120 теңгеге сатып ала алады.

Осы күнге дейін 18 өңірлік жәрмеңке өткізілген (Жамбыл облысы, ОҚО, БҚО, Атырау, Қызылорда, Алматы, Актөбе, Қарағанды, Қостанай облыстары) және 5 219 тонна өнім сатылған.

Астанада Қала күнінің құрметіне орай 3 ауқымды фестиваль өтеді

Астана жаңалықтары: Астанада Қала күнінің құрметіне орай 3 ауқымды фестиваль өтеді

ЭКСПО-2017 Халықаралық мамандандырылған көрмесін өткізу аясында 1-6 шілде аралығында Астана қаласы әкімдігінің Мемлекеттік академиялық филармониясы елордалық Мәдениет басқармасының қолдауымен 3 ауқымды фестиваль өткізеді.

Астана қаласының тұрғындары мен қонақтары «Шашу» халықтық биі ансамблінің ІІ Халықаралық фестиваліне, «Астана Самалы» атты VIII Халықаралық үрмелі оркестр фестиваліне, «Серпер»қазақ халық аспаптароркестрі республикалық фестивалінің мерекелік бағдарламасына көзайым бола алады.

Биыл «Шашу» халықтық биі ансамблінің Халықаралық фестивалі қалалық алаңда 1-3 шілде аралығында өткізіледі. Фестивальге Қазақстанның жетекші ұжымдары қатысады, атап айтқанда: «Шалқыма», Астана; «Назерке», Орал; «Томирис», Қызылорда, «Алтынай», Талдықорган), сондай-ақ Қырғызстанның («Ақмарал»), Башкирия мемлекетінің (Стерлитамак мемлекеттік би ансамблі), Ресейдің («Огоньки»).

Өткізгелі отырған Үрмелі аспаптар оркестрінің фестивалі аясында Астана қаласы әкімдігінің Мемлекеттік академиялық филармониясының ұжымы, оған қоса ҚР Ұлттық гвардиясының оркестрі, Петропавл Ұлттық гвардия институтының үрмеліаспаптароркестрі, Орынбор (Ресей) қаласы муниципалдық үрмелі аспаптар оркестрі өз өнерлерін паш етеді.

Концерт 4 шілдеде «Бәйтерек» монументі алдында сағат 21.00.-де ашылады. 5 шілдеде сағат 10.00.-де түрлі ұжымдар қаланың орталық саябақтары мен өзге де алаңдарында мерекелік бағдарламасын ұсынады. Сол күні, 5 шілдеде сағат 19.30-да «Бәйтерек» монументі алаңының сахнасында бэнд-марафон өтеді. 6 шілдеде сағат 10.00.-де Республика даңғылы бойынша Әскери-тарихи мұражайынан бастап «Жастар» сарайына дейін жалғасатын парадта «Астана Самалы 2017» фестивалінің барлық ұжымдары өнер көрсетеді. Сол күні, 6 шілдеде сағат 16.00.-де әкімдіктің алдындағы алаңда барлық оркестрлердің плац-концерті өтеді.

«Серпер»қазақ халық аспаптар оркестірінің V республикалық фестивалі 4-6 шілде аралығында өтеді. Фестивальдің ашылуы 4 шілде күні сағат 19.00.-де «Бәйтерек» монументі алаңында болады. 5 шілдеде Астаналық, Студенттік және «Жерұйық» саябағында сағат 11.00-ден бастап фестиваль қатысушыларының концерті басталады. Сол күні, яғни 5 шілдеде сағат 17.00.-де «Бәйтерек» монументі алаңында «Күй керуен» концерті басталады, көрермендер Ақтөбе қаласының Ғ. Жұбанова атындағы халықтық аспаптар оркестрінің, Қарағанды қаласының Тәттімбет атындағы қазақ ұлттық аспаптар оркестрі мен Новосібір қаласының Орыс академиялық оркестрінің мерекелік бағдарламасымен таныс болады.

6 шілдеде сағат 13.00.-де қалалық алаңда Астана күніне арналған «Серпер»қазақ халық аспаптар оркестір V республикалық фестивалінің гала-концерті өтеді. Гала-концертте көрермендер «Серпер» және «Сарыарқа» оркестрінің ең танымал күйлерін тыңдай алады. Олар дирижер Айтқали Жайымовтың басқаруымен 200 музыканттың түрлі аспаптармен сүйемелдеуінде өнер көрсетпек.

«Жетісу тарландары» І орынды иеленді

Алматы облысы: «Жетісу тарландары» І орынды иеленді
Қарулы күштердің 25 жылдығына орай ұйымдастырылған «Айбын» жастар жиыны Қарағанды облысының «Спасск» оқу-жаттығу орталығында өткен. Оған Алматы облысынан «Жетісу тарландары» командасы қатысып, бірінші орынды иеленді.
««Айбын» жастар жиыны 2015 жылдан бастап, дәстүрлі түрде жыл сайын өткізіледі. 2015-2016 жыдары Республиканың деңгейінде өтсе, биылғы жарыс халықаралық дәрежеде болды. Қарағанды облысына жан-жақтан командалар өте үлкен дайындықпен келгені байқалып тұрды. Осыны болжай отыра біз «Жетісу тарландарына» мықты әрі талантты жастарды жинадық», — деді «Жетісу тарландары» әскери-патриоттық клубының жетекшісі Жаналиев Жандос.
Бұл туралы Алматы облысының өңірлік коммуникациялар қызметі алаңында облыстық Қорғаныс істері жөніндегі департаментінің қатысуымен өткен баспасөз мәслихатында айтылды.
«Команда капитаны ретінде үлкен жауапкершілікті арқалап бара жатқандықтан, осы уақытқа дейін қаншама тер төккенімізді ескере отырып, командамды жігерлендіруге тырыстым. Себебі, рухы күшті команда ғана жеңіске жетеді»,- деді «Жетісу тарландары» командасының капитаны ТЕН Владимир.
Алматы облысының өңірлік коммуникациялар қызметі

Талдықорған қаласында «Айбын» әскери-патриоттық жиынның жеңімпаздарын салтанатты түрде қарсы алды

Алматы облысы: Талдықорған қаласында «Айбын» әскери-патриоттық жиынның жеңімпаздарын салтанатты түрде қарсы алды
Қазақстан Республикасы Қарулы Күштерінің 25 жылдығына арналған «Айбын» халықаралық әскери-патриоттық жастар жиынында 1 орынды иеленген «Жетісу тарландары» командасын Талдықорған қаласының «Жастар» саябағында салтанатты түрде қарсы алды.

Алматы облысы Қорғаныс істері жөніндегі департаменті қызметкерлері ұйымдастырған ұлттық оркестрдің әуенімен «Жетісу тарландары» командасының мүшелерін «Жастар» саябағында туған-туыстары, достары мен жақындары салтанатты түрде қарсы алды.

«Қазақстан Республикасының Қарулы Күштердің 25 жылдығына орай ұйымдастырылған «Айбын» жастар жиыны осы жылы халықаралық дәрежеде өтті. Жиынға 600 республикалық «Жас ұлан» әскери мектептерінің, өңірлердегі әскери-патриоттық клуб мүшелері мен Ресей Федерациясының ОренбургПрезидент кадет училищесінің тәрбиеленушілері қатысты. Ұйымдастырылған жарыстар оңай болмады, алайда қызықты өтті. Физикалық күшті, рухы биік, білікті жастардан құралған біздің команда халықаралық деңгейде өздерін жоғары дәрежеде көрсете білді. Алдағы уақытта біз жоғары жетістіктерге жететінімізге сенеміз», — деді Алматы облысы Қорғаныс істері жөніндегі департаменті бастығының тәрбие және идеология жұмыстар жөніндегі орынбасары Қуандық Әділбеков.

Ескерте кетейік, Қарағанды облысында «Айбын» халықаралық әскери-патриоттық жастар жиыны өз мәресіне жеткен болатын. Алматы облысының атынан шыққан «Жетісу тарландары» командасы 16 өңірден шыққан әскери-патриоттық клуб арасынан жүлделі 1 орынды иеленді. Команданың әр мүшесі арнайы дипломмен, медальмен және бағалы сыйлықпен марапатталды.