Қазақ тілін меңгеру мүмкіндіктері туралы үздік жарияланым байқауының жеңімпазы алтын құймаға ие болады



Қазақстандық БАҚ пен блогерлар арасында мемлекеттік тілді меңгерудің мысалдары мен инновациялық әдістері туралы бірінші дәстүрлі үздік жарияланым байқауы іске қосылды. Байқаудың жалпы жүлде қоры 1 миллион теңге. Жеңімпаз 50 грамм салмағы бар алтын құйма мен ақшалай жүлдеге қол жеткізеді.

Байқаудың мақсаты – мемлекеттік тілді игеру мысалдары мен инновациялық әдістері туралы бұқаралық ақпарат құралдарында ақпарат тарату және халықтың қазақ тілін меңгеруге деген ынтасын арттыруға ат салысу.

«Қазақстанның Медиа Альянсы бұл байқауды түрлі себеппен қолдап отыр. Менің ойымша, қазақ тілін игерудегі басты түйткілді мәселе – дұрыс әдістемеліктің жоқтығы. Тиімді жолдар көрсетілмеген соң, мемлекеттік тіл де меңгеріліп қарық болып жатқан жоқ», – дейді Қазақстан Медиа Альянсының төрағасы Әділ Жәлелов.

Байқауды ұйымдастырушылар қазақ тілін игерушілер арасында тәуелсіз сарапшылар жүргізген зерттеуге сүйенген. Сауалнамаға қатысқандардың 79%-ы білім мекемелерімен қатар мемлекеттік тілдің дамуына БАҚ та орасан үлес қоса алады деп санайды екен. Сонымен қатар, респонденттер қоғамдық институттар (шамамен 51%) мен бизнестің де (шамамен 63%) аталған процесте маңызды рөл ойнайтындығын атап көрсетті.

«Бізге тілдің қалай дамып жатқандығы, қандай әдістемеліктердің, қандай оқытушылардың бар екендігі туралы ақпарат жетпей тұрғандай болып көрінеді. Тіл үйренудің іш пыстырмайтынын, керісінше оның тартымды екенін, қызықты екенін көрсету керекпіз. Байқауды тұрақты түрде өткізу ойымызда бар, келесі жылы жаңа форма, жаңа аудиториямыз болады деп үміттенемін», – дейді «Арнау» тіл мәдениетін дамыту орталығы баспасөз қызметінің жетекшісі Арнұр Мамытбеков.

Байқау әділқазылары мақала, видеосюжет, фоторепортаж, блог жазбасы және инфографика форматтары бойынша келіп түскен жұмыстарды қарастырады.

Әр автор немесе авторлар тобы таңдалған номинация бойынша бір жұмыс ұсына алады. Үміткерлер материалдары «Мерзімді баспасөздегі үздік жарияланым», «Online БАҚ-тағы үздік жарияланым», «Үздік блог жазбасы», «Үздік видесюжет», «Үздік фоторепортаж» атаулары бойынша сынға түседі.

Байқау жұмыстары қатарына қызықты әдістемелер туралы ғана емес, қазақ тілін меңгеруде өзгелерге көмек беріп жүрген тұлғалар жайында сөз қозғайтын жарияланымдар да кіре алады.

Байқау 2012 жылдың 1 сәуірі мен 31 қарашасы аралығында өткізілмек. Шараға 2012 жылдың 1 наурызы мен 1 қарашасы аралығында қазақ немесе орыс тілдерінде жарық көрген материалдар қабылданады. 2 қарашадан кейін сараптамалық кеңес байқау қорытындысын шығарады.

Толығырақ "Арнауда".

kk.kloop.kz
Бөлісу:

15 пікір

asaubota
қысқаша айтқанда не істеу керек? а то анда әдемі сөздер көп екен, меңгералмадым.
qisyq
Байқау әділқазылары мақала, видеосюжет, фоторепортаж, блог жазбасы және инфографика форматтары бойынша келіп түскен жұмыстарды қарастырады.

Әр автор немесе авторлар тобы таңдалған номинация бойынша бір жұмыс ұсына алады. Үміткерлер материалдары «Мерзімді баспасөздегі үздік жарияланым», «Online БАҚ-тағы үздік жарияланым», «Үздік блог жазбасы», «Үздік видесюжет», «Үздік фоторепортаж» атаулары бойынша сынға түседі.

Байқау жұмыстары қатарына қызықты әдістемелер туралы ғана емес, қазақ тілін меңгеруде өзгелерге көмек беріп жүрген тұлғалар жайында сөз қозғайтын жарияланымдар да кіре алады.

Байқау 2012 жылдың 1 сәуірі мен 31 қарашасы аралығында өткізілмек. Шараға 2012 жылдың 1 наурызы мен 1 қарашасы аралығында қазақ немесе орыс тілдерінде жарық көрген материалдар қабылданады. 2 қарашадан кейін сараптамалық кеңес байқау қорытындысын шығарады.

Толығырақ мұнда.
asaubota
оны оқыдым ғой. просто қысқаша айтқанда қазақ тілін меңгерту туралы әдістемелік мақала жазу керек пе?
qisyq
Жоқ, ондай шекара жоқ. Қазақ тілін меңгеруге қатысты кез келген бағыттағы материал.
zhanibek_nurish
қатысамын деп қолына қамшысын алғандарға жеке-жеке сәттілік және жаппай жеңіс!!!
aikarakoz
«Бір миллионды ұтып алсам, не істеймііін » деп ойланып отқаным
asaubota
1 млн жалпы қоры, яғни мың адамға 1000 теңгеден бөліп берулері де мүмкін
zhanibek_nurish
Бұйыртса, ұтқан соң, ойланасыз
Armanjan
қазақ немесе орыс тілдерінде жарық көрген материалдар қабылданады.
бәрібір қосамжарланып болмайды, қазақ тіліне арналғасын тек қазақ тілінде жазылған материалдар қабылдай салса қайтеді екен осы.
alashaman
Құрғыр 1 млн теңгесі біреулердің көкейін тесіп бара жатыр да, әйтпесе орыс тілінде қазақша үйренуді үйрететіндер бар дегенге сенбеймін. Тіпті, ол ақылға қонымсыз дүние
dark_nazgul
Негізінен дұрыс емес. Одан да әдістемеге жарияламай ма байқау. "қазақ тілін үйрету туралы жазғаннан" қазақ тілін үйрету тиімдірек емес пе?
Әй, бірақ біз тек жаза береміз, жаза береміз… барды да, жоқты да…
jebe_92
дайын еңбекті қайда жіберу керек?
SaWOK
сөздік.кз сайтында көрсетілген поштаға жіберетін шығарсыз:

E-mail Конкурса: konkurs@arnau.kz

Для получения более подробной информации обращайтесь, пожалуйста:
Арнур Мамытбеков, руководитель пресс-службы Центра Развития Языковой Культуры «Арнау»,
+7 /727/ 321 09 55, 321 09 53, +7 /777/ 360 36 61, arnur@arnau.kz.
jebe_92
рахмет көп көп!!!