Автонарықтағы тығырық: Отандық авто?

Өткен постымда Қазақстанда Кедендік Одақтың кесірінен автонарықта туындаған мәселелердің шет жағасына тоқталған едім.

Атап айтқанда, қазір сапалы, әрі арзан шетелдік машиналар көп әкелінбейді, есесіне бағасына сапасы сай емес Ресей машиналары қаптай бастады. Адамдарға, әсіресе қалада өмір сүріп/жұмыс істеп жатқандарға жеңіл, арзан, мүмкіндік болса — шыдамды, немесе қосалқы бөлшектері арзан авто керек.

Ескерту: Крутой көліктің артынан қуатын понторездар туралы сөз қозғалмайды бұл жерде. Бұл жерде бюджеттік, бір айлықтан басқа артық табысы жоқ тұрғындардың таңдауына сай келетін автокөліктер туралы сөз болады

Осы орайда, елімізде құрастырылатын шетелдік маркаларға тоқталғым келеді. Қазақстанда, ресейлік ВАЗ-дарды есептемегенде, келесі брендтер құрастырылады:



Мен ескі көлігімнен құтылып, тәуірлеуін іздей бастағанда жоғарыда аталған проблемаларды омыртқа миыма дейін сезіне бастадым. Алдымен «Golf III» қарадым. Мен іздеген бағаға "өлімтіктер" ғана кезікті. Тәуірін кредитке алуға болатын еді, бірақ ұсталған машина үшін кредит алғым келмеді. Сосын «отандық» деп жүрген көліктерге көз сала бастадым.

Сапа
Бізде «шығатын» машиналардың сапасы «оригиналдан» төмен деп айтпас едім. Өйткені, бізде «шығады» деген атақ қана. Бізден ешбір деталі шықпайды, тіпті орындығының тысы да сырттан әкелінеді. Сіз таң қаларсыз, бірақ шетелдік брендтер 70-80 пайызға дайын күйінде әкелінеді. Біздің зауыттар тек бөлек келген беріліс қорабы, қозғалтқыш сияқты бөлшегін «кигізе» қояды да, "Қазақстанда жасалған" ұранымен сатып жібереді. Сондықтан шетелдік көліктердің сапасы жағынан өз отандарында шығатын түрлерінен аса бір айырмасы бола қоймас. Есесіне, "қазақстандықтардың" бір артық жері бар — шетелдік марканы арзан бағаға аласың.


Қандай бренд?
Әрине, жаңа көліктің аты — жаңа көлік. Оған кредит алуға да тұрады. Енді мен жаңа көліктермен есім кете бастады. Тіпті ресейлік маркаларға да Интернеттен «сапа, баға» сұрақтарымен шолып шықтым. Бірақ орыстардың машиналары көңілден шыға қоймады. Сосын басқа «отандық» маркаларды қарастырдым. Әсіресе SsangYong қызықтырды. Интернетте жазылған пікірлерді қарадым, тест-драйвтарын көрдім, білетін таныстардан сұрастырдым. Әрине, олар Toyota внедорожниктері секілді идеальный емес, бірақ бірнеше жыл қиналмай жүруге болатын секілді.

Бірақ бағасы мен үшін қымбаттау болып шықты. Шамамен 4 млн. теңгені құрайды. Бұл ойымнан өкіне отырып бас тартуға тура келді.

Келесі постта "Қазақстанда жасалған" брендімен шығатын басқа автомобиль туралы айтылады.