Мен мүгедек емеспін...

мүгедек жан
Тағдырдың талқысы дейін бе, әлде бұл да бір Құдайдың сынағы десем бе екен? Екінші ойым дұрыс шығар, себебі әр адам өз тағдырын таңдап емес, тағдырыңа не жазылса да соған көндігеді емес пе?
Мүгедек. Қандай ауыр сөз еді. Бірде қоғамдық көліктердің біреуіне мінгенім сол екен, ішінде барлық адамдардың жанары менде еді. Мені аяп бірі орындығын берсе, біреуі жол бергендей болды. Есікке жақын орналасқан бір орындыққа жайғастым. Артқы жағымда отырған бір-екі жас балалар мені әңгіме етіп жатқанын сездім. Тіпті біреуі осындай «мүгедек» ауру адамдар неліктен үйінде отырмай ма екен деп дүрс етті. Жүрегім зу ете қалды. Сол мезетте тұра қап бәрін түсіндіргім келген неге осындай күй кешіп жүргенімді. Бірақ, неге?..
Неге мен әлдебіреудің алдында ақталуым керек? Неге мен қоғамдағы адамдарға өз жанайқайымды жеткізуім керек? Кімге керек ол? Бұл маған Жаратқан құдайдың беріп жатқан сынағы деп қабылдап келем. Алайда қоғам мені жатсынып бір-ақ сәтте ештеңеге жарамсыз адамдай итеріп тастады. «Сен мүгедексің» деп. Межелі жеріме жетіп автобустан түскен бойы жол бойы өзімді-өзім жұбатумен келем. Мен мүгедек емеспін…
Бөлісу:
, ,

34 пікір

Armanjan
автобустан лып етіп түсіп кеткеніңізге қарағанда, бір-екі саусағыңыз немесе бір көзіңіз жоқ адам болғаныңыз ба? Былай енді назар аудартатындай мүгедек жан емес сияқтысыз (көбінде мүгедек адамдардың жанында қосымша тағы бір адам жүруші еді ғой)
Ainura
Адамдарды түсініп болмайсыз ғой… Аяғымды сындырып алғаным үшін дәрігерлер балдақпен жүресің дегендіктен амалсыз қолыма таяқ ұстауға тура келді.
Erkekyz
Бізде қоғам әлі жабайылау. Ондайда мән бермеу керек. Саусағын сілтеп, сіз туралы әңгіме айтып отыратын дым көрмегендермен санасып, өз статусыңызды түсірмеңіз. Өзіңізге қалай ыңғайлы, солай жүріңіз.
Ainura
Басында қатты қиналатынмын маған тесіле қарайтындардан, кейіннен ӨМІР маған бәрін де үйретті.
AKY
жазылатындай сынды ма? былтыр мен де сындырғам, екі ай балдақпен жүріп. өтті де кетті, еш қиналмадым. жазылып кет!
Ainura
Әумин, айтқаның келсін! Жазылып келеді Құдайға шүкір! Рахмет!
AKY
болжы ғо онда. мүгедек, қырт сырт деп езіліп, мұңайған боқ бола бермей, позитивті көңіл күймен жүр. Көбірек қимылда, қыдыр Сонда тез жазыласың. Басты сигнал мидан барады.
Ainura
уау, тура мамам сияқты айттыңыз ғой))
AKY
kerekinfo.kz/blog/atyzhok/4329.html
kerekinfo.kz/blog/atyzhok/4771.html
менің былтырғы екі түйір жазбам осыған байланысты оқи отыр, бәрі де супер болады
Ainura
мағанда осындай пост жазу бұйырсын келесіде, Иншаллах!
AKY
әмин!
asaubota
мен егер қыз болсам жұрт маған денеме қарап, аяғы ауыр шығар деп орын беріп жатса міне сонда жылар едім, іштей.
Ainura
оныңыз қызық екен)
VKM
))))))
AiZhurek77
мына коментіңізге карай, қыз болмасаңызда аягы ауыр адамша жазып турсыз!!! Өйткені еркек адам айтатын сөз емес кой мынауыңыз!!!
Tyulpan
tolyk kyzdarga sportpen ainalyssyn degen jasyryn message ))
torgai
Мүгедектік емес, аз уақыттық қиындықтар ғой. Сол шұқып көрсеткендердің де мұндай хәлден аулақ екеніне еншкім кепілдік бермейді. Сондықтан,өз шағыңызды күтіңіз…
Ainura
Күтуден шаршаған емеспін… күте берем… күтемін… Мүгедектік емес ау деп сіз бен біз солай ойласақта, қоғамдағы болған осындай жайттарды көп демесем де аз емес қой. Өмір ғой… деп көз жұма қараудан шаршайм кейде тіпті. Бір білерім, АДАМдар бәрін де жеңеді! Тек соны шын қаласа болды.
Tyulpan
kuitiniz, kute beriniz jane umitinizdi uzbeniz. jazylyp ketuge jazsyn. en bastysy basynyz aman, durys oilai bilesiz — ol ulken bakyt… ))

Tamara Asardy biletin shygarsyz, ana anshi she. sol kisi kezinde avariaga tusip, bir ayagy protez eken. syrtynan karasan aytpaysyn. solo koncertin tikesinen tik turyp, arasynda bilei jurip berip jatady. mugedek emes. oitkeni ozin mugedekpin dep oilamaidy…
Ainura
Е, ол әнші менің сүйікті әншім ғой. «Сол бір қыз» деген өлеңі өзі туралы сияқты соның. Жылап алам кейде тыңдап оңаша отырғанда)
neoaskar
Аллаһ шипасын берсін.
Ainura
Әмин! Айтқаныңыз келсін!
daugozhek
Менің ағамды көлік қағып екі тізесінен төмен сирақтар сындырып жіберген, бір жыл жатты, бір жылдан кейін жайлып аяғын баса бастады, Аллаға шүкір қазір жүгіріп жүр!
Ainura
Қуаныштымын! Ағаңыз ауырмасын! Бізге де жұғысты болып, жүгіріп кетуді жазсын!)
daugozhek
Әмин!
AiZhurek77
Сіз мүгедек емессіз. Яғни уакытша сынақ, соның өзінде кішкене ауыртпалыққа бола әлсіздік танытпаңыз. «Мен мугедек емеспін» деп те айтпаңыз? Мүгедек болып қалу оп оңай. Тіпті мүгедек болсаңызда, онда тұрған не бар екен??? Өмір бойы мүгедек болып өтетін қаншама жарым-жан адамдар жүр. Олар мойып, жылап, ақталып жатқан жоқ, керісінше, сап сау адамдарға қарағанда өмірге құлшыныспен бел буып араласып кеткен. Ең бастысы Жаратқан рухани мүгедектіктен сақтасын!!!
Ainura
Дұрыс айттыңыз, рухани мүгедек жандардан сақтасын! Менің тек айтқым келгені неліктен қоғамда адамдарды осылай шеттетеді? Неге оларға бір аяушылық сезім көрсетеміз? Оларға біздің тең құқылы жағдайда қарағанымыз керек емес пе? Шыны керек, мен бұрын жүріп жүргенімде көп ойлана бермейтінмін, өз басыма келген кезде ғана олардың жан айқайын естігендей болдым. Қазір оларды аяп немесе қорқыныш сезіммен емес, өзім қатарлы адамдай қабылдаймын.
AiZhurek77
Барлық қоғам сондай деп айта алмаймын. Өйткені біздің экологиялық, әлеуметтік жағынан нашар елімізде, әрбір екінші отбасында кем дегенде бір мүгедек адамымыз бар, өкінішкен орай. Ал егер мугедек болсын, сау болсын кез келген адамга баска адамнын дұрыс көзбен карамауы, санасының дәрежесіне байланысты.
Ainura
Ееех, өмір- ай…
salta
тақырыпқа қарап, жаным ашып кетті. аяғына дейін оқып, артынан комменттерді көргенде күлкімнің келгені ай… сынықты мүгедектікпен шатастыру ақымақтық!!! мен 3 ай сал болып жатқанмын. мүгедек болуды балдақ ұстаумен ғана байланыстырып, ессіз адамның қырын көзіне бола өзіңізді жермен жексен еткеніңізге жол болсын!!! мүгедектік сізді айналып өткен, автобусқа өзіңіз мініп жүрсіз, сырт көз сынын жаныңызға жақын қабылдап жүрсіз, демек сіз өзіңізді өзіңіз бейшара еткен жансыз. мүгедектік егер сіздің анаңыз бар үмітімен беліңізден төмен қарай әрбір сантиметріңізді уқалап, Алладан шипа беруді секунд сайын сұрап, әкеңіз дәретке апарып-алып келіп, дәрігерлер мен емшіні жағалап, аяғыңызға тұрғанша безектеуі… міне, мүгедектік!!! бұл тек 3 ай ғана сал болып жатқан адамның сөзі, сіз өмір бойы мүгедек болған адамның қандай екенін білмейсіз. кешіріңіз, сіз бірақ мұндай айдар тағатындай жағдайда емессіз
Zhann
Жынды қатын. Осы жындының жазбаларын оқысаң, құсқың келеді.
Ainura
Дұрыс айттыңыз. Мынандай сөзді оқыған едім, «Адам өз басыңа келмеген нәрсені сезінбей, басқаның ауыртпалығын қайдан сезінсін» деген? Мен жалпылама түрде айтқан болатынмын. Қазіргі қоғамдағы көзқарастың қандай екенін, адамдардың неліктен солай қарайтының айтып отырмын. Адам баласынң басына салмасын дейік, әйтпесе кез-келген адамның шыдамы төзуге жете бермесі анық.
Hetrou
Көшеде балдақ ұстаған адам көрсем, мүгедек деп ойламаймын, «Аяғын сындырып алған болар» деп ойлайм, ойлайм да қоям. Мынау мүгедек екен деп аяушылық білдіріп не менсінбей қарау деген ойыма да келмейді. Жұрт үйдеп ойлайды, бүйдеп ойлайды деп бас қатырып керегі жоқ. Өзің айтқандай ойлауы мүмкін де емес, әркімнің өз проблемасы бар, қараса, көзі болғасын қарайды-дағы. Егер жазылудан үмітің болса, ондай ойларды басыңнан шығар. Алла Тағала «Пендеме көтере алатын қиындықты берем» дейді екен, ендеше бұл қиындықты жеңіп шығасың. Алла жақсы көретін пендесін сынайды екен, сол сынақтан сүрінбей өтуіңе тілектеспін. Сондай-ақ Құдай бордай езілген жасықты емес, батыл адамдарды ұнатады. Құдси хадистер (Хадисы Кудси) деген жақсы хадистер бар, соларды тауып оқысаң көп нәрсеге көзқарасың өзгерер еді. Әдемілеп жазармын дегенмін, асығып отырмын.
Ainura
рахмет ой қосып, пікіріңізді білдіргеніңізге!