1 шілдеден бастап көлікті кеденде рәсімдеу 5 есеге қымбаттайды

Қазір көлік алғысы келгендердің аузынан 1 шілдеден соң кеденде көлікті рәсімдеу қанша болады деген сұрақты естисің. Кеше де жазбамда осы мәселеге тоқталған едім. Бүгін осы туралы арнайы баспасөз мәслихаты өтті. Сонда естіген ақпаратым. 2007 жылы шыққан двигателінің көлемі 1800 текше см. болатын Тайота короллла көлігінің кедендік рәсімдеудің жалпы құны қазір 15 200 теңге болса, 1- шілдеден кейін ол 1 091 597 теңгені құрайды. Айырмашылық 5 есе. 2010 жылы 1-шілдедегі №682 Үкіметт қаулысы бойынша жеке тұлғалар үшін жеңіл көлік әкелуде 3-10 жыл аралығында шыққан көлік двигателінің көлеміне қарай 1 текше см. үшін кеделдік алым мен салықтың жеңілдетілген мөлшерлемесі 0,35-тен 0,6 евро көлемінде белгіленген еді. Шілде айынан бастап шыққанына 5 жылдан асқан 1800-ден 3000 текше см. дейінгі көліктердің кедендік алымының мөлшерлемесіне әр текше үшін 4 евро және оған 12 пайыздық қосымша құн салығы қосылмақ.

Ақшаң болса көлік алып қал.1 шілдеден соң, қымбаттағаны қымбаттаған.

Айтпақшы жыл басынан бері автонарықта жанталас, соңғы айда тіпті өршіп тұр. Елдің барлығы арзан көлік алып қалғысы келеді. Мысал міне. 2010 жылы Алматы қалалық кедендік бақылау департаментінде 21 458 көлік кедендік рәсімдеуден өткен. Биыл 5 айдың өзінде бұл сан 23 337-ге дейін жетіпті.Айтпақшы қазіргі таңдағы тағы бір шулы мәселені шет елден көлігі кешігіп жатқандар көтеріп жүр.Олар 1 шілдеден кешігіп қалсақ, жеңілдік берілсін деп жанталасуда. Алайда, Кеден комитетіндегілердің айтуынша көліктері шет елде түрлі себептермен бөгеліп қалған азаматтарға 1-шілдеден кейін ешқандай жеңілдік берілмейді.