Астана Қазақстан кубогын жеңіп алды

Бүгін Алматыда Орталық стадионда 2016 жылғы футбол маусымындағы соңғы кездесу өтті. «Астана» ФК мен «Қайрат» ФК бас жүлде – Қазақстан кубогын сарапқа салды. Ойын қорытындысы бойынша елордалық команда басым түсті.

Матч тартысты өтті. Алматыда қар жауып тұр. Ауа райының қолайсыздығына қарамастан ойыншылар алаңға шықты. Қазақстан кубогының ақтық сынында алғашқы кезеңінде есеп ашылған жоқ, гол соғу мүмкіндігі болғанымен, ешбір команда айласын асыра алмады. Ал екінші таймның 47-ші минутында «Астана» командасының шабуылдаушысы Джуниор Кабананга допты қақпаға дәл бағыттап, команданы жеңіске жетеледі.