Тіліңді тартып жүр, қысқарып кетесің

Мені ҚазАқпараттан қысқартпақ. Астанаға барып келген бастығымнан естіп шок болып отырмын. Жоқ, жұмыссыз қалам деп қорыққаннан емес. Менен кейін келген (бір-екеуін өзім жетектеп келіп, жұмысқа кіргізіп, үйреткен едім жазуға) бірнеше адам бар, неге аға тілші, стажы көп мені қысқартпады, деген ойдан. Ойлап қарасам бәленің бәрі мына екі мақаладан сияқты. www.masa.kz/article/view/id/1210, www.masa.kz/article/view/id/1228 («ҚазАқпараттың» қарны аш, ҚазАқпараттың қарны қайтсе тояды?) Жалақысы кешігіп, өзі ую-қию болып жатқан соң өзгеріс болсын деп жазып едім. (айтпақшы Ермек Қарабала деген мен емес, редакторы қоя салыпты ол атты.Астына менің атымды жазып біреулер пікір жазыпты, бастықтар өзінің пиары деген шығар. Оның үстіне стильді де таныған болуы керек) Ондағы ойым, ҚазАқпарат сәл болса да дамуы керек, заман көшінен қалмауы тиіс. Қазір әріптестерімнің көпшілігі Мейл. рудан басқаны ұқпайтын «интернет журналистер», бар ойым солардың көзін ашайық, шын мәнінде интернет журналистер болсын деп, соған жағдай жасамай отырған бастықтар кетсін деп жазып едім. Алайда қазір тупли жалағандардың дәуірі жүретін заман ғой. Ашық айтсаң, аузың айға қарайды. Соның «пайдасы» тиді. Әйтпесе менің қасымда мамандығы журналист еместер, стажы менен төмендер толып жүр. Жәй тілші емес, аға тілші, стажы жоғары Ерболда несі бар. ҚазАқпаратта жалғыз интернет саланы білуге талпынып жүр, жеке интернет сайт ашып жүр, талай адамды әкеп жазуға үйретті, ақпарат агенттіктері үшін болашақ журналистерді тәрбиелеуге үлес қосып жүр-ау, мынау демеді. Өткенде бір танысым Ереке қанша ақылды болсаң да тіліңді тартып жүр, сенің кім екеніңе қарамайды, топастың шекпенін қиіп-ап, мақтай бер, мақтай бер бастықтарды, әйтпесе қысқарып кетесің деп қалжыңдап еді. «Мейлі сенен кейін келген адам бола берсін, мейлі сен мықты жаз, сені бәрібір қысқартамыз деді, Астанадағы бастықтар»,- деді осындағы бастығым. Е, заман -ай дедім. Солай, аз күнде жұмыссыздар қатарындамыз.Сатекең айтқан, Қоғам болған түріміз осы. Сен ҚазАқпарат дамыса екен деп армандайсың, талпынасың, ал, сені арттан бір тебеді.Сенен жазуды үйреніп алып, үндемей отырғандар, тып-тыныш қала береді.
Осыдан екі апта бұрын екі бірдей ұсыныс түскен. Біреуі өз мамандығым пиарға қатысты, жалақысы да тәп-тәуір, екіншісі басқа сала, бірақ лауазымы сәл жоғары, астыңа беретін аты да бар.Өй, деп ойланып қалғам, сөйтсем Ереке жұмыс тауып ал деген белгі екен, жоғарыдан)))