Астанада абонементсіз спортпен тегін айналысу амалдары

Саламатты өмір салтын ұстану – заманауи қоғамның тренді. Алайда, тәніңді өз тонусында ұстап тұру арзанға түспейді. Табиғи өнім, дәрумен, спорттық жабдықтар мен спортзалға абонемент – мұның бәрімен ай сайын тұрақты түрде айналыссаң қаншама шығын болмақ. Астана әкімдігінің ресми сайты қалада тегін жаттығулардың қайда өтетінін, оның үстіне нұсқаушысы бар және спортзалға кететін абонементті қалай үнемдеуге болатынын айтады.

Астанада осымен үшінші жыл қатарынан мәдениет және спорт басқармасы ұйымдастыратын барлық үміткерлерге арналған тегін спортпен айналысу өтіп келеді. Тегін жаттығуда өз қалауыңды табу үшін жаның қалаған нәрсенің барлығын жасай аласың. Ендеше, сөмкеге формаңызды салыңыз да – алға!

Жүгіру
Астана жаңалықтары: Астанада абонементсіз спортпен тегін айналысу амалдары
Кім таңертеңнен жүгіргенді ұнатады, өте дұрыс істейді. Қысқасы, денсаулық үшін өте пайдалы. Жүгіру ерік жігерді дамытады, денсаулықты күшейтеді, мінезді шыңдап, өзіңді формаға келуге көмектеседі. Астанада жыл сайын әуесқой жүгірушілер көбейіп келеді. Қала әкімдігі осыған орай шара қолданды: саябақтарда жолдарға арнайы резинасы жамылғысы төселді.

Астанада қазіргі таңда сертификаты бар инструкторлар топтық жүгіруден тегін дәріс өткізеді.

Қайда: Астаналық саябақ пен Триатлон саябағында аптасына 3 рет – дүйсенбі, сәрсенбі, жұма – сағат 19:30-дан 20:30 дейін сертификаты бар инструкторлар топтық жүгіруден дәріс өткізеді.

Сонымен қатар жексенбі күнгі дәрістер бар, ол таңертең және кешкісін – сағат 10-нан 12 сағатқа дейін және де сағат 17:00-ден 19:00 дейін.

Кроссфит
Астана жаңалықтары: Астанада абонементсіз спортпен тегін айналысу амалдары
Кроссфит. Бұл өзінің шыдамдылығын қайрап, күші мен жылдамдығын шыңдап, өз өзіне шақырту тастап және өзінің қолынан не келетінін дәлелдегісі келетіндерге арналған спорт.

Кроссфит Астана саябағындағы жексенбілік жаттығу бағдарламасына қосылған және таңертең сағат 10-нан 12-ге дейін. Студент және Жерұйық саябақтарында сағат 10-нан 12-ге дейін жексенбі күндері барлық қатысқысы келетіндер кроссфиттен жаттығуға келе алады.

Ушу
Астана жаңалықтары: Астанада абонементсіз спортпен тегін айналысу амалдары
Ушу – бірегей жауынгерлік өнер, ол адамның шығыс жекпе жегі философиясын тереңінен түсінуге, өзін өзі қорғаудың жаңа машығын, тәні мен денсаулығын қатайтып, санасын тазартуға әрі ішкі қуатын дамытуға көмектеседі.

Ушумен Астаналық саябақта жексенбі күндері таңертең айналысуға болады.

Джиу-джитсу
Астана жаңалықтары: Астанада абонементсіз спортпен тегін айналысу амалдары
Джиу-джитсу техникасы қозғалысты көп пайдалануға және қарсыластың өзіне күш салуға бағытталған және де арнайы «қулығы» бар тәсілдер қолданылады, яғни ауыратын нүктелерге соққы жасау, арнайы көңілді басқаға аударатын қимылдар, шабуыл сызығынан ауытқу және т.б.

Джиу-джитсу дәстүрі әлі күнге дейін сақталып келеді. Әлемнің көптеген елдерінде жауынгерлік өнердің осы түрін дамытып, культке айналдырып отырған одақ, федерация, қауымдастық, оқу орталықтары мен клубтар бар.

Астанада джиу-джитсудан тегін жаттығулар демалыс күндері таңертең Астаналық саябақ пен Жерұйық саябақтарында 19:00-ден 20:00-ге дейін өтеді.

Йога
Астана жаңалықтары: Астанада абонементсіз спортпен тегін айналысу амалдары
Йога – бұл практикалық философия, жан мен тәннің бірігуіне арналған. Оның бастауы сонау ежелгі үнді дәстүрінен алынған. Бүгінде йога үлкен танымалдылыққа ие. Онымен бала да, кәрі де айналыса алады.

Йоганың техникасымен танысқысы келетіндер таңертең демалыс күндері Студенттік және Жерұйық саябағына келе алады.

Шахмат
Астана жаңалықтары: Астанада абонементсіз спортпен тегін айналысу амалдары
Шахмат ойнаудың пайдасы шаш-етектен. Ойын барысында мидың оң жақ және сол жақ бөлігі де бір мезгілде жұмыс істейді де, мидың дамуына үйлесім туғызады – бұл шахматтың негізгі пайдасы.

Астаналық, Студент және Жерұйық саябақтарында таңертең ойнағысы келгендер шахмат пен шашка ойын үстелінде кездесе алады.

Велоспорт
Астана жаңалықтары: Астанада абонементсіз спортпен тегін айналысу амалдары
Велосипед спорты – специфика жағынан бұл аэробты жаттығу болып есептеледі, ол жүрек пен өкпені, бұлшық ет пен аяқты қатайтады. Қысқасы, кеуде мен иықтың бұлшық ет жинамауын қамтамасыз етеді. Осылайша велоспорт жылдамдық жағынан коньки мен тау шаңғысы сияқты жүк түсіреді. Демек бұл да аяқтың бұлшық етін шынықтырады.

Осы жылы әуесқойлар үшін велосипед жүретін жолдарға жағдай жасалды. Астананың мерейтой құрметіне 56 км веложол салынды.

Астана және адреналин

Астана ауа-райы да, адамдары да суық, жұмыс пен үйдің арасындағы жалықтыратын, қажытатын қала дегенді құлағым жиі шалады. Бір қарағанда солай да сияқты. Кеңсеге лайық киінген, қабағы қату, түрі сұсты адамдар жұмысқа асығып кетіп бара жатады, асығып қайтып келе жатады. Бірақ жұмысбасты қаланың да қыдыратын кезі, көңіл көтерін сәті, қызық іздеп, қорқыныш құшағына сүңгитін мезеттері көп.

Адам адам болып жаратылғандықтан да өзіне өзі бір челлендждер ойлап тауып, оны еңсергеннен рахат тауып өмір сүрмей ме?! Әрине актив демалысты жұмсақ диван немесе салқын сыраға өлсе де айырбастағысы келмейтіндер де мыңдап табылады. Бірақ бұл пост ондайларға арналмаған. Бұл пост — адреналиннің порциясы болмаса, бесінші нүктесі тыныш таппайтын, жүрегі соқпай, миы істемей қалатын энерджайзерлерге арналған.

Астана әлем картасында құр әдемі қала ғана емес, тұрғындары әрі білімді, әрі мәдениетті, ештеңеден қорықпайтын, бар нәрсеге ашық шаһар ретінде белгілі болғанын қалар едім. Шүкір, елордамыз жылдан жылға оған да жақындап келе жатқан сияқты. Әрісі қаланың әлеуметтік-экономикалық даму динамикасын былай қойғанда адреналин іздеген адамдарды қанағаттандыратын қызықтарымен де мойындалаған озық шаһарларды өкшелеп келеміз.

Сонымен адреналиннің кезекті порциясы керек болғанда қайда барған жөн. Астанадан алысқа кетпейтін бес түрлі вариантты қарастырып көрейік.

5. Марафон, дуатлон, триатлон
Байқасаңыз соңғы жылдары Астанада жүгірушілер, жүзушілер және велошабандоздар саны күрт артты. Мақтанып қояйын — біреуі мен. Әдепкіде екі шақырымнан кейін өкпесі қысылып, бүйірі шаншып, тізесі қақырап қалатын Маралбек қазір біреулерді вокзалға апарып салып, тура он шақырым жердегі үйіне 50 минутта қиналмай жүгіріп келе алады. Енді адреналин қайда дейсіз ғой. Адреналин жарыста. Әрине, ресми жарыста жүлдеге іліну мүмкін емес, бірақ әр жаңасы сайын, тіпті әр жаттығу сайын бұрынғы жетістігіңді жақсарта түсу адреналинді де, эндорфинді де көбейтеді. Қысқасы, кемі бір ай тұрақты жүгіріп көрмейінше түсінбейтін де шығарсыз. Ал бір бастасаңыз тоқтай қоюыңыз екіталай.

Блог - Marco: Астана және адреналин

Астана марафоны, Ironman секілді жарыстар қатыссаңыз орасан адреналинге көміп тастайтыны хақ. Мен де әлі қатысып көргем жоқ. Бірақ жоспарда бар.



4. Картинг
Келісем, жүгіру біреуге ит әуре болып көрінуі де мүмкін. Адреналин деп жүріп, сағаттап жүгірудің не қажеті бар дерсіз. Жақсы. Онда картингке бара қойыңыз. Отырып алып, кайф алатын тамаша вариант.

Блог - Marco: Астана және адреналин

Астанада мен білетін екі карт трек бар. Мұндағы машиналардың жылдамдығы сағатына алпыс шақырымға дейін жетеді. Бұрылыстарда 45 шақырым. Машина айдайтын болсаңыз, жылдамдықты шамамен түсініп отырған шығарсыз. Оның үстіне бұл жерде де сіз біреумен жарыса аласыз. Ал кез келген жарыс, әсіресе жеңіс адреналинді еселей түседі. Ал бағасы 1500-5000 теңге арасы.



3. Авто/мото спорт
Картинг баланың ойыншығы деп ойласаңыз, әлдеқайда салмақты сынға қалай қарайсыз? Мотоцикл немесе автомобиль айдау былай да оңай емес, ал мотокросс немесе дрифтке қатысатын болсаңыз ұмытылмас әсерге тойып алатыныңыз сөзсіз.

Блог - Marco: Астана және адреналин

Астана көшелерінде жүйткіп жүрген автомобильдерден tri-mira.kz деген лейблдарды көрдіңіз бе? Осы фирма қалада мото және автоәуесқойлардың (профилердің де) жарыстарын өткізіп тұрады. Ралли, драг-рейсиң, дрифт, джимхана… жарнасын төле де таңдағаныңа қатыс. Бірақ көлік өзіңнен. Бұл жағы аздап қиындық тудырады. Сылтау іздегендер «Машинаны қайдан алам»,- деп жатқан диванында әрі аунап түскен шығар. Құрығанда видеосын қарап көр.



2. Роуп Джампиң
Бұл жерде машинаның керегі жоқ. Батылдық болса жеткілікті (ауылда "*өтің тұрса" дер еді).

Блог - Marco: Астана және адреналин

Роуп Джампиң деген арқанға оранып алып, биіктіктен секіру. Астанада 45 метрден төмен құлдилайтын мүмкіндік бар. Аса биік емес. Бірақ жүрегің аузыңа тығылатындай қобалжуды сезінетініңізге кепілдік менен. Осыны жазып отырып-ақ, табаным мен алақанымның ылғалданып бара жатқанын сезіп отырмын. Есіңізде болсын, бұл қауіпті іс, сондықтан сыраны да, басқа алкогольді де қоя тұруға тура келеді. Кеше ішсең де, бүгін секіртпей қоюы мүмкін.



1. Парашют
45 метр дегеніміз 15 қабатты үй. Ондай биік сияқты емес пе? Онда 800 метрге қалай қарайсыз?

Блог - Marco: Астана және адреналин

Астананың іргесінде Северный деген аэродром бар. Ал онда Астана парашют спорты федерациясының базасы бар. Салмағы 45 пен 90 келінің арасындағы жасы 18-ден асқан кез келген адам сол жерге барып, парашютпен секіре алады. Алдымен екі сағат дайындықтан өтесіз. Қалай секіру керек, негізгі парашют ашылмай қалса не істеу қажет, қалай қонған жөн, парашют сүйреп кетсе не істейсіз… шындығында бұл жерде сұрақ та, күдік те, қорқыныш та көп. Инструкторлар осының бәрін түсіндіреді, арнайы платформадан секіртеді. Содан кейін ұшаққа отырғызады да, 800 метрге жеткен соң шығуды бұйырады. Білесіз бе, әуеге ұшақпен көтеріліп, өз аяғыңмен қонғанның әсері бөлек екен. Бәріңізге бір рет көруге кеңес берем.


Астананың өзі секілді Астанадағы эктрим спорт түрлері де даму үстінде. Бірақ бізде бір үлкен артықшылық бар. Ол баға. Қай қайсысының да құны салыстырмалы түрде шетелдегілерден әлдеқайда арзан. Бұл біріншіден өзімізге, екіншіден Астанаға келген шетелдіктерге жақсы мүмкіндік. Біз де, олар да жаңа тәжірибе, жаңа эмоция жинай аламыз. Ол өз кезегінде Астананың адамзат санасындағы, әлем картасындағы орнын бекіте түседі.

ББҚ ішесіз бе?

Мен үшін «Я» деушілер екіге бөлінеді:
1. Сетевиктер
2. Өзіне, денсаулығына тиянақты адамдар (медиктер, диетадағылар, спортсмендер т.б. таңдап, талғап жүреді)
«Жоқ» деушілер де:
1. Зиян, қауіпті, қымбат дейтін тобыр
2. Дәріханадағы өнімнің біразының, жеке «аптечкасындағы» препараттың көбінің сыртындағы «ББҚ дәрілік құрал болып табылмайды» дегенді байқамай жүргендер
«Ол не?» деушілер бөлінбейді )
P.S. Кей елдерде жұмысқа тұруға үміткерлерден «ББҚ ішесіз бе?» деп сұрайды екен тіпті…
Әрі қарай

Оқжетпестің оғы Премьер-Лигадан аса алмағаны ма?!

Көкшеге қайта келгелі Оқжетпестің ойындарын көрмесем өзіме күнә болатындай сезіндім. Дәл жанында отырып мұрнымның астында ойнап жүргендер туралы хабардар болмасам неғып жүрм а? Оның үстіне Реалдан ұят болар, « не, испандықтар мен каталондықтардың, неміс мәшинелерінің ойынын көргенде бізді неге көрмейсің, көргіш болсаң!»- деп жергілікті командамның ойыншылары ағыл-тегіл жылай ма деп те ойладым.

Футбол, тек қана футбол!: Оқжетпестің оғы Премьер-Лигадан аса алмағаны ма?!

Сонымен, өздеріңіз білетіндей биылғы маусым біздер үшін өттеее-өөттее сәтсіз болды. Бірнеше болжамымды жазып көрейінші:
— ойынға деген құлық болмады ма?
— әлде экс тренерлердің қателігі ма?
— пиар мен қолдау һәм «внимание» жетіспеді ма?

Облыс әкімі командамен, ардагер ойыншылармен кездесу өткізгенге дейін біз таблодағы кестеде соңынан санағанда бірінші орын болдық.(одан кейін де цифрлар өзгермеді) Одан соң, тренерлерге сөгіс жарияланып, орындарын босата бастағанда бір ерекше леп есіп, команда жандана бастаған сияқты болды. Жаңа тренерлік тандем Сергей Попков пен Борис Глушков өз істеріне «Тараз» ФК-мен ойын өткізерде ғана келді. Әрине өте кеш, сонда да үміт болды. Аз уақытта жаңа тандем керемет табысқа жетпесе де барынша команданы ұжымдастыра білді.

Футбол, тек қана футбол!: Оқжетпестің оғы Премьер-Лигадан аса алмағаны ма?!

Алғашқы жеңіске жаңа стадионда, жаңа газонда жеттік. Басқаша болуы мүмкін емес еді. Адамдарға лық толған стадиондағы қаншама көзді жәудіретіп, «пазоооор» болып жеңілгені «не красиво» болатын еді. Бірақ жігіттер жарады! Әсіресе Әлібек Булешовке, жартылай қорғаушы Максим Фединге және басқалары жақсы тырыса білді. Осы матчтағы басты фаворит- Тимур Досмағанбетов болды. Сол қанаттағы қорғаушы өзінің "қорқынышты" соққыларымен қарсыластың қақпасына шабуыл жасай білді. Айтпақшы, бұл чувактан көп нәрсе сұрап білуге болады. Мүмкін алдағы уақытта сұхбат алып қалуым мүмкін :m :m :m

Футбол, тек қана футбол!: Оқжетпестің оғы Премьер-Лигадан аса алмағаны ма?!

Алайда, сабаздарымыз шамалы босаңсыды ма келесі «Астана» ФК –мен болған ойында ойсырап қалды. Әрине, Астана өте тәжірибелі команда. Ойыншылары да мықты. Біздікілер де жаман болмады, тырысты. Сонда да қонақтар аса тартысты ойын көрсете алмады ма деп ойладым. Мүмкін үй иелерінің мысы басты ма, кім білсін.

Осы жеңілістен кейін бірінен соң бірі жеңілістен көз ашпады. Қайта «сухой» кетіп, жер тепкілеп қалған жоқпыз ғой) сонда да Қостанайлық «Тоболмен», Павлодарлық «Ертіспен», «Ордабасымен» болған ойындарда есеп айырмасы үлкен болмады, дей тұрғанмен Премьер лигадан ұшып, Бірінші лигаға қалған командалармен қол ұстасып кете бардық. Ееех, Оқжетпесім-ай):Y

Футбол, тек қана футбол!: Оқжетпестің оғы Премьер-Лигадан аса алмағаны ма?!

Осы жерде маусымды қорытындылаған «Ордабасымен» болған ойыннан кейін Попков: — Закончился наш неудачный и многострадальный сезон. Я хотел бы поблагодарить ребят за последний матч, в котором мы бились до конца, как и обещали. Трудно предъявить претензии к тем, кто остался, так как в силу различных причин до этой игры пятеро покинули команду. Сегодня ребята старались, но были ошибки. Более мастеровитая команда «Ордабасы» этими ошибками воспользовалась. Поздравляю команду хозяев и их болельщиков с бронзовыми медалями, так как ФК «Ордабасы» для меня тоже не чужой.
Не могу не поблагодарить за сезон кокшетауских болельщиков, которые несмотря на всю сложность ситуации были с командой и поддерживали ее.
Всех с окончанием сезона. Мы сделали все, что смогли.


Иә, ағай қолдарынан келгенше тырысты. Өзі айтқандай сәтсіз әрі жүйкені жеген маусым болды. Жігіттерге көз тиген, не сөз тиген. Ұшықтату керек. :Y

Футбол, тек қана футбол!: Оқжетпестің оғы Премьер-Лигадан аса алмағаны ма?!

Көкщеліктердің Премьер-лига чемпионы болғандарын жарты ғасырдың ішінде көре алар ма екенбіз, ә?) Клубтың құрылғанына 60 жыл, Карл! Мойындай салайын, осы уақытқа дейінгі ойындарда Оқжетпестің қанша рет ПЛ-дан ұшқанын, қанша рет жеңіске жеткенін білмеймін. Әлі архив қопарып, зерттеу жүргізетін уақытым да аз болды. Мүмкін ол туралы өздерінен, не білетіндерден сұрап көрермін деп ойлаймын…

Мораль: Оқжетпестің ойыншылары мынаны оқыса мені стадионның бағандарына асып қоятын шығар. Сонда да ішімді тесіп бара жатқан сөздерімді жазбасам болмады.



— Құрметті жігіттер, мен сендерге жақсы болсын деп айтамын! –деп өзінше болып отырған дей ма )))) *lol*

P.S: Төртінші рет чемпион атанған алтынбек «Астаналықтарды», одан соң қолабек «Ордабасылардықтарды», күмісбек «Қайраттықтарды» биылғы жылғы жеңістерімен ақ жүрек, қара ниетпен құттықтаймыз! )))))

Футбол, тек қана футбол!: Оқжетпестің оғы Премьер-Лигадан аса алмағаны ма?!
Әрі қарай

Астанада паркурден жарыс өтті

Блог - ad1lbekk: Астанада паркурден жарыс өтті
Қала күні мерекесіне орай Студенттік саябақта Астана қ. жастар саясаты мәселелері жөніндегі басқарманың бастамасы бойынша Astana Sport Fest – 2017 жастар фестивалі өтті.
Жастар мен жеткіншектер стрит-воркаут, кроссфит, паркур және брэйк-данс сынды спорт және би өнерінде сайысқа түсті. 3-ші орынды иеленгендерге гироскутер сыйға берілсе, 2-ші орынға ультрабук, 1-ші орынға Sony Playstation-4 ойын жабдығы берілді. Жүлдегерлер түрлі дипломдармен, кубок және медальдармен марапатталды.
Кросфитте 1-ші орынды ерлер арасында Сергей Затеев, әйелдер арасында Камила Макеева иеленді. Стрит-воркаут бойынша 1-ші орынға Әлішер Тобағұлов жайғасса, паркур бойынша 1-ші орынды Валерий Дудников иеленді.
Бидің брейк-данс түрі бойынша 1-ші орынға Әділ Жантаев жайғасты.
Әрі қарай

Универсиада алауы Қарағанды қаласында

Астанадан кейін Универсиада алауын алғашқы болып тұтатқан облыстардың бірі — Қарағанды облысы. 2017 жылдың 26 қаңтары Қарағанды облысы Алау эстафетасын қабылдады. Эстафетаға өңір атынан ең үздік спортшылар қатысты.

Естеріңізге салып өтейік, Қарағанды облысындағы эстафета екі кезеңге бөлініп өткізілді: бірінші кезең Теміртауда, екінші кезең Қарағандыда өтті. Қарағанды облысы бойынша өтетін жол бағытының жалпы ұзындығы 12 шақырымды құрады.

Алау эстафетасы барысында Қарағанды қаласының Жоғары оқу орындарының студенттері флэш-мобтар ұйымдастырып, спортшыларға барынша демеу көрсетіп тұрды.

— 26 января 2017 года жители городов Караганда и Темиртау стали свидетелями большого события – зарождения Огня Универсиады. Огонь взял своё начало от доменной печи №2 темиртауского завода АО «АрселорМиттал Темиртау», а факелоносцы пронесли его по центральным улицам двух городов. Совсем скоро факелоносцы и хранители Огня двинутся в сторону ледового дворца «Караганда-Арена».

Студенты вузов, работники различных учреждений вышли, чтобы поддержать эстафету Огня, а тем самым и наших спортсменов, которые выступят на Универсиаде в Алматы.

Те, кто вышел поддержать мероприятие, помимо флажков с логотипами Универсиады взяли с собой яркие воздушные шары, кто-то растянул флаг нашей страны. На площади Независимости в момент, когда факелоносцы пробегали мимо, состоялся флешмоб. Люди радостно приветствовали студентов, которым доверили важную миссию – пронести огонь по городу.
Блог - ZhastarTynysy: Универсиада алауы Қарағанды қаласында
Әрі қарай

Жастайыңнан спортқа өзіңде қызығу керек,басқаларды қызықтыра білу керек

Биылғы Еуро-2016 чемпионаты басталғалы
-футболға қалай қызығасың?
-Одан да басқа істермен шұғылданбайсың ба?!
-Қыздарға спорт жалпы не үшін керек?-деген секілді сауалдар көп қойылды. Менің ойымша спорт тақырыбына келгенде оған сен қызсың ба, ер баласың ба,үлкенсің бе, кішісің бе талғамау керек. Спорт демек ол спорт! Əркім ішкі қалауы бойынша жүреді. Қарап отырсақ спорттың қай түрінен болсын бəрінде қыздар бар. Ол мейлі ауыр атлетика болсын, бокс болсын, воллейбол, күрес, дзюдо бəрінде бар жəне елге өз үлестерін қосып, атын танытып та жүр. Содан кейін қалайша қыздарға тосқауыл қоя аласыз?!
Өзім спорттың воллейбол, дзюдо, футбол, тоғызқұмалақ түрлеріне қатты қызығамын. 7 сынып кезімде дзюдоға қатысып жүріп, кейін басқа мектепке ауысқанымда қалып қойған еді. Содан бастап қызығушылығым оянды. Кейін сол мектеп қабырғасында жүргенде аудандық қыздар арасындағы мини-футбол, командалық тоғызқұмалық, воллейбол жарыстарына қатысып жүрдім. Ауылда кешкі мал өрістен қайтар уақыттан бұрын жиналып ауыл балалары қыз-ұлы аралас футбол ойнаймыз. Үлкендер болса дөңгеленіп отырып əңгіме айтады, тағысын тағы өте қызықты болатын. Одан малды қамап тастап көше-көшеде жиналып тағы футбол ойнап,үйге əбден кешке кіреміз. Міне, содан соң да футболға қызығушылығым жоғары.
Ощм, биылғы Еуро-2016-да Портуалдарға жақтастым. Негізі Мадритистпін))) Портудың құрамында Реалдың жұлдыздары болғандықтан əрине) финалға шыққандарында қатты қуандым, əсіресе Уэльспен болған матч ерекше қызықты өтті. Енді Франциямен болатын соңғы ойынды асыға күтудемін)))
Әрі қарай

Astana Wolves - Американдық футболдың астаналық қасқырлары

АҚШ-та кеңінен тараған спорт түрлерінің бірі елімізде аса танымал болмағанымен, оған әуес жандардың күшімен дамытылып келеді. Astana Wolves әуесқойлар командасы өзінің алғашқы жаттығуларын екі жыл бұрын бастаған болатын. Бүгінгі таңда «қасқырлар» командасына 40-50 адам мүше. Олар аталған спорт түріне аса құмар. 18 маусымда Орталық Азия лигасы аясында футболшылар Бішкектің «Барыстар» командасымен күш сынасады.

Астана жаңалықтары: Astana Wolves - Американдық футболдың астаналық қасқырлары

Американдық футбол командасын Денис Казимиренко мен Ассет Айнабеков құрған. Оны жасақтау идеясын олар көптен бері ойлап жүріп, осы спорт түріне әуес жандармен бірге іске асыра алды.

– Бір жолы досымның үйінде спутниктік каналдан ойынды көріп, ұнатып қалдым, бұл серпінді, күшті, ердің мінезін ашатын ойын. Қазіргі кезде Астанада, содан кейін Қазақстанда федерация құрудың жолдарын іздестіріп жатырмыз. Әрине, бұл үшін түрлі өңірлерден бірнеше команда қажет. Әзірге, олардың саны өте аз. Басқа өңірлерде командаларды дамытуға белсенді түрде қатысамыз, жолдастық кездесулер өткіземіз, біз толыққанды лига құруға мүдделіміз,- дейді Денис.

Астана жаңалықтары: Astana Wolves - Американдық футболдың астаналық қасқырлары

Спортшылар Назарбаев университетінің алаңында дайындалады. Бірыңғай жаттығу жоспары әзірленді, балалар сол бойынша жұмыс істейді. Оларға тәжірибелі ойыншылар мен жарақат алып, жаттығуға қатыса алмайтындар да көмектеседі. Команда құрамына 16-дан 36 жасқа дейінгі футболшылар кіреді. Дене бітіміне қарамастан, кез келген адамға белгілі бір позиция беріледі, бұл спорт түріне бәрі де қатыса алады.

Астана жаңалықтары: Astana Wolves - Американдық футболдың астаналық қасқырлары

– Мен раннинбек позициясында ойнаймын – бұл доппен жүгіретін ойыншы, – американдық футболдағы басты позициялардың бірі. Ал ойынның өзіне жақында ғана қосылдым. Бір жыл деген көп емес, дегенмен осы уақыттың ішінде команда жинап, жақсы адамдармен, әрқашан да көмекке келуге дайын достарыммен таныстым. Американдық футбол – қауіпті, түйіспелі спорт түрі. Онда командалық рух бар, кейбір спорт түрлеріне сол жетіспей тұрады, – дейді Astana Wolves командасының ойыншысы Алексей Михасев.

Астана жаңалықтары: Astana Wolves - Американдық футболдың астаналық қасқырлары

Тәжірибелі ойыншылардың бірі Бақыт Жазықбековтың айтуынша, бір қарағанда ойында көп жарақат алуға болатын сияқты, бірақ бұл тәжірибесіздіктен орын алады. Бастысы, техникалық айла-тәсілдерді меңгеру, дұрыс құлай білу және соққы жасағанда өз-өзіңді ұстана білу керек, киімді де тура өлшем бойынша кию қажет.

– Бастапқы кезде жаттығуға қатысқанда бір түрлі көрінетін, адамдар бірін бірі итерісіп жүреді. Сыныптасым біраз уақыт шұғылданып, кейін мені де шақырды. Мен барғаныма өкінбеймін. Ойынға деген қызығушылығым артты. Мен жұмыс істеймін, ал мұнда командамен бірге уақытымды өткізу үшін келемін, жастарға үйретемін, демаламын, — дейді ол.

Астана жаңалықтары: Astana Wolves - Американдық футболдың астаналық қасқырлары

Футболшылар үлкен мақсатты көздеп отыр – алдағы уақытта маңызды ойын өтеді. Матч Қ. Мұңайтпасов атындағы стадионда ұйымдастырылады және бұл қайырымдылық шара болмақ. Жиналған қаржы мүгедектігі бар талантты адамдарды Болгарияға халықаралық конкурсқа жіберуге бағытталады. Кіру билетінің құны – 200 теңге.

Сонымен қатар, жақында елордада флаг-футболдан әйелдер құрамасы құрылды. Американдық футболға қарағанда бұл түйіспелі емес спорт түрі. Қыздар беліне жалаушалар байлап алып ойнайды, ал ойынды тоқтатпас үшін қарсыласыңның жалаушасын тартып алу керек.

Материал Астана қаласы әкімдігінің ресми сайты astana.gov.kz деректері бойынша әзірленді.
Әрі қарай

Мұхаммед Әли туралы фильмдер

Мұхаммед Әлиді кино әлемінде Майкл Манның «Али» көркем картинасы арқылы ғана білеміз. Чемпионды Уилл Смит сомдаған еді. Фильмде Кассиус Клэйдің қара нәсілділердің құқығын қорғаушы ретіндегі қырына баса мән беріледі, ал оның 1974 жылы Заирде өткен Джордж Форманмен жекпе-жегі фильмнің кульминациясы ретінде берілген. Демек, «Али» фильмі осы аңыз тұлғаның толық өмірін суреттемейді, боксерлік карьерасының бүге-шегесіне аса көп тоқталмайды, азаматтық белсенділігінен хабар беретін көріністер толық емес. Бұны заңдылық деп те қарастыру керек, өйткені осындай ұлы тұлғаның бүкіл өмірін бір кинокартинаға сыйғызу мүмкін емес.

Сондықтан, Мұхаммед Әлидің өмірі мен карьерасынан толыққанды ақпарат алу үшін, оны жақынырақ білу үшін бір емес, бірнеше фильмді көріп шығу керек болады. Құдайға шүкір, чемпион туралы деректі фильмдер аз емес екен.

«Немесе оны Кассиус Клэй деп танимыз» («A.k.a. Cassius Clay»), 1970 жыл

Киностан: Мұхаммед Әли туралы фильмдер
Бұл деректі картина бокстан аса ауыр салмақтағы әлем чемпионы болған, Ислам дінін қабылдағанға дейін Кассиус Клэй деген атпен белгілі Мұхаммед Әли туралы баяндайды. Режиссер Әлидің Генри Купермен, Флойд Паттерсонмен, Джерри Куорримен, Сонни Листонмен өткізген жекпе-жектерінен таспаларды бір киноға жинастырған. Әли өзін бокс тарихындағы ең ұлы адам деп атайды. Марқұм Малькольм Икс чемпион туралы өз ойымен бөліседі.

«Мұхаммед Әли: Қабілет, ақыл және жігер» («Muhammad Ali: Skill, Brains & Guts»), 1975 жыл

Киностан: Мұхаммед Әли туралы фильмдер
Фильмде Мұхаммед Әли карьерасындағы ең жарқын сәттерін еске алады. «Көбелекше қалықтап, араша шағып алатын» чемпион жұдырықтасқан қарсыластары туралы айтады. Үздік жекпе-жектерінен кадрлар көрсетіледі, сұхбаттары бар.

«Ең ұлы» («The Greatest»), 1977 жыл

Киностан: Мұхаммед Әли туралы фильмдер
Өмірбаяндық көркем фильмде басты рөлді Мұхаммед Әлидің өзі сомдады. Сюжет бойынша Кассиус Клэй Ислам дінін қабылдап, Мұхаммед Әли деген есімді алады. Кейін ол Вьетнамдағы соғысқа барудан бас тартады. Бұл шешімі оның кәсіби карьерасына кеселін тигізеді, бірақ соттасу барысында Әли жеңіске жетеді.

«Біз патша болғанда» («When We Were Kings»), 1996 жыл

Киностан: Мұхаммед Әли туралы фильмдер
Әлидің ең қиын жекпе-жегі – Джордж Форманмен кездесуі туралы деректі фильм. Екеуі 1974 жылы 30 қазанда Заир астанасы Киншаса қаласында жұдырықтасқан еді. Сол кездесу Конго халқы үшін үлкен оқиғаға айналды, ел басшысының қаржыландыруымен тікелей трансляция әлем бойынша көрсетілді, бокс шарасына орай үлкен музыкалық фестиваль да ұйымдастырылды.

«Біз патша болғанда» — үздік деректі фильм номинациясы бойынша «Оскар» алды.

«Мұхаммед Әли – Әлемнің көзімен» («Muhammad Ali — Through the Eyes of the World»), 2001 жыл

Киностан: Мұхаммед Әли туралы фильмдер
Мұхаммед Әли спорт тарихындағы ең ұлы тұлға ғана емес, ол азаматтық құқық үшін күрескен қозғалыс мүшелерінің бірі, діни сенімі үшін принципке бара алған қайсар адам, өзіне тән мінезі мен харизмасы бар ерекше жан. Деректі картинада ескі таспалар, оның достарынан, отбасы мүшелерінен, табынушыларынан алынған сұхбаттар бар.

«Әлидің 65-і» («Ali’s 65»), 2006 жыл

Киностан: Мұхаммед Әли туралы фильмдер
ESPN арнасы өндірген телевизиялық деректі фильмде Әлидің бокстағы жетістігі қоғамның рингтен тыс бөлігіне қалай ықпал еткенін баяндайды. Кейбір спортшылар тек спорт әлемінде ғана талант болып қалса, кейбіреулердің мұрасы өз кәсібінен тыс әлемге де әсер ете алады. Мұхаммед сондай ерекше адамдардың бірі, ол Америка тарихына ықпал етті. Фильмге сондай-ақ Әлиге 1960 жылғы Олимпиада «алтынын» алып берген жекпе-жек, 1975 жылғы Джо Фрейзермен жұдырықтасуы енген.

«Маниладағы триллер» («Thrilla in Manila»), 2008 жыл

Киностан: Мұхаммед Әли туралы фильмдер
1971 жылы Мұхаммед Әли мен Джо Фрейзер рингте кездесті. Бұл сол кезең үшін бокс әлеміндегі ең басты оқиға еді. Жұдырықтасуға дейін Мұхаммед көпшілік алдында қарсыласын кекетіп-мұқатумен болады, «Горилла», «Том ағай», «Кемтар» деген аттар тақты. Алайда, Джо Фрейзер судьялардың шешімімен жеңіске жетеді. Бұл Әлидің карьерасындағы алғашқы жеңіліс еді. 1974 жылы матч-реванш болды, бұл жолы судьялар жеңісті Әлиге берді. Бірақ екі боксшының арасындағы текетірес бұнымен бітпеді. Фрейзер мен Әли арасындағы үшінші жекпе-жекті Филиппин астанасы Манилада өткізуге шешім қабылданады. 14 раундқа созылған кескілескен шайқас болады, айқын басымдыққа ие нақты жеңімпаз анықталмайды. Алайда судьялардың шешімімен Әли жеңімпаз деп танылып, чемпиондық атағын сақтап қалады. Деректі фильм осы оқиғаны бүге-шегесіне дейін баяндап береді.

«Мұхаммед Әли: Майамиде жасалған» («Muhammad Ali: Made in Miami»), 2008 жыл

Киностан: Мұхаммед Әли туралы фильмдер
1960 жылы Кассиус Клэй еісмді жас боксшы Майамиге келген еді. Осы жерге ол аса ауыр салмақтың чемпионы болу үшін келеді. Ақырында ол аңызға айналды. Фильмде боксшының жақындары, соның ішінде бапкері Анджело Данди, дәрігері Ферди Пачеко сөз сөйлейді. Бұл фильм боксшының Майамидегі эволюциясын көрсетеді.

«Әлимен бетпе-бет» («Facing Ali»), 2009 жыл

Киностан: Мұхаммед Әли туралы фильмдер
Деректі кинокартинада Мұхаммед Әли онымен жұдырықтасқан боксшылар көзімен баяндалады. Әлимен жекпе-жек өткізген үздік 10 боксшы сұхбат берген. Олардың ішінде, Джордж Форман, Джо Фрейзер секілді Әлидің қас жаулары бар. Сөйтіп, Мұхаммед Әлиді оның қарсыластары айтқан әңгімелер арқылы басқаша тануға мүмкіндік ашылады.

«Әлидің он екісі» («Ali’s Dozen»), 2006 жыл

Киностан: Мұхаммед Әли туралы фильмдер
Мұхаммед Әлидің карьерасындағы ең үздік 12 жекпе-жек туралы баяндайтын деректі фильм. Оның рингтегі төбелестеріне куә болған адамдардың сұхбаттары келтірілген.

«Мұхаммед Әли – Адам, қадамдары, сөздері» («Muhammad Ali — The Man, The Moves, The Mouth»), 2012

Киностан: Мұхаммед Әли туралы фильмдер
Бұл деректі фильм чемпион өмірінің ретроспективасы десе де болады. Фильмде оның өміріндегі негізгі оқиғалар, жеңістері мен сәтсіздіктері баяндалады. Боксшының рингтегі басты кездесулерінен сирек кадрлар көрсетіледі.
Аталған кинотуындылар Мұхаммед Әли туралы толық картинаны қалыптастыруға септігін тигізеді деп үміттенеміз.

Қосымша дерек:
Мұхаммед Әли (Muhammad Ali, туған кездегі аты-жөні — Кассиус Марселлус Клэй) — Американың кәсіпқой боксшысы, ауыр салмақ категориясында жұдырықтасты; бокс тарихындағы ең танымал боксшылардың бірі. Өмір сүрген кезеңі — 17 қаңтар 1942 — 3 маусым 2016.

1960 жылғы XVII Олимпиада ойындарының жартылай ауыр салмақ бойынша чемпионы, ауыр салмақтағы абсолюттік әлем чемпионы (1964—1966, 1974—1978).
Әрі қарай

Қастық деп осыны айт

Қазақстандық спортшыларына Қастық деп осыны деп айт.

Илья Ильин мен Зульфия Чиншанло Лондон Олимпиадасында допинг қолданды айып тағылды деп түрлі БАҚ өкілдері xабарлауда.

Өз ойым. Төрт жыл бұрын қайда қалды екен?! Неге тура Рионың алдында? Біздің спортшыларды псиxологиялық түрде «сындыру ма?» не бұл? Әділетті допинг тексеру қайда? Ол да жоқ. Неге сенеміз. Жасұлан мен Алмастан бас тартып едік. Енді кезекте 3 дүркін мен 2 дүркін Олимпиада чемпиондарынан бас тартамыз ба? Жоқ, мен келіспеймін. Баx мырзаға үлкен сын, әділ спорт болсын, әділ төрешілер болсын, әділ ойындар өтсін.
Бірақ Илья мен Зульфиядан ТАРТЫҢЫЗДАР ҚОЛДАРЫҢЫЗДЫ. Олар армандарына жету керек, Қазақ елі марқаяды және мақтанады олармен.

#рио #олимпиада #нок #Қазақстан #olimp #rio #bah #forever #sport
Әрі қарай

Астанада джиу-джитсу жекпе-жегі танымалдыққа ие болуда

Л.Гумилев атындағы Еуразия ұлттық университетінің спорттық-сауықтыру кешенінде жасөпірім және ересек спортшылар арасында джиу-джитсу белбеуіне жоспарлы көктемгі аттестация өтті деп хабарлады inform.kz ақпараттық агенттігі.

Астана жаңалықтары: Астанада джиу-джитсу жекпе-жегі танымалдыққа ие болуда

Аттестация комиссиясы құрамында Қазақстан Джиу-джитсу қауымдастығының жаттықтырушы құрамы, сонымен қатар байқаушы кеңесінің мүшелері болды.

Жалпы алғанда, шараға 80-ге жуық адам қатысты олардың арасында балалар үйінің тәрбиеленушілері, халықаралық жарыстарға қатысушылар да болды.

Астана жаңалықтары: Астанада джиу-джитсу жекпе-жегі танымалдыққа ие болуда

Айта кетерлігі, соңғы уақытта әйелдер арасында бұл спорт түріне зор қызығушылық байқалады. Бүгінгі шара қатысқандардың 7 пайызын қыздар құрады.

Аттестацияға қатысушылардың басым бөлігі өздерінің жаңа белбеуге лайықты екендіктерін дәлелдеді. Бұл жаттықтырушы құрам мен спортшылардың өздерінің жүйелі әрі қарқынды жұмыстарының жемісі деуге болады.
Әрі қарай

«Астана» әйелдер футбол клубы Еврокубоктарда ойнауға ниетті

Футбол ойыны тек ер азаматтарды ғана емес, әйелдерді де қызықтырады. Тіпті осы спортты тамашалауды ғана емес, онымен айналысатын нәзік жанды, өр рухты қыздар аз емес. Осындай жігерлі қыздардан құралған «Астана» әйелдер командасы алдына биік мақсаттар қойып отыр. Бұл клуб шеберлері кішкентайынан жаттығады. Қыздар №8 олимпиадалық резервтегі мамандандырылған балалар-жасөспірімдер мектебінде оқытылады, ең кішкентай футболшылар сегіз-ақ жаста.

Астана жаңалықтары: «Астана» әйелдер футбол клубы Еврокубоктарда ойнауға ниетті

Елордада жоғары лигада өнер көрсететін кәсіптік әйелдер клубын құру ұзаққа созылды. Команда құрамы биыл қаңтар айында бекітілді. Командаға мектептің үздік шәкірттері енді. Олар күн сайын «Астана Арена» стадионында жаттығады.

Футболшылар тәжірибелі бапкерлердің жетекшілігімен шеберліктерін шыңдайды, дене шынықтыру машықтарын дамытады. Ел біріншілігінің бірінші туры аясында ертең олар Қазақстанның бес дүркін чемпионы — Шымкенттің «БИІК-Қазығұрт» ӘФК алаңға шығады.

– Биылғы басты мақсатымыз – команданы жинақтау. Әзірге, теңгерім жоқ, сондықтан басты міндетіміз – бәсекелес команда құру, өйткені, біз Еврокубоктарда ойнауға ниеттіміз, ал ондай мүмкіндік болса, ондағы командалар мықты болады. Ал «БИІК-Қазығұрт» осы жолда кездесетін командаларымыздың бірі, – дейді «Астана» әйелдер футбол клубының бас бапкері Виктор Сеник.

Астана жаңалықтары: «Астана» әйелдер футбол клубы Еврокубоктарда ойнауға ниетті

Команда сапында әр жастағы спортшылар бар. Ең кішісі – Ұлпан Пазыл – 21 жаста. Ол футболды ұнататынын айтып, елордалық команда құрамына енгенін мақтан ететінін жеткізді.

– Мен кішкентай кезімде аулада ойнайтынмын. Сол кезде көзге түсіп, шақыру алдым. Үйдегілер ерлер спорты деп футболға қарсы болды, бірақ әкем рұқсатын берді, футболмен кәсіби айналысып жүргеніме 10 жыл болды. Футбол – менің өмірім. Осында команда құрамында ойнау мен үшін зор мақтаныш,- деді Ұлпан Пазыл.

Астана жаңалықтары: «Астана» әйелдер футбол клубы Еврокубоктарда ойнауға ниетті

Әрине, клубта команда капитанына үлкен жауапкершілік жүктеледі.

«Астана» әйелдер командасының көшбасшысы — Мария Ялова.

– Спортпен бала кезімнен шұғылданамын. Футбол, хоккей, теннис ойнағам, тіпті дзюдоға да барғам. Футбол бәрінен де ыстық, әрі қызықты. Бұл командалық спорт түрі, жалғыз өзіңді ғана ойламайсың – командамен жұмыс істеу керек. Алдымызға үлкен міндеттер қойылды, әр ойында әр ұпай үшін күресеміз, бар күш-жігерімізді саламыз, — дейді «Астана» ӘФК капитаны.

«Астана» әйелдер футбол командасы Қазақстан кубогының финалисті болып табылады, ертең сағат 12.00 команда шымкенттік футболшылармен кездеседі.

Материал Астана қаласы әкімдігінің ресми сайты astana.gov.kz деректері бойынша әзірленді.
Әрі қарай

Астанада әйелдер арасындағы бокстан әлем чемпионатында 12 олимпиадалық жолдама сарапқа салынады

Астанада өтетін бокстан әйелдер арасындағы әлем чемпионаты ауқымында Рио-де-Жанейродағы Олимпиадалық ойындарға 12 жолдама сарапқа салынады. Рио-2016 олимпиадалық жолдамалары: 51 келіге дейінгі, 60 келіге дейінгі және 75 келіге дейінгі үш салмақ санатында ойналады. Әр санатта төрт жолдамадан болады.

Естеріңізде болса, Астанадағы бокстан әйелдер арасындағы әлем чемпионаты 19-27 мамыр күндері «Барыс-Арена» мұз сарайында өтетінін хабарлағанбыз. Қазақстан он салмақ санатында 10 қызды жарысқа қатыстырып отыр. Құрамада астаналық Римма Волосенко, Валентина Хальзова және Ләззат Күнгейбаева кірді. Сондай-ақ рингте Назым Қызайбай, Жайна Шекербекова, Дина Жоламан, Айжан Қожабекова, Зарина Цолоева, Виолетта Князева және Юлдуз Маматкулова ел намысын қорғайды.

Чемпионатқа 326 боксшы қатыспақ — бұл әйелдер чемпионаты үшін рекордтық сан. Әлем біріншілігінде Иордания, Мозамбик және Сьерра-Леоне өкілдері алғаш рет қатысқалы отыр.

«Алтыннан» дәмелілердің қатарында ирландық Кэти Тейлордың, үндістандық спортшы Мэри Комның, американдық Кларессу Шилдстің, британдық Никола Адамстың және қытайлық Рен Канканның есімдері аталып жүр.

Командалардың көпшілігі Астанаға келіп жетті, олар үш базада — боксты дамыту орталығында, «Толқын» спорт кешенінде және Астана-Аренада жаттығып жатыр. Біздің спортшылар АҚШ, Финляндия және Черногория командаларымен бірлескен жаттығулар өткізді.

Астана жаңалықтары: Астанада әйелдер арасындағы бокстан әлем чемпионатында 12 олимпиадалық жолдама сарапқа салынады

«Астанадағы әлем чемпионаты кезекті рет бүкіл әлемдегі әйелдер боксының мәртебесін көтереді, — деп мәлімдеді АІВА президенті Чинг-Куо Ву. — Біздің бәріміз де оған аңызға айналған чемпиондар мен жас таланттар қатысатынын мақтан етеміз».
Әрі қарай

Отбасы күнін астаналықтар қалай тойлады

Отбасы күнін Республикамыздың барлық өңірлері атап өтуде. Отбасы институтын дамытуда бұл шаралардың маңызы зор. Елорда тұрғындары мен қонақтары бұл атаулы күнді өздерінше тойлады. Жексенбі күні Астаналық паркте жеті команда, яғни жеті отбасы көңілді жарыстарда бәсекеге түсті.

Астана жаңалықтары: Отбасы күнін астаналықтар қалай тойлады

Спорттық мерекеге жанұялар толық құраммен қатысты. Балалары мен ата-аналары шет қалмай, жеңіске жету үшін ептілігі мен жылдамдығын көрсетті. Көңілді старт бағдарламасына асық ату мен арқан тарту сияқты ұлттық ойындар да енді.

— Халықаралық отбасы күні 1993 жылы бекітіліп, жыл сайын 15 мамырда аталып өтіледі. Біз отбасылық жарыстар, саяхаттар және т.б өткіземіз. Бұл жолы мереке саябақта жаттығу жасаудан басталды. Содан кейін кезек жарыстарға берілді, — деді Астана қаласы салауатты өмір салтын қалыптастыру орталығының директоры Ақмарал Құрманбаева.

Астана жаңалықтары: Отбасы күнін астаналықтар қалай тойлады

Әденовтер әулеті осы сияқты бұқаралық шараларға бүкіл отбасымен қуана қатысады. Олар бүгін де тыс қалған жоқ.

— Әдеттегідей бүкіл отбасымызбен – бесеуіміз келдік. Әр демалыс сайын таза ауаға шығып отыруға тырысамыз, қалалық саябақтарда ұйымдастырылатын ойын-сауықтарға қатысып жүреміз. Осындай қызықты спорттық жарыстар өткізу — тамаша идея, мұндай шараларды жиі ұйымдастырған дұрыс, — деп Асқар Әден өз пікірімен бөлісті.

Астана жаңалықтары: Отбасы күнін астаналықтар қалай тойлады

Шараға таэквондодан Қазақстан федерациясының вице-президенті, Бейжіңдегі Олимпиада ойындарының қола жүлдегері Арман Шылманов та келді.

— Спорт пен дене шынықтыру — денсаулыққа пайдалы, адамдардың бүкіл отбасымен бірге салауатты өмір салтын ұстанатыны қуантарлық жайт, — дейді спортшы.

Еске салайық, 8 мамырдан бастап Астаналық паркте демалыс күндері ашық аспан астында бұқаралық спорттық және фитнес жаттығулар жасау ұйымдастырылып келеді. Тәжірибелі нұсқаушылардың жетекшілігімен йога, зумба және кроссфиттен сабақ алуға болады.

Материал Астана қаласы әкімдігінің ресми сайты astana.gov.kz деректері бойынша әзірленді.
Әрі қарай

ЛЕСТЕР чемпион!

Сонымен, футболдан Ағылшын чемпионатының аяқталуына сәл-ақ қалды. Нақтырақ айтсақ 2 тур. Ал, Сіздер, қай құраманың чемпион болғанын біЛЕСТЕР)
Блог - ErzhanKhamitov: ЛЕСТЕР чемпион!
2014-2015 кезеңінде 41 ұпаймен 14-ші орынды қанағат тұтқан Лестер келесі жылы яғни, 2015-2016 жылғы кезеңде 1 орын алады деп кім ойлаған?! Ағылшын чемпионатының тарихында Лестер алғаш рет чемпион атанды. Ең қызығы құрама жаттықтырушысы Клаудио Раньери чемпион болғанын ұшақта естіді. Ол өзінің 96 жастағы анасына ұшып бара жатты. Ал, құрама Джейми Вардидің үйінде отырып естіді. Нақтырақ айтсақ тікелей эфирден көрді)
Блог - ErzhanKhamitov: ЛЕСТЕР чемпион!
Лестер құрамасы тіпті, құрама жанкүйерлері кеше түнде Челсидің жанкүйері болды. Себебі, олардың мерзімінен бұрын чемпион болуына септігін тигізген ойын Челси-Тоттенхэм арасында өтті. 9-шы орында тұрған Челси чемпиондықтан үміткер Тоттенхэммен тең ойнады. Осылайша Тоттенхэм ұпай жоғалтып, Лестердің бағы жанды. Былайша айтқанда Челси-Тоттенхэм ойынында Лестер жеңді) Құттықтаймыз! Армандар орындалады деп Лестерге айтуға болатын шығар. Енді, алдымыздағы жылдарда Сассуоло немесе Эйбара чемпион болып қалатын шығар) Бір-екі жылдың көлемінде «Лестердің чемпиондыққа жолы» атты кино көріп қалуымызда ғажап емес)
Әрі қарай