Қалың қалай,студент?

Адамдар жүре келе достасады, арыздасады. Ең бастысы өмір бойы жатаханада қалып қоймау. Бәріңнен журналист шықпасада ойын емін-еркін жеткзетін ел азаматтары шығады. Журналисттің бәрінің түбіне жетуі екі талай. Әр саланың маманы жеткізетін ақпаратты сол салаға мүлдем қатысы жоқ "әмбебап маман" жеткізуі тиіс деген ойдың өзі қисынсыз, дегенмен, қоғамның дамуына және қалыптасуына қажет ақпаратты жинастыратын, тарататын мамандар қажет.

Мен де бірінші курста әр бөлменің есігін қағып қалған тамақ, нан сұрап жүрген бір жігітті көріп аузым ашылып, таңқалып бөлмедегі қыздарға айтып келгенім есімде. Олар жоғарғы курс, ондай нәрселерді біледі, түсінеді, «не таңданатыны бар?!» деп өзіме күлген))

егер студент десе, менің көзіме ең алдымен ұйқысыз түндер келеді)

Ех, Құлпш, студенттік өміріміз «балдай» ғой:)

Бақандааай деп ойлайсың басында. Уақыт тез өтіп кетеді. Сендердің бакалаврдағы кезеңдерің адамдар әлеу.желіге байланған кезбен тұспа-тұс келіп тұрғаны қынжылтады. Менің ақылым: көп ұйықтамаңдар, жатақханада құрдан-құр жата бермеңдер, көп қыдырыңдар, сабақты да оқыңдар! Бал үшін жылап қажет емес, себебі, баға — сенің біліміңнің өлшемі емес. Журфактың студенті болсаң, тек сабақ деп жүре бермей, қазірден қосымша әр жерге практика барғаныңды қалар едім. Тәжірибе жылдармен келеді. Телеарна, радио, газетке барып, осы бастан болашақ жұмысыңа араласа берген дұрыс. Олар (барған жеріңдегі қызметкерлер) сені чморить етіп жұмсап, шай тасытып қою да мүмкін. Еш ренжімей, сол ортаның қайнаған жұмысына араласа бер. Бәрібір журфакта химфактағыдай ауыр сабақ жоқ. Ғаламторда журналистика саласына қатысты түрлі онлайн-курстар бар. Ресейдегі МГУ-дің бұрынғы деканы Засурский, қазіргі деканы Вартанованың ғаламтордағы мықты сұхбаттарын, материалдарын, кеңестік кезеңде журналистика саласына қатысты құнды еңбектер жазған Тертычный, Ворошилов, Прохоровтардың ғылыми еңбектерін (бұларды сабақта да үйрететін болар) қарауға болады. Сұхбат алудың шебері Ларри Кинг, Опра Уинфри, Эллен Дедженерестердің шоуларын қарап, көп нәрсе үйренуге болады. Студенттік шақта уақытты тиімді пайдалансаң, кейін жемісін көресің. «Печа куча» сияқты форматтағы шараларға барсаң, өзің сияқты қаншама жастармен танысасың. Мен студенттердің жатақханада түске дейін ұйықтап, лағып жүргенін қаламас едім. Даяшы, донер пісіруші, промоутер т.б. болып қосымша ақша табуға болады. Баспаханаларда да бір күндік жұмыстар бар. Айтпақшы, алда келе жатқан «Экспо» көрмесіне қазірден еріктілер (волонтер) жинап жатыр, ол — сендер үшін тамаша мүмкіндік. Біз студент болған кезде қысқы «Азиада» ойындарына қатысқанбыз. Әрине, Астана — Алматыға қарағанда скучный қала. Біздің Алматыда бармаған жер, баспаған тауымыз қалмап еді студент кезде %) Осы бір беззаботный кезеңде басқа қалаларға қыдырып-қыдырып қалыңдар! «Ақша жоқ» дегенді айтпаңдар, ақша өмірі жетпейді :) Кезінде біз көп жерге бара алмай қалдық, сол үшін кейде өкінеміз.
Студенттік шақтарың қызық өтуіне тілектеспін! %)
Ал, біздің студенттік кез қалай өткенін білгің келсе, төмендегі посттарымды оқысаң болады:
«Жатақхананы ұстайтын қыз»
«Студенттік қызық мол жылдар»
"Өлмеші, Әлөш!"
«Бесінші жатақхананың бүгінгі тұрғындары»
«КазГУград, заездом!»
«Жүргеновке» барсам жылағым келеді"