Бұл қай Керекші? #8 (Эстафета)

Сендер түгіл жауапқа өзім сынып отырмын. Таба аласыңдар ма, жоқ па аса мән бермедім. Шынымды айтсам тану үшін көп намек берілген жоқ.

Сонымен,
1. Қайрат Нұртас бейнебаянға түсіп жатқанда қимылдары шынайы емес екені байқалады, яғни қысылатыны көрініп тұрады. Сізді де біреу бейнебаянға түсіріп жатқанда өз-өзіңізді қалай ұстайсыз?

Қайрат Нұртастың бейнебаяндарын қарамаппын. Сахнадағысын бір-екі рет көрдім-ау деймін есімде жоқ. Сондықтан, сіздің тұжырымыңызбен келісе кетуге де, қарсы шығуға да ыңғай таппай отыр. Бейнебаянға да түсіп көрмеппін (Бұл айтып отырғанымыз клип қой, да?). Бірақ, видеоға түсіріп жатса барымша позивтивті көрінуге тырысам. Қатайып қалатындарға жыным келеді.

2. Үлкен супермаркетте біреулердің ұрлық жасап жатқанына куә болдыңыз делік. Әрекетіңіз?

Ойланып көрмеппін. Бала күнімізде базардан сағыз ұрлайтын едік қой. Егер сондай балалық әрекет болса, көзді жұмып жүре беретін сияқтымын. Ұрлықтан көрі, қоқысты лақтырып кететіндерге жыным келеді. Ондайларға әлім келіп жатса көтертемін.   Таяқ жеп қалған кезім болған жоқ, бірақ.

3. Мамаяны мақтаңызшы?

МамаЯ деген кім тағы, десең ә?   Бұл бір жаңа леп болды. Блог жүргізу үшін күшеніп мәтін жазудың қажет еместігін көрсетті. Сөйлемді дұрыс құрай білсең болды. Әдемілеймін деп жасандылыққа ұрынбау керек. Осындағы браттардың көптен айтып, жастар мен журьеға жеткізе алмай жүргендерін тәжірибе жүзінде көрсетті. Бірақ, осы фейк емес пе екен деп қорқамын.

4. Қораз асырап, төбелестіріп көргенсіз ба? Немесе итті?

Сатыбалдының «тауық асырап көрген адамсыңдар ма» деген монументалды сұрағынан туындаған сауал деп топшылап отырмын, мұныңды. Біреуді төбелестіргенді де, өзім төбелескенді де онша жақсы көрмеймін. Бұл төбелестен қашам деген сөз емес. Асырауды да қатырдым дей алмаймын. Тауық, қораз, әтеш, мекиен, балапан, шіби дегендер ваще болған емес. Ит өсірдік. Бірақ, өліп қала беретін.

5. Ақнұр Бектемістің (AKA ) жасы 18.ден асып кеткен. Неге оны "Үлкендер әңгімесі" қауымдастығына қоспайды?

Ақнұр Бектеміске үлкендер қауымдастығы түк жараспайды. Оның бұдан да маңызды істері бар ғой. Тамақ пісіру, кесте тігу. Тақа оқығысы келсе Іспекке қонаққа барсын.

6. Қыз бен жігіттің арасындағы достықты сипаттап берсеңіз?

Екеуінің біреуі екіншісіне по любому ғашық.

7. Сіз сүйетін Керекинфолық?

Ық-ық. Сүйетін деген біртүрлі екен. Біреуді сүю менің позициям емес. Бірақ сүйсінуге болады.

8. Жасап жатқан жұмысыңыздан кішкене, білдіртпей ғана намек тастап қойыңыз? ))

Осы сайттың админінің жұмысына ұқсайды жұмысым. Ну, сәл айырмашылықтары бар енді.

9. Денсаулығыңыз үшін не істейсіз?

Көп ештеңе істемеймін. Анда санда спортпен шұғылданғандай болам. Далаға көп шықпаймын. Уақыттың көбі офисте өтеді. Аааа, суды көп ішем айтпақшы.

10. Піспектің құсық сұрақтарының қаймағын бұзбай-ақ қояйын, соңғы сұрақ: өзіңізге ерекше ұнайтын әнек?

Екі лорд көшеде келе жатып өлген жылқы тауып алыпты.
— Сэр, мына жылқыны сіздің ваннаға апарып қоялық.
— Не үшін сэр?
— Сіздің қызметшіңізге ваннаны толтыр деймін. Ол ваннаға барып келіп, «Сэр, ваннада өлген жылқы жатыр» дейді. Біз «Білеміз» дейміз. қызық болады
Содан екеуі мәз болып, жылқыны алып келеді. Сосын қызметшісін шақырады.
— Джон, маған ыстық ванна дайындаңыз.
Біраздан соң Джон қайтып келеді.
— Ванна дайын, сэр!
— Қалай, онда өлген жылқы жатқан жоқ па?
— Білем, сэр!

Пы/сы: Қаз-қалпында жарияланды. Абай Отар мисс!!!