Блогшыларға ортақ қуанышыммен бөлісейін!!!

Достар! Керемет қуанышым бар. “Әрбір блогшы журналист болуға міндетті емес, бірақ, әрбір журналист жақсы блогшы бола алады” қағидасы біздегі блогкеңістікте қалыптасып келеді. Десе де, жаңа медианың дәстүрлі медианы шаң қаптырып кетуінен сескенетін кей аға буын өкілдері блог ұғымын қабылдай алмай жүр. Журфакта Асхат ағайымның үйреткен білімін екшеп көрсету және блогшылар деген қауымның еріккен жұрт еместігін дәлелдеу мақсатында ғылыми жұмысымды “Қазақ журналистикасындағы блоггинг” тақырыбында қорғап ем. Жюри мүшелері түрлі сұрақтармен төпеп тастады, жақында өткен құрылтайдың мақсатын сұрады, блогтың пайдасын сұрады… Ең соңында “Теориялық пәннен тақырып таңдамай, осы тақырыпты қорғаудағы мақсатың не?” деді. “Қазақтілді блогкеңістіктен біздің журналистика факультетінің кез келген студенті не оқытушысы өз орнын таба алады. Еркін пікір алаңында өз ойын именбей айтудың, көрген-білген оқиғаны баяндаудың біздің студенттерге тек пайдасы тиер еді. Бла-бла-бла…” дедім.

Сонымен, маған факультет бойынша жүлделі 2-орын бұйырыпты. Егер, 1- ші және 3-ші орындарды магистрлердің алғанын (өзім 2-курста оқимын) және менің тақырыбымды басында кей ұстаздардың практикалық несерьезный тақырып деп қабылдағанын ескерсек, бұл – жақсы жетістік. Ең бастысы, қазақтілді блогшылардың пост жазып, бекерге потеть етіп жүрмегендігін белгілі бір топ алдында дәлелдедім деп ойлаймын.

Пы.сы. Марапаттау жұма күні болады екен, бұйырса грамотамды суретке түсіріп салам ғой блогқа. Сіз бен біздің қоғамда мойындала бастағанымызға қуанамын, блогшы!