Жер бетіндегі Қызыл ғаламшар

ЮТА штатындағы мына шөлді-қыратты мекен — Марс ғаламшарының тіршіліктен ада ландшафтын еске түсіреді. Дәл осы жерде марсиандық шөл дала зерттеу станциясы орналасқан. Жобаның басты мақсаты да сол, келер күндерде адамзаттың қызыл ғаламшарда әрекет ету мүмкіншіліктерін байқап көру. Мұнда түрлі тәжірибелер жүргізіліп, бұған қоса Марста және Айда пайдаланылатын техникалар ғарышқа жіберілместен бұрын, алдын-ала тексерістен өтеді.
Рейтер агенттігінің фотографы Jim Urquhart осы Жерде орналасқан Марсқа барып, ондағы тіршілікті көріп қайтқан екен.


Шын мәнісінде, бұл — Жердегі екінші марсиандық орталық. Алғашқысы 2000 жылы Канада аумағындағы аралдардың бірінде тұрғызылған.

Қабырғадағы суретте Марстың картасы


Канададағы марсиандық станцияда жұмыстар тек жаз мезгілінде жүретін. Оған себеп, арал орналасқан аумақ- арктикалық ауа райы құшағында болатын. Сондықтан қыс маусымында жұмыс тоқтайды. Ал, шөлдегі зерттеу станциясындағы тіршілік, керісінше қыс пен жазда қайнап жатады.


Жақында мұнда 3-экипаж келеді, жалпы зерттеу жұмыстары 7-мамырға дейін ғана созылады. Сосын келер жылға дейін тоқтайды. Сыртынан қарағанда, жұпыны станция


Мұндағы өиір-қарапайым. Марсиындықтар цилиндр типтес, биіктігі 10 метрлік екі қабатты модульдің ішінде тұрады. Қосымша жәрдемдік модуль мен жеке обсерватория бар.


Тынығу үшін жеке-жеке ұядай ғана жатын бөлмелер бар. Әр бөлмеде үстел мен жатын кереует. Тоңазытқыштар, сумен қамтамасыз ету жүйесі, электргенераторлар және дәрілік қорапша да орын тепкен.



Экспедиция кезінде түрлі техникалармен әр алуан тәжірибелер жасалады.


Станцияда скафандралар, геологиялық жабдық құралдары мен квадроциклдер бар. Расын айтқанда, скафандралар тек сән ретінде ғана қолданылатын сияқты, сонда да экспедицияның жұмысына жарап тұр.


Табылған, жиналған гелогиялық үлгілер


Бұл экспедициялардың барлығын да «Америкалық марсиандық қоғам» ұйымдастырады. 1998 жылы құрылған бұл қоғамдық мекеменің мақсаты: «Марсты игеру және Қызыл ғаламшардағы хал-ахуалды жер бетіндегі жан-жануарлар мен өсімдіктердің тіршілік ететініндей күйге келтіру». Қазіргі күнде қоғамдық ұйымның 50 елден 4000-нан астам мүшесі бар.


Техас даласындағы «Марс» бетіндегі серуен. Гелогиялық үлгілерді жинау.


Марсиандық қоғамның байрағы да символикалық: қызыл-жасыл-көк түстерден құралған. Оны 1999 жылы NASA-ның инженері Паскаль Ли жасаған. Мағынасы сол, құпия ғаламшардың келешегін бейнелейді. Яғни, қызыл жолақты түс-бүгінгі Марс, жасыл мен көк-осы ғаламшарды адамзаттың игеру қадамдарынан хабар береді.



Әдетте экипаж құрамы алты адамнан тұрады: командир, геолог, биолог, дәрігер, бортинженер және астроном. Ережеге сай, экипаждың әр мүшесі екі түрлі қызметті бірлестіре атқарады.



Құнды «марсиандық» үлгі



Жердегі Марс осы



Геологиялық үлгілерді жинауға кеткендердің станцияға оралуы



Түнгі станция


Суреттердің мекені: бір, 2, 3