Егер мен бай болсам, анама ... алар едім...

Ағылшын тілі мұғалімінің естелігі (Авторы белгісіз, интернеттен аударма).

2000 жылдың желтоқсан айы еді. Университетті жаңа бітірген кезім. Бір мектепте сабақ беріп жүрмін. Бір күні оқушыларға «Егер мен бай болсам, анама… алар едім» сөйлеміндегі бос орынды қиял күшіңізді қолданып, толтырыңдар деген тапсырма бердім. Сынып ойланып, жаза бастады. 5 минуттан кейін жауаптарды жинадым да дауыстап оқи бастадым. Ғарыш кемесі, Феррари, Майамиде вилла, Мальдивтерде арал… Мен оқыған сайын оқушылар күледі. Соңғы қағазды ішімнен оқыдым. «If I were rich, I would buy flowers for my mom.» (Егер мен бай болсам, анама гүл алар едім.) Мұны жазған сыныпқа жақында қосылған, әлжуаз, тұйықтау келген бір бала еді. «Арамызда сезімтал бір бала бар екен. Селим, орныңнан тұр. Жауабыңды өзің оқып бер» дедім. «Гүл аламын деп жаздым, ағай» деді. Сынып тарқылдап күлді. «Мен сендерге қиял күштеріңді қолданыңдар, өте бай болғандарыңды елестетіңдер. Сонда да гүл деп жазуыма қарағанда бір себебің бар ау?» дедім. «Ойыма басқа ештеңе келмеді» деп жауап берді. Жүзінде Мона Лизанікіндей күлу мен жылаудың арасындағы бір мимика бар еді. «Мазақ қылып тұрсың ба? Ойларыңа бірдеме келу үшін де көмектесуіміз керек пе?» дедім. Үндемеді. Оқушыларға қағаздарын қайтарып бердім. Қоңырау соғып, сынып үзіліске шығып кетті.

Ертеіне мектепке келгенімде коридорда мені Селимнің әкесі күтіп тұр екен. Алдындағы үстелде кешегі қағаз жатыр. Отырып шамалы сөйлестік. Мұғалімдер бөлмесіне әзер жеттім. Басым айналды. Жылағым келіп, өкісігім тамағыма келіп, жарылып кетердей болды.

2000 жылдың желтоқсан айы еді. Мен енді ғана қағаздағы кішкентай бос орынды гүлмен толтырған Селимнің өміріндегі үлкен бос орынды да гүлмен толтырып жүргенін білдім. 3 ай бұрын анасынан айрылғанын, жұма сайын әкесі екеуі анасының бейітіне гүл қойып жүргенін білдім. Алдыңғы түнде әкесі естіп қалмасын деп түнде бетін жастыққа көміп жылағанын білдім. Университетте оқып, алынған дипломмен мұғалім болынбайтынын да түсіндім…
Бөлісу:

20 пікір

torgai
Сол баланың «Сүйікті кітабым жоқ» тақырыбынан басталып тұр ғой. Шынымен де. Әр адамның жан-дүниесіне үңіліп, ойын түсінетін ұстаз болу — қиын. Әсіресе баланың жанын түсіну. Мұғалімнің аңдамай айтқан сыны мен кекесіні қаншама балғынның жүрегін жаралап, меселін қайтарды екен…
Tyulpan
жүрегім ауырып кетті ғой… жылаттыңыз…
aikarakoz
 жүрегім ауырып кетті ғой…
VKM
тууууййй… сонда сыныптастары оның анасының қайтыс болғанын білмейді ме екен? Мұғалім жаңадан келген десек
torgai
Оқушы жаңадан келген
GALEKE
Біраз жыл бұрынғы жазба. Ойлантатын оқиға.
bizbike
біз оқығанда мектепте фондқа ақша әкелмеген балаларды сынып жетекшіміз жұрттың алдында тұрғызып қойып, жерден алып жерге салатын еді, неше түрліні айтып, сосын үйіне қайтарып жібереді. Ана оқушы сүмірейіп кете береді, сол есіме түсіп кетті ғой. Болынбайтын деген сөз жоқ, мұғалім дипломына ие болу — мұғалім қасиетіне ие болудың кепілі емес десе қалай болар екен?
ibnabbas
ия.Менде болған осындай оқиғалар.Ремонтқа қашан әкелесін деп барлық оқушының көзінше масқара қылатыны бар
bake
упс, бастан өткен оқиға. Мұғалімдік қасиетті тым жоғары шырқыратып жіберген көрінеміз. Әдейлеп қате жібермейміз, бұның барлығы артық сөйлегеннен шығады. Қазір жұмыс істеу қиын. Бақытты, толық жанұясы бар оқушы саны кластағы оқушылардың санын бес саусақтың бірнешеуін бүгіп көрсетуге болады. Ең бастысы мұғалімдердің өздерінің өмірлік тәжірибелері оң болуы керек. Мұғалім артық іс-қимыл жасап сөз айтпай-ақ қойсын, айтарлықтай бақыланбайтын мимика, сұрақ қойғандағы т.б. с.с. акценттері оқушы көзқарасына өзгеріс әкелеуіне жетіп жатыр. Мектеп штатында психолог, класс жетекшісі лауазымдарын ешкім алып тастаған жоқ. Әр мұғалімге олар кластағы оқушылар жағдайында өзгеріс болса хабардар етіп отыруы тиіс! оны педагогикалық-психологиялық қызмет деп атайды! Сол қызмет, мұғалімдерге оқушылар алдында жоғарыда сипатталған оқиғаның бастауын алуына жол бердірмеуге тиіс еді! Мектеп ішкілік жүйені неге ойлап тапты егер оны қолданбаса? Қазір көбінде психолог ретінде уақытша жас қыздар істейді, өздеріне қарайтын бір ата-ана керек(( опшым жүйе бар, бірақ жұмыс істемейді.
Соңғы түзету:
ruben
Сондай тактикадан жұрдай инглишмендерді көргем. Біреуі сабақ бергеніне екі апта болмаса да, сыртымнан тон пішкен. Сабақтағы бір болымсыз әрекеттерім үшін деп ойлаймын, бірдемені ескертіп келіп, бетіме қойып қалды: «are your parents divorced? may be getting a divorce?» — деп. Қадап жібергім келт, әрең шыдадым. Ақыры, игнорға жібердім. Осыны айтқан күні мен үшін қайтыс боп кетті әлгі оқытушы. О кезде қазіргілердей емес, достарымның арасында ата-аналары ажырасқандар почти жоқ еді. Сыныптастарымның алдында қалай қыртымбай сезінгенімді ұмыта алмайм. Ағылшын тілі мұғалімі дегесін еске түсті.
torgai
Осындай тақырыптар жазыңдаршы. Есалаң ұстаз достарыма оқытайын.
Dana
«Есалаң ұстаз» тым артық баға…

Әрбір адам ұзтаздан білім, өнеге алады. Ең алғаш қаламды қолға ұстатып, хат танытқан, ол — ұзтаз. Су ішкен құдыққа түкіруге болмас деп ойлаймын…

Әрине, тек ұзтазда емес, пенде болғандықтан әрбір адамда кемшелік болады, сол кемшілікті көре біліп, уақытылы түзете алған адам ғана мықты жан.
torgai
Есалаң десем, өзгені емес өзім көріп жүрген достарымды айттым. Мамандығына сай болсын деймін. Әйтпесе, өзім де дипломым бойынша педагогпын
Dana
Кейде адамдарды түсінбейсің, 4 жылдық өмірін босқа кетіріп, неге өзі қаламайтын мамандықты алып шығады екен?
torgai
Түсіне алмайсыз
Dana
ол да дұрыс шығар…
omarbirat
«Ей, жарымаған, сабаққа қашан форма алып келесің?», «Сен байҚҰСсың. Бір сурет дәптер алуға шамаң жоқ», «Сумкаң жоқ болса, шешеңе дорба тіктіріп алсаңшы» деген сөздерді де құлақ естіген