Стақандастарым. Тілек.

Арағішу махаббат сияқты: жасқа қарамайды. Әйтпесе, алпысты еңсерген Тілекпен, порнокассетаның ішіндегілерді көрмей жатып, елестетіп-ақ бітіріп қоятын менің қалай стақандас болуым мүмкін?

Кентімізде алғаш ашылған саунаға таң атпай барып, таныстықпен түсетінбіз. Демалыс сайын. Клиенттер үшін кешке ашылатын саунаның қазандықтары көне, сосын ба, таң атқаннан бастап жағады.
Әдеттегідей, барлық мүмкін жерлердің барлығын көпіртіп қойып, аздан соң шайынуға беттедік. Ауылдан шыққан дүмше біреу, бірден шайып тастаған дұрыс емес екен, ең болмаса бес минут жүру керек сабынмен дегесін. Сабын мен сабынсудан амалдап аман алып қалған көздеріміз ғана жылтырап тұр. Сөйтіп, бұранданы бұрап кеп жіберсек — құбыр ішегін азынап-азынап шұрылдатып алды да, дәу шылапшынға бір тамшы суды тіңк еткізді. Алты адамға. Артығалы амиго бірден бу бөлмесіне барып, әлдебір қуысқа тоңқайды да:
— Ябаддабайаймайт Тілек, су бер тез! — деп, жекіді.

Аздаған үнсіздіктен соң, саунаның аспанынан әлдекім саңқ етті:
— Күрәларыңның* мұрындарының тесігін тігейіндер, мен бе суды жапқан? Су жоқ ал!

Дауыстың саунадан жаңғырып шыққаны сондай, діні әлсіз адам Иса екінші рет келіп тұр екен деп, жығыла кетуі әбден мүмкін еді.

Артығалы амиго тіптен түтеді. Тағы да әлгі тесікке еңкейіп, бақырды:
— Ей шешесс, қазір сағат 11-ге Ақтьеге билетіміз бар қалтамызда! Бірдеңе қыл малатаңанә, қалып қойсақ -тігем нақ!

Анау болса:
— Күрәларыңның* мұрындарының тесігін тігейіндер, таң атпай саунаға түс деген мен бе нақ? — деп, тағыда гүж етті.

Артығалы шамалы ойланып тұрды да:
— Қойнақ, болмайд. Мұның құны — бір жарты. Қазір…

-Еу Тілек, қазандықта екі бактай су қалады, білем мен! Соны құй қолыңмен алып!

— Ол қай аталарыңның өткізіп қойған шаруасы ед лібә? Пензесс шығарсыңдар шешесс!

— Бір жартымыз бар, еу лібәд!

-Ааа шешесс, Тілектің осал жерін білесіңдер, ә? Қазір, он минут…
Қазандықта салдыр-гүлдір тіршілік басталды да, аздан соң бұрандадан су лақылдай бастады…

Былай, бір ғанибет Тілекпен ішкен. Тасынан кешкендерін (үлкен ловелас болған екен кезінде) нақышына келтіре әңгімелеп береді. Тек бір жаман қасиеті, алпыстағы адамның кісілігіне сызат түсіретін баланың әңгімесін айтып кетеді кейде. Тыңдап отырып өзің ұялып қаласың. Бірде былай дейд:

— Түсімде өлгенше ішіппін. Жігіттер үсті-үстіне әкеліп жатыр екен. Ақыры ес-түссіз жығылыппын есік алдында. Енді қызық: оянсам — ой, лібә! — басым ауырып тұр! Кәдімгі, шын ішкен сияқты ауырып тұрмын! Сенесіңдер ме?..

Мұндайда, "әй Тәке, айтасың-ау сен де..." деп, басымызды шайқап отырғаннан бақа амал жоқ. Бәрібір жеңістік бермейді…

---

Күрә* — есектің баласы

Иллюстрация: Василий Шульженко