Бұл қай керекші? #7 (Эстафета)

МамаЯ-ның өйтіп-бүйтіп жүріп жеңіп алған эстафетасын оп-оңай ап алған соң кезекті құпия керекшіні жасыруым қажет болды. Кімді таңдайтынымды алғаш тапқан кезімнен-ақ білдім, ол кісі де қарсы болмады. Сонымен, адамды баурап-жадыратар МамаЯ-ның супер-пупер постынан кейін менің іш пыстырарлық сұрақтарыма ерінбей жауап қатқан қай керекші екенін тауып көріңіздер.

1. Бала күніңізде осы күнгі тірлікпен айналысармын деген ой болды ма? Жалпы бүгінгі қызметіңізге бетбұрыс жасауға не әсер етті?
Жоқ, болмады. Қызметім өзіме ұнамайды, тек пайдасы жақсы. Ештеңе әсер етпеді, тіршіліктің қамы үшін ғой.

2. Бұл сұрақты МамаЯ-дан түпнұсқасымен тігіп кеттім, сіз қалай жауап берер едіңіз(охх, бір сәт азғын қиялға берілейкЧ) Сұрақ мынау:

Ұялмаңыз, тек ашық айтыңызшы,,, егерде біреумен, бәлкім ойыңыздағы ұнап жүрген жаннан басқа, бөтен жанмен бірге біраз уақыт қалып қойдыңыз делік, ол жерде айналысатын ештеме жоқ, қабырға, сіз, ол… (диван десең, ияяя?)))) Не істер едіңіз? Менің азғын қиялымның туын жықпас жауап аламын деген дәмелімін!

Мүлдем елестете алмай жатырғаным. Алдымен танысып алармыз, сосын барып өткенін, болашағын сөз қыламыз. Неужели, жейтін де дым жоқ па?

3. Керекинфоның ең әдемі аруының есімін атап жіберсеңіз?
Абай Асанкелдіұлы, konvict

4. Ең алғашқы махаббатыңыз есіңізде ме? Барлығы қалай басталды, қысқа-нұсқа айтып берсеңіз?
Есімде. Көзбен ату арқылы басталған ғой. Ол кезде небәрі 5 класта оқитын едік. Ол параллель сыныпта оқыды. Қарай берген соң, қарай берген соң ғашық болып қалғам. Сосын бітті.

5. Керектің қазіргі сылбырлығына(бұрындары белсенді еді) не себеп деп ойлайсыз?
Сатыбалдының жоқтығы.

6. Жалпы, өзгенің болмаса өзіңіздің жазбаңызға кімнің пікір жазғанын қалап тұрасыз, яғни сіз үшін кімнің(кімдердің) пікірі маңызды болып саналады?
Маған бәрібір. Сатыбалды құсып кетпесе болды.

7. Сізді от души күлдіріп, позитив сыйлап, көңіліңізді көтерген кинокомедияны атасаңыз?
Мен кино көремін, бірақ кино атына мән бермеймін. Соңғы кезде жұмыстан тыс онлайн кәріс сериалын қарап жүрмін, комедия және өмірлік мәні бар. «Защитить босса» Мамаяға көруге рекемендеймін.

8. Енді тұрақты сұрақтар: Керектегі ең мықты тролль кім?(Сатеке ағамыздан басқа)
Рафаэлло, Мейіржан.

9. Сүйікті әнегіңіз?
Осы КерекИнфодан ғана табамын жақсы әнекті. Мына әнек ұнайды, оны Керекке салған адамды сондай сыйлаймын:

Бір күні аңдар жиналып алып ішіп отыр дейді. Бір кезде арақ таусылып қалып, тасбақаны арақ әкелуге жұмсайды.
Бір сағат өтті тасбақа әлі жоқ, үш сағат өтті әлі жоқ, бес сағат өтті әлі жоқ. Қасқыр шыдамай кетіп:
— шшшс, мына тасбақа қайда кетті, — десе, есіктен енді шығып жатқан тасбақа естіп қалып:
— е, боқтамаңдар е кәз ваще бармай қоям, — депті