Бұл қай керекші? #12 (Эстафета)

Сәлем, достар! Мен жасырғалы отырған адамды барлықтарыңыз жақсы білесіздер.Білімді, ақылды,өнерлі, жан-жақты адамды керектен көріп,қатты қуанып,өзім үшін «ашқанмын».Қазір көп кірмейді, бірақ анда-санда кірсе де,әр нәрсеге өз ойын ашық жазады. Сонымен, сұрақтар мен жауаптар:

1. Қазақстан 2030 деп жүріп,2050 болып кеткені туралы өз ойыңды жазшы.
Отсрочка алудың амалы шығар.
2. Депутат болсаң Қазақстанда білім алу саласында нені өзгертер едің?
Бүйтер едім, сүйтер едім деп айта салуға болар еді, бірақ қалай? Білмеймін, оны депутат болып жатсақ көрерміз.
3. Жеке өміріңде не жаңалықтар болып жатыр? Ғашықсың ба?
Ғашықтық дегеннің өзі не? Менің ара-арасында жылт ете қалатын сезімдерім ғашықтық емес, жай қызығушылық сияқты. Сондықтан ғашық емеспін.
4. Сатыпалдыға мінездеме берші)))
Былай ақкөңіл, жақсы адам сияқты. Әдейі өзін ішкіш, оңбаған етіп көрсететін тәрізді. Шын өмірде намаз оқитын иманды жан болып шықса таң қалмаймын.
5. Керекте не ұнайды, не ұнамайды???
Соңғы кезде флуд көбейіп кеткен сияқты. Ал жалпы ұнайды бәрі, қазіргі эстафеталар да.
6. Керекшілерге айтар тілегің…
Ашық аспан, мол бақыт, зор денсаулық. Виртуалда ғана емес, реалда да жетістіктерге жете берсін, биіктерден көрінсін!

Ал, кеттік!!!