1 тур. Ла Лига

Кешегі ойынның қорытындысы, өзімше бір тігіліп болжам айта қойып едім 4-0 деп, Шиваға жақпай қалдым-ау деймін. Қарапайым ғана, сонда да адуынды Бетисті әупірім деп жүріп жеңдік енді өйтіп-бүйтіп, бастысы мен үшін 3 ұпай қалтада. Мадридтіктер Каталондықтар секілді голдан тау тұрғызбаса да кішкене болса да голдан төбе жасады. Ойынның есебі 2-1. Қанжығасы майланғандар: Бензема мен Иско (менің құрдасым ол)

Анчелотти бапкер осы ойынға негізгі құраманы шығарған еді, неге Бетисті тігіп тастамағанына таңқалып отырғаным. Өз басым бұл ойынды көре алмадым, кеш басталады және бүгінгі жұмыс күні бар дегендей.

Сонымен, ойын жайлы толық ақпарат бере кетсем:
Реал Мадрид – Бетис 2:1 (1:1, 1:0)
Голдар:
0:1 – 14 Молина, 1:1 – 26 Бензема, 2:1 – 86 Иско.
Реал Мадрид – Диего Лопес, Карвахаль, Пепе, Рамос, Марсело, Хедира (Каземиро, 55), Модрич, Иско, Озил (Ди Мария, 69), Бензема (Мората, 81), Роналду.
Бетис – Андерсен, Чика, Перкис, Паулао, Начо, Матилья, Игьебор, Хуанфран (Вадильо, 69), Верду (Б.Родригес, 79), Седрик (Хуан Карлос, 62), Молина.
Ескерту:
Матилья (30), Модрич (50), Игьебор (90).

Төмендегі жігіттерді Abilakim браттың тілімен айтқанда қоттақтаймыз, себеп керек болса айтайын, олар РЕАЛ үшін 200 матчтарын өткізді кеше:



Матчтың қысқаша шолуы:


Басқа ойындар нәтижесі:
Реал Сосьедад – Хетафе 2:0
Вальядолид – Атлетик 1:2
Валенсия – Малага 1:0
Осасуна – Гранада 1:2
Севилья – Атлетико 1:3
Райо Вальекано – Эльче
Альмерия – Вильярреал
Сельта – Эспаньол(бұл матчтар бүгін ойналады)

Арамызда, Мессидің, Барселонаның фанаттары барына сенімім мол. Соларға арналған, шамалы күліп аларсыздар, ал маған күлкілі емес, жай ғана сәтіздік:


Ал ойынды өзімше сараптап көрсем:
1. Негізгі қақпашы болып Диего Лопестің шығуына таң қалдым, Касильяс жақсы формада еді қателеспесем.
2. Сол баяғы Жамал апайды қартайтқан қорғаныстағы жігіттердің нашар ойыны, әлі талай дайындық қажет, Барселона кешірмейді бұндайларды.
3. Исконың нағыз талант екеніне сенімім арта түсті, берген пастары керемет енді. Ойыннан соңғы интервьюінде бұл Ла Лигадағы алғашқы баспен соққан голы екен.
4. Матчтың үздік ойыншысы Иско деп ойлаймын, жеңіс голын соқты, гол+пас, дебютті матчында керек десеңіз!!!

5. Матчтың пүздік ойыншылары деп орталық қорғаушыларды(Рамос пен Пепе) айтуға болады.
6. Мен матчты көрмесем де интернеттен тауып, записьті көріп алдым, сондықтан көрмей қалай қорытынды жасап отсың деп тіге бермеңдер наҚ.

Сосын матчтан шамалы суреттер, тамашалай отырыңыз:

Сатыбалды брат мына кісі біздің жаңа бапкер, сізден сұрайын дегенім: осы кісінің көзіне не болған?

Айналып қана кетейін Иско Мадридтегі ғұмырың ұзағынан болсын