2013 жылдың бірінші жартысындағы үздік нокауттар (субъективті шолу)

Биыл көрген жекпе-жектердегі мен үшін ең әсерлі болған нокауттарды GIF форматында бөліссем деймін. Басқалар сияқты орын-орындарға бөліп, хит-парад түрінде ұсынсам да болатын еді, бірақ, шыны керек, қайсысын қай орынға жатқызарымды білмей отырған жайым бар. Нокауттардың барлығы мен үшін бірдей болып тұр
Оның үстіне, өзім аралас жекпе-жек өнерлерінен өтіп жүрген жарыстарға қызығып жүргеніме көп болмағандықтан, постты субъективті шолу ретінде ұсынуды жөн санап отырмын. Яғни, бұдан да мықты нокауттар орын алған болуы мүмкін. Мен тек өзім көргендерді ұсынамын.

Ал кеттік!

Ең алдымен маған ұнамаған нокауттардан бастасам деймін. Ұнамағанмен, мықты нокаут болғанын мойындаймын, амал не? Қанша жерден фавориттерім болса да, нокаутқа түсіп қалған өздерін кінәласын

***
Крис Уайдман — Андерсон "Өрмекші" Силва
Мынаны айтайын: Андерсон Силва — UFC тарихындағы рекордсмен тұлға. Қатарынан 16 рет жеңіске жетіп, 10 рет чемпиондық атағын қорғаған. 2006 жылдан бері барлық салмақ дәрежелері бойынша (pound-for-pound) үздіктер рейтингінде №1 болып келді. Бірақ соңғы болған жекпе-жекте не түлен түрткенін кім білсін, қайдағы бір аты жөнді шыға қоймаған Крис Уайдман деген біреуден масқара болып нокаут алды.
Негізі, түсініксіз төбелес болды. Жекпе-жектің алдында-ақ Дейна Уайт бар, Жорж Сен-Пьер, Даниель Кормье сияқты мықты спортшылар бар — барлығы бір ауыздан жеңісті Уайдманға алдын ала беріп қойған еді. Бірақ орта салмақтағы 10 дүркін UFC чемпионы жеңілмейтініне сенімді болдым. Дегенмен, ұтыла салу мүмкіндігін жоққа шығармадым. Ойлағанымдай-ақ, Өрмекші жекпе-жек кезінде дұрыстап төбелескен де жоқ, сайқымазақтанып жүріп алды. Бұрын да сондай әдеті бар болатын, бірақ дәл осы жекпе-жектегідей қышынған емес, енді. Ақыры нокаут алып тынды:


Суреттің алынған жері
Жекпе-жектің алдында барлық сарапшылардың ойынша Уайдман күреспен жеңуі керек болатын. Әлемдік деңгейдегі күресші екен. Жекпе-жекте ешқандай күресін көрмедім. Есесіне ешкім күтпеген нокаутқа куә қылды.

***
Антониу «Дәутабан» Силва — Алистар Оверим
Алистар Оверим де мен сыйлайтын мықты спортшылардың бірі еді. Ең мықты страйкер ретінде білетінмін. 2011 жылдың аяғында UFC-де Брок Леснарды нокаутқа жіберген сәтті дебютінен кейін, 2012 жылдың мамыр айында Жуниор дос Сантостың чемпиондық белдігіне таласуы керек болатын. Бірақ… 2012 жылдың басынан-ақ жолы болмады. Бір әйел Оверим маған қол жұмсады деп, үстінен заябы жазжверіпТ. Кейін қалай құтылғанын білмеймін. Одан кейін наурыз айында допинг тесттен өтпей қалды да, атлетикалық комиссияның шешімімен жылдың соңына дейін сегізбұрышта өнер көрсетуді тек түсінде көре тұратын болды.
Белгіленген сегізбұрыштан аластату мерзімі біткен соң, титулға таласу үшін алдымен Антониу «Дәутабан» Силвамен жекпе-жекке шығатын болды. Кездесу алдында Оверим қарсыласына қаратып біраз болмайтын нәрселер айтып тастаған көрінеді. Тіпті беттестірген кезде Силваға «Мен сенің а*ыңды шығарамын» (I'll f*#@ing destroy you) депті. Силва қой десе де қоймаған. Ақыры сегізбұрышта Антониу Силва өзін сыйлатты!
Сонымен, алдарыңда — Антониу Силваның орындауында "Әдддемі жазалау"!

Суреттің алынған жері

***
Витор Белфорт үшін бірінші жарты жыл нокауттарға толы болды. Ну енД, өзі екі рет шықты. Екеуін де нокаутпен жеңді. Әдемі тебістермен!

Витор Белфорт — Майкл Биспинг

Суреттің алынған жері

Витор Белфорт — Люк Рокхолд
Бұл тебісі енді — шедевр!

Суреттің алынған жері

***
Жоғарыда былтыр Алистар Оверимге қарсы Жуниор дос Сантос чемпиондық белдігін қорғауы керек болатын деп едім ғой? Уооот, негізі дәл сондай жекпе-жек биыл да өтуі тиіс еді. Тек айырмашылығы — Жуниор дос Сантос былтырғыдай чемпион емес. Демек, жай ғана жекпе-жек болуы керек еді. Антониу Силвадан таяқ жегеннен кейін Алистар Оверим аталған жекпе-жекке дайындалып жүріп, бір бұлшық етін зақымдап алыпты. Нәтижесінде ЖДС-қа шықпайтын болып қалды. Оверимнің орнын Марк Хант басты…

Марк Хант кім екенін бұрындары білмеген екенмін. Кейін қарасам, бұл «Супер Самоалық» деген нағыз брутал біреу екен. Нокаутқа оңайлықпен кете қоймайтын көрінеді. Ал енді Марк Ханттың өзі нокаутқа жіберсе…

***
Марк Хант — Стефан Струве

Суреттің алынған жері

Былай қарағанда, кәдімгі нокаут болып көрінуі мүмкін. Бірақ, осы жекпе-жектен кейін Струвенің бас сүйегін рентгенге түсіргенде, жағы сынып кеткені анықталыпты!

Суреттің алынған жері

***
Жуниор дос Сантос пен Марк Хантқа оралайық…

Бұған дейін Жуниор дос Сантосты мен және көбі сегізбұрыштағы ең мықты боксшы ретінде біліп келген болатын. Бразилиялық джиу-джитсудан қара белбеуі бар дейді, бірақ күрескенін ешкім көрген емес. Тек жұдырықпен төбелесіп, нокаутпен жеңетін жігіт қой. Сөйтсек… ЖДС тебе де алады екен!

Қалай нокаутқа жібергені дұрыстап көрінбей қалды ма? Ендеше…

Төбесінен қарап көріңдер:


Баяу қозғалыспен де көріңдер:

Суреттердің алынған жері

Опшым, жұдырығымен сүйкеп қалса, қарсыласын нокаутқа жіберетін ЖДС-тың қолы ғана емес, «аяғы да ауыр» екен

***
Өзім үздік деп тапқан биылғы жарты жылдың нокауттары осындай. пост тым ұзын болып кетсе, ренжімеңдер. Ішімде жиналып қалғандарды share тарқатып жатқаным ғой

Қаласаңдар, өздеріңе ұнаған нокауттардың суреттері мен видеоларын сендер де осы тақырыпта бөлісіңдер! Бірге тамашалайық.