Жаңа шоу - "Шулама"

1 ақпан, сағат кешкі сегізде НТК арнасында жаңа ойын-шоудың тұсауы кесіледі. Бұл Қазақстанда бұрын-соңды көрсетілмеген жаңа формат. Осы уақытқа дейін тек Жапония және Сингапур елдерінде көрсетілген. Франшиза иесі — жапондар.



Шулама шоуы – тыныштықты қалайтын, ұқыптылықты сүйетін, ептілікті талап ететін бағдарлама. Әділқазы — дыбыс өлшегіш құрал (шумомер). Жеңімпаз 100 мың теңге сый алады. Ол үшін бірнеше кезеңнен тұратын тапсырмаларды өту керек.
1-кезең. 30 секунд ішінде артық дыбыссыз тапсырманы орындауы қажет. Мәселен, Картоп қатырлағын ашу не жеу. Газдалған сусының аузын ашу немесе ыстық қайнап тұрған кеспені ішу т.б.

2-кезең. 45 секунд ішінде берілген тапсырманы ережеге сай орындау керек. Мәселен, үлкен сөмке ішіндегі затты табу не сыйлық қорабын орау т.б.

3-кезең. 30 секунд ішінде есікті кедергіге (сылдырмақ қоңырау) тигізбей ашып, бер жағына өту. Гольф шарын арнайы тесіктен өткізу немесе теннис тобын қызыл дөңгелекке дұрыс дәлдеу. Басты талап, ШУЛАМАУ.

4-кезең. Биік қабырғадан темір табақты сағат тілі бойынша лақтырып ойнау керек. Дұрыс қағып алынған табақ ұпаймен марапатталады. Берілетін уақыт 90 секунд.

5-кезең. Биік құламадан велосипедпен түсіп, кедергілердің ортасынан өту керек. Бұл кезеңде уақыт шектеулгі жоқ.

6-кезең. Ақтық мәре. Жүздеген кедергілерден құралған жол торабы арқылы 90 секунд ішінде ФИНИШке жету керек. Сондай-ақ, қатысушының көзінде арнайы көзілдірік пен қолында стаканы бар темір табақ болады.

Егер топтағы үш ойыншы да тапсырманы дұрыс орындаса, 100 мың теңге ал, екі қатысушы ғана сақырлатпай, құлатпай өтсе, 50 мың теңгені жеңіп алады. Бір ғана ойыншы өткен жағдайда 25 мың теңгеге ие болады.

Сіздерді әр апта сайын сенбі күндері кешкі сағат 20:00 де НТК арнасында тыныштыққа шақырып жүрген Нұржан Еркінұлы.

Айтпақшы, бір ойынға қатысады.