Георгий лентасын ауыстыру қаншалықты қажет?
Соңғы 2-3 күнде «Георгий лентасы» туралы пікірлер көбейіп кетті. Біршама адамдар «Ол біздің лента емес, патшалық Ресейдің таңғаны т.б.» деген пікірлер білдіруде. Тіпті кейбіреулер Оны мемлекеттік тудағы оюды пайдалану арқылы "Қазақстандық нұсқасын" қабылдайық деп те "үндеу" тастап отыр…
ОСЫ МӘСЕЛЕГЕ ҚАТЫСТЫ ЖЕКЕ ПІКІРІМ:
Біріншіден, ол жай ғана белгі. ІІ-дүниежүзілік соғыстан бері келе жатқан орден-медальдарды әсемдеу құралы ғана. Бітті. Басқа ештеңе де емес.
Екіншіден, айналайындар-ау, ол тарих қой. Кеңес үкіметі құрамында соғысқанымызды ешкім жасырмайды ғой?!.. Тарихтың өзі болмағанмен, тіпті тарихи маңызы болмағанмен де ол белгіні аталарымыз тақты. Тағады да, музейлерде олар тұрады да. Ал, тарихты қандай күйде болса да сыйлау қажет. 90-жылдардан бері Ленин ескерткіштерін құлатып жатыр. Ия, кеңес үкіметі Қазақ халқына жайсыз болды. Бірақ қандай болғанда да ол — ТАРИХ! Орын ауыстырумен (елеусіз жерлерге орын ауыстыруымен) келісем, ал түбімен жойып, талқандап тастауға қарсымын өз басым.
Үшіншіден, әр бұрынғы одақтас республика осындай белгілерді жойса, өз тарихын өздері бұрмалап қайта жазып шықса, тарихи шындық дегеніміз қайда қалады?!..
Төртіншіден, бұл шара да, барлығын қазақшалаймыз деп «гипер» сөзін — «ерен» сөзімен, «компьютер» сөзін — «белгісаяр» сөзімен, «балкон» сөзін — "қылтима" сөзімен алмастырмақшы болып жатқан айқайпатриоттардың ісі ғана деп білем.
Түсіндірме: мен кейбіреулеріңіз ойлап отырғандай кеңестік дәуірді аңсаушы т.б. емеспін. Тәуелсіз Қазақстанның патриотымын. Бірақ, өткен тарихты бұрмалауға қарсымын!
Сөйтсем бұл ленточка кейін шыққан екен. Жаңа Викиден қарадым. Мына жерден. Былай депті:
Ал бұл символикалық летночка, өз кезегімен, дәстүрлі екі түсті Георгиевская лентаның көшірмесі екен. Ол лента патшалы Ресейде қолданылып келген. Революциядан кейін, 1917 жылдан бері ешбір советтік мемлекеттік наградада қолданылмаған. Тек 1992 жылы ғана Әулие Георгий ордені мен Георгий кресті қайта қалпына келтіліліпті.
Сондықтан сен қателесіп отырсың, оны Ұлы Отан Соғысынан бері келе жатыр деп.
Осындағы әр қазақтың бабасының жанын алғандардың құрметіне жасалған лента үшін қырық пышақ болып жатырсыңдар.
— Аяз атаның қазақша баламасы болу керек дегендер болды.
— Әулие Валентин күніне қарсы Қозы көрпеш-Баян сұлу күнін шығардық.
— Георгий таспасына қарсы бір таспалар шығарып жатырмыз.
— Орыстың «разрешение», «пропуск», «допуск» деген сияқты мағыналас сөздерінің бас-басына «рұқсат», «рұқсатнама», «рұқсаттама» деп шұбыртып түбірлес баламалар шығарып жүргеніміз тағы бар.
Осының бәрі наққа керек деймін де. Барды бар, жоқты жоқ деп неге жүре бермеске.