Биыл 33 апаттық жағдайдағы тұрғын үй сүрілді

Астанада ағымдағы жылы 33 апаттық тұрғын үй сүріліп, 485 отбасы жаңа үйге қоныс аударды.

Қалалық Тұрғын үй басқармасы жыл соңына дейін тағы 28 тұрғын үйді бұзу жоспарланып жатқанын мәлімдеді. Бұл шаруаның бәрі «Апаттық тұрғын үйлерді бұзу» қанатқақты жобасы аясында жүзеге асырып жатыр.
Жоспар бойынша 2017 жылдың аяғына дейін 228 апатты үй сүріліп, астаналық 3500 отбасы жаңа пәтерге көшірілмек. Жоба жұмысы басталған 2013 жылы 11 апаттық тұрғын үйде тұрған 176 отбасы жаңа пәтерге қоныс аударған.