Ілмектерден іздеу

Баян таудың басында...

Есағама, Есен братқа, Есен Елеукенге рақымет айтқым келеді:
— Тау басында бір батыр,
Жайбарақат жатқан ба?!
Түстік жерден қас жауы,
Көздеп тұрып атқанда ,- деген өлеңді мен тым бала кезімде оқығам. Бұл Абылай бастаған қазақ жасағының жас жауынгері Жасыбай батырдың өліміне қарата айтылған жыр. "… Содан кейін батыр жерленген тау да Жасыбай тауы аталды, тау етегіндегі көл де Жасыбай көлі аталды" деген жолдар есімде-тін. Сол өлке табан тіреймін, бара қалам деген ой болмапты басымда. Ғайыптан хабар келді, Есағама хабарластым, «жүр» деді, мың болғыр. Сөйтіп, Баянауылды да көрдік.
Әрі қарай

Домбыра Пати Жаңаөзенде екінші рет

Ассалаумағалейкүм, ағайын!09.05.2013 ж. Жаңаөзен қаласында 2 – ші рет Домбыра Пати өтті. Жеңіс күнімен қатар келгендіктен, Жеңіс күні туралы Джалғасов Нұрболат бауырымыз бір ауыз айтып өткен болатын. Екінші рет өткізіліп отырған Домбыра Патиіміз әдеттегідей «Жалын» жастар орталығының алдында өтті. Біраз жамағатта жиналды, өткендегіге қарағанда. Тәтті күймен, әсем ән тыңдап демаалып қайтты. ИншАллаһ Жаңаөзендіктер Домбыра Патиді дәстүрге айналдыратын болады.
Басталар сәттен көрініс
Басталар сәттен көрініс.





Мына кішкентай қызда Домбыра Патиімізге өз үлесін қосуға келіпті. Күй тартып, ән айтып берді. Есімі Мөлдір екен. Риза боп қалдым. Осы қыздың келгені мені қуантып тастады. Алла ғұмыр жасын ұзақ қылсын. Бақыт тілеймін.

Жолымов Әбубәкір бауырымыз әдеттегідей ән салып жатырған кез.

ЖАҢАӨЗЕН. Домбыра Пати. 09.05.2013 жыл.
Балтабаев Серік блог sbaltabai.yvision.kz/
www.youtube.com/channel/UCTOI-9TgefWMAoOKbcUUBeA/videos
Әрі қарай

Жаңаөзендегі Домбыра Пати

Жаңаөзен қаласында 02.05.2013 ж. сағат 19.30 да алғашқы рет Домбыра Пати болып өтті. Домбыра Пати «Жалын» жастар орталығының алдында болды. Астанадан бастау алған бұл игілікті іс Жаңаөзен қаласында жалғасын тауып отыр. Алғашы рет болғандықтан қалай болар екен деген ойлар болған. Бірақ өз деңгейінде өтті. Жиналған қауым біраз күй тыңдап,ән тыңдап демалып қайтты. Домбыра тарта алмайтындар да, домбырашыларға шабыт беріп «еу», «беу», «шап», «жібер» дегендей үн қосып қолдау көрсетуді ұмытқан жоқ. Домбыра Пати әдеттегідей әр бейсенбі сайын жалғасын табады. Уақыты 19.30 басталады. Алғашқы Домбыра Пати қалай болғандығын суреттер сөйлесін, содан соң Жаңаөзеннің сарқытын көріңіздер.


Жиналып жатырған сәт. Басым бөлігі жастар.
Әрі қарай

"Аруақ атқыр, Адайлар..."

Батыста бір қала бар Өзен деген.
Ісіне Тәңірімнің төзем деген.
Өрлігін, көкірегін басты талай,
Өзінше өңшең қырттың өжеңдеген.

Батыста бір қала бар Өзен деген
Қаруын дұшпан бар ма кезенбеген.
Жапқаның жаралы елге жылтыр шапан,
Бөз емес жан жарасын Сөз емдеген.

Үлкендер, қайдасыңыз, көрісейін!
Замандас, тай-құлындай тебісейін.
Тас шіркін ауыр дейді, түскен жерге,
Қайғыңды қараөлеңмен бөлісейін.

Береді көп тілегі батылға дем!
Батыр сол — қайрат болса ақылға тең!
Жылында сексен тоғыз лапылдап ең,
Тап бұлай Өзен бірақ, атылмап ең.
Әрі қарай

ОТТАЙ БЕРЕДІ ОСЫРАҚ ШАЛДАР...



Қаланың атауын өзгерту туралы хабарды естігенде, «сандырағы» шығар деп сақалдылардың, тіпті де елемеген едім. NEWS деген тіркесі бар ақпарат таратушылардың тілшілері тыпырлап жаза бастағанда, кәдімгідей ойланып қалдым. Твиттердегі парақшама түртіп қойып ем, бірлі-жарым саясаттан хабары бар жандар және сол «біздің» өңірдің тумалары ғана әңгімеге араласты.

Амиржан Косанов‏ @akossanovkz Қара алтыным жеті қаттан қазылған, Билік басы көп бәлеге шатылған.Мұнаймен де, қанменен де жазылған Өзенім-ау, айналайын атыңнан!

@Aidos_Sarym: Атыңнан айналайын Бекет Ата, Атыңды қоймау керек десем болма қапа...
Әрі қарай

Жаңаөзен қаласының атауын не үшін өзгертпек? Сескенеді-ау, сірә?! ...

Жаңаөзен қаласыСөздігімізде «Жаңаөзен оқиғасы» деген «аты дардай» тіркес қалыптасты. «Мен Жаңаөзендікпін» десе, жұрт үрке қарайтын болды. «Не істемек керек?» Көптен толғандырған сұраққа «Жаңаөзендік» қариялар жауап тапты: «Жаңаөзен қаласының атауын «Бекет ата» деп ауыстырамыз...». Бүгін Маңғыстау облысы ақсақалдар кеңесінде ауыл қарттары басшылыққа осындай ұсыныс жасады. «Мезі болған» ақсақалдар ресми түрде құжат толтырып, 40 шақты қол жинады. Облыстық әкімшіліктен соң ресми өтініш аймақтағы маслихаттың қарауына жіберіледі. Тиісінше, Жаңаөзен қаласын «Бекет ата» деп атау мәселесін онамастикалық комиссия қарайтын болады.
Ал, «Бекет ата» деген кім? «Бекет ата» – дінтанушы ғалым, көне дәуірдің өзінде-ақ математика, медицина, астрономия ілімдерін зерттеген. Ағартушылық ісімен айналысып, сәулет өнерінде де өшпес із қалдырды. «Бекет ата» салдыртқан жерасты мешіттері әлі күнге дейін сақтаулы.
«Өткеннің жәдігерлерін тамашалау үшін Ресей, Қытай, Франция туристері үнемі келіп тұрушы еді, «Жаңаөзен оқиғасынан» кейін күрт сейілді», деп те қалды кеңеске жиналған ақсақалдардың бірі. Сескенеді-ау, сірә?! ...
Әрі қарай

Бағы ашылмаған қала...

Тағы бір тақырып табылды… Жаңаөзенді қаралаушылар үшін. Кеше кешкілік Маңғыстау облысы, Жаңаөзен қаласындағы шағын мұнай өңдейтін, жергілікті жұрт «гпз» атап кеткен зауыт жарылды. Ақпаратты мен түнгі 00*20 дарда алдым. Сол кезде "қала жалын сәулесінен жап жарық боп тұр, өрт сөндірушілердің қолынан ештеңе келер емес" деген еді… Түнгі екілер шамасында «жалынның 5 нүктесінің екеуі өшірілді, адам шығыны жоқ» дегенді естідім… Ал, таңертең, яғни жаңа бір 10 минуттай бұрын Астана арнасының Маңғыстаудағы меншікті тілшісі Сандуғаш Шортанова «Астанадан врачтар алдырып жатыр, соған қарағанда хал мүшкіл ау» деген тілдей ақпарат берді… Енді көңіл алаң, маза жоқ… Түнгі ауысымда да жұмыс жасайтын адамдар бар екенін ескерсек… Ойлаудың өзі жаман. Қала әкімнің бірінші орынбасары Тілек Көшмағамбетов деген сыйлас досым еді, ол да пәлендей ашып ештеңе айтпады. Дірілдеп тұр дауысы…
Ееей, бағы ашылмаған қала…
Сормаңдай жұрт…
Қай пейіліңнен таптың екен?!
Қасқа болдың ау… қайта қайта қара жамылып… Аспаның ашылмай-ақ қойды-ау, қайран Өзен…
Әрі қарай

Диди және Жақау - "Қазағыма лайықты" ән жинағы

Жаңаөзендік Амангелді(руы — жақау) мен оралдық Данияр(Диди) екеуі бірлесіп айтқан "Қазағыма лайықты" альбомы шықты, меломаннан ала аласыздар. Негізі 16-шы желтоқсанда шығуы тиіс болатын, белгісіз себептерге байланысты… жарнамамдысс. қобыз бен домбыраның үнімен келістіріп айтқан, Диди(beat maker). Бұл Қазақстанда бұрын болмаған альбом десек те болады. Сапалы!
базар жоқ!!!
әлі де біраз өлеңдері шығу керек, салып отырамын.
ғаламторға шыққан өлеңдері:
Диди және Жақау — Қазағыма лайықты.

Диди және Жақау — Біздің Отан.

Диди және Жақау — Бас сардар.

Диди және Жақау — Анашым.

Диди және Жақау — Қарлығаш.

Диди және Жақау — Сенің бейнеңді көріп.

Диди және Жақау — Ұмытпадым.

Диди — Маңызды емес.

авторлық құқықты кім тексеріп жатыр дейсіңнақты сайты жоқ, zhamagat.kz және Жақаудың жеке сайты(қасапшылар) жақында ашылады.

және де жуырда Жақаудан жаңа клип.
Әрі қарай

Ибрагим Ескендір "Сабыр, халқым!"



Сөздері сүйектен өтті-ау… «Бұдан жаман күніңде де тойға бардың емес пе?»
Пы.сы. Әнге бұдан да сәтті клип түсіріледі деп үміттенемін.
6-наурыз, 2012 жыл. Жаңартылды.

Төменде осы әнге әзірленген тағы бір клипті ұсынып отырмын. Клипке қарап, бұны видео-мұрағаттарды ақтарып, әрбір сөзге сәйкес «картина» салатын, журналистикаға қатысы бар адам әзірледі деуге болатын сияқты. Екінші клип те онша ұнап тұрған жоқ. Жалғасын күтейін. Бұдан да жақсысы жасалар деп үміттенемін.

Әрі қарай

Әншілер қалай күн көрмек...

Мына посттан соң

Биыл, «Қазмұнайгаз» Ұлттық компаниясы Жаңа жылдық корпоративтік кештер өткізбейтінін баршаңыз естіген боларсыз. Жаңаөзендегі оқиғаларға байланысты Қазмұнайдың барлық еншілес компаниялары да «гулянкадан» бас тартты. Бірақ, мәселе мұнда емес. Бүгін редакцияда, осыған қатысты әншілердің пікірін білейік деген ой туды. Содан телефон соқтық.

Әрі қарай

Көшербаев кетсін, Назарбаев келсін!

Осының алдында жазған «Сыныққа сылтау немесе Маңғыстауға сабыр керек» атты постымды
Айтпақшы-4, Маңғыстау облысының әкімі Қырымбек Көшербаевты орнынан алу керек! 2006 жылы қалай облысқа басшы боп келді, солай көтеріліс басталды. Мәселені күшпен екіні бірі баса алады. Ал мәмілеге келіп шешетін лидер некен-саяқ. Міне, осы жерде біліктілік керек-ақ! Өзінің өкінішіне қарай, Қырекең ол межеден көріне алмады. Айта кететін тағы бір нәрсе, маңғыстаулықтар Көшербаевтың сөзін естіп, өзін көрсе, қан қысымы көтерілетін дәрежеге жеткен…

Айтпақшы-5, Өңірге жедел түрде Елбасы Нұрсұлтан Әбішұлы келуі керек! Мен білетін Маңғыстау болса, олардың тыңдатайтыны әрі күрделенген проблемаға жауап бере алатын тек қана сол кісі!

деп аяқтаған болатынмын. Сол тілек орындалатын секілді. Бүгін, яғни желтоқсанның 22-сі күні Елбасы НӘН Ақтауға ат басын бұрды. Дұрыс шешім күтеміз.

Айтпақшы: Бейресми көздер бойынша, жаңа ғана Көшербаевтың орнынан алынғаны туралы ақпарат алдым. Облысты енді Бауыржан Мұхамеджанов деген кісі басқарады.
Әрі қарай

Жаңаөзен (1989-2011)


Болар іс болды, бояуы сіңді… Ел Тәуелсіздік мейрамын тойлап, үбір-дүбір болып жүргенде, батыстағы шағын қала — Жаңаөзенде «страшный» оқиға орын алды.
Әрі қарай

Болар іс болды...

«Аноним»


Толық көріп шықсаңыздар осы кинода бірдеңе бар. Сөздің құдіреті туралы. Шекспир. Ел алдында кіршіксіз өнердің әлеуеті любой әскеріңнен биік екенін көрсетеді.

Болар іс болды. Жаңаөзендегі жағдайды 86-дағы жағдаймен салыстырып жатыр. Арандатушылық дейді. 86 жылғы жағдайдың арты қайырлы болып, Азаттық алып берген болатын. Ал мынау жағдайдың арты не болар екен? Тек қайырлы болғай!
Әрі қарай