Жүзу білесің бе?

Бір сұрақ: Жүзу білесің бе?Жүзуді өзім енді үйреніп жүрмін. Қыздар мен апашкалар емін-еркін жүзіп жүргенде, бассейннің бір бұрышында жігіт басыммен тұрып бақылаған ұяттау екен. Нәзік жандардан көмек сұрағанша, «бассейнге батып кетті» деген атақ артық қо.  Кей құрдас-бғаттардан сұрасаң "қалай үйрендің" деп, «бізді кезінде үлкендер өзен-көл ортасына лақтырып, кейін өзің шығып ал деп құтқармаған» дегенді айтады. Ойлап қоям: «неге мен де кезінде үлкендерге суға өзімді лақтыртпағанмын» деп, жан тәтті болса өзім жағаға шығып алатындай. Бірақ екінші жағынан ойласаң, жағдай менімен басқаша аяқталғанда бұл сұрақ мүлдем қозғалмас та еді.) Өйткені суға бату фактілері қай кезде де көп болған. Білгенім, жүзуді үйрену оңай шаруа емес екен, жүзбес бұрын қол-аяқтарыңды, иығыңды, мойныңды шынықтырып, бассейн астына қайта-қайта түсіп деміңді ретке келтірген жөн. Одан кейін терең дем алып, суды мұрынға жібермеу тәсілін игеру қажет. Жүзуді кештеу және өздігінен үйреніп жүргендерге бассейннен бастаған дұрыс, өйткені олар үшін суда горизонталь позицияда болу қорқынышты. Ол үшін екі қолыңмен бассейн шетін ұстап, екі аяғыңды судың бетіне шығару керек. Содан соң терең дем алып, басыңды су астына төмен түсіріп, қолыңды жаймен жіберу қажет. Осылайша сіз суды, жалпы судың тығыздығын сезесіз. Ал тығыздық сізді батырмай судың бетінде ұстайды. Өзіңізді батып баратқандай сезінсеңіз, аяқтарыңызды түбіне тигізіп, серіппе секілді итеріліп су бетіне вертикаль позицияда қайта шығасыз. Бұл әсіресе бойы аласа адамдарға қатысты. Бірақ бұнымен шаруа бітпейді, денеңізді «бір шетінен ұстап қағылатын кілемшедей» қозғалта білу керексіз. Ол үшін икем, тәжірибе және әрине уақыт қажет. Ал арнайы резеңке бас киім мен жүзуге арналған көзілдірік құлаққа су кетуден және судың көз алмасын қысудан сақтайды. Ал аяқ башпайларыңыздың тартылып қалатын әдеті болса, суда көп болмаған дұрыс. Ең бастысы су түбіне ыңғайсыз позициямен түсіп кетсеңіз, үрейге жол бермей, алған деміңізді бірден шығарып алмаған жөн. Әзірге өз басыма аяқ-қолдарымды жиі әрі бір мезетте қозғалту күрделі боп тұр. Осындайда жүзу білмесе де, әлемді шарлайтын теңіз саяхатшыларына таң қаласын…

Жүзу білесің бе?

Бөлісу:

20 пікір

Olzhass
Шымкенттегі орталық бассейнге баруға ерініп жүрген жайым бар. Бағасы да қымбат емес. Барсаң, шыққың келмейді
MamaAya
тоқта-тақта, сол орталық бассейн менің аптасына 2 рет ерінсем1 рет баратын жерім ғой.  Бірақ мен елдер әлі тұрмаған кезде барамын ерте… и тек (орыс)ата-апалар шомылады ол кезде

Ал жүзуді бұрыннан білем.
Соңғы түзету:
Arys_arlany
ия, азанымен стадионды айналып жүрсең, таңғы 6-30 да машиналар келип жатады орталық бассейнге
Arys_arlany
Олжас менде баруым керек еді, барып қайтайық
Adiletshu
Жүзе білмеу ұят нәрсе
temir1986
Мен жүзуді 8 сыныпта үйрендім. Бұрын тұрған жерімізде өзен, көл жоқ болатын. Мұнда келгесін балалардың балықша жүзетінін көріп жүріп үйрендікқой намыстанып.
asaubota
біздің ауыл Жекенді де сондай
Tyulpan
жүзалуын жүзалатын сияқтымын, «лягушка» деген түрін. батпайм, әйту. бірақ че та бассейндар таза болмайт деген соң былай қорқып… хлоры қатты көп деп те нетем.))

таза, мөлдір суда малтыса ғой )) біз жақ «жүзу»-ді «малту» деп айтат))
Соңғы түзету:
MamaAya
ия, хлоры қатты, мұрныңнан кіріп кете ме, біраз уақыт сөйлесең де, демалсаң да тынысыңа сіңіп қалады, басыңа арнайы қалпағын киіп алмасаң шашыңды да жансыз шаш сияқты, сынғыш, құрғақ етіп жібереді. Бәрібір барған дұрыс, денсаулығың үшін, дене бітімің үшін (деп ойлайм… ваще то бәрі біледі ғой, сонда да айта салайын  анау-мынау нәрселер бассейнде ещкіммен жақын қатынаста болмағанға жұқпайды)
Tyulpan
мен жүзуді хауызда кеудеше киіп, өзімді тереңге қорықпауға үйретіп барып үйренген едім. ))
оның алдында Алакөлде мені көлденеңінен көтеріп тұрып, қол-аяғымды тырбаңдатып-тырбаңдатып, үйрене алмай қойғам )))
шалқалап жүзе алмайды екенмін: кез келген жағдайда арт жағым бақылаусыз қалса, жаман қорқатын әдетім бар.)) бірақ сөйте тұра, біреуді шалқалап жүзуге теориямен үйретіп, әлгі қыз шалқалап жүзіп, қоймай қойғаны бар еді )))

өзің жүзе алғанға не жетсін!
temir1986
Итшелеп жүзу білетінім. Құлаштауды онша үйрене алмадым. Басқа түрін білмейді екем
boztorgai
қүаңдарияның арғы бетіне жүзіп өту қазіргі олимпиада чемпионы дәрежесімен деңгейлестұғын
ал сол судың мөлдірлігін айтсаңшыссс
neoaskar
мектепке дейінгі жасымда судың ортасына ағаларым лақтырып жіберген, сосын: "Өзің жүзіп шық" деп жағада қарап отырғаны әлі есімде. Бір боқтап содан кейін банядағы судан басқа жерге шомылып көрмеппін. мектеп бітіргеннен кейін ғой жәйлап жәйлап үйренгенім. бірақ аса қатты жүзе алмаймын. яғни біреуді құтқару тұрмақ өзімді-өзім әрең алып жүрем.
barcaman_1020
Бәрімізде сол «итше» жүзуден бастадыққой. 2 сыныпта ағамнын арқасына отырып бірге жүзбекші болып екеумізде батып кеткенбіз, былай айтқанда шейіт болып кете жаздағанбыз  содан бері «жақсы» жүземін
bizbike
Судан жаман қорқамын. Дайвингті көреміз деп нұсқаушының өзін батырып жібере жаздағанмын ))))))))
ken
гидрофоб дейді ма ондайларды
bizbike
Сөйдейтін болар, очм аяғымның астында жер сезбесем, сосын ақша мүлдем болмай қалудан қорқамын, бір тиынсыз жүрген күнім болмапты, міндетті түрде бір сома болу керек шотымда.
Adiletshu
Бай болатын адамдар ақшам болмай қалады-ау деп қорықпайды екен. Кедейліктен қорқу өзіңді соған дайындау екен
MamaAya
ал мен суға күмп етіп қойып кетіп, астында біраз жер жүзіп барып тұншыға бастағанда шығып «уфффффффффф» деп дем шығарғанда айййййййй рахаттың бір түрін сезінем ғой… Жалпы, кайфово нәрсе… Көктем келгенде қайта барармыз, Алла бұйыртса… тек хлорканың иісі кетпей қалатыны ғана минус мұрыннан…
araika
Фобия бар, бір кездері үздіксіз барып тұрдым бассейнге. Бірақ, суға бой үйретуден басқа нәтиже болмады.