Қайран жеңгем!

Anuarbekkyzy-ның постында ағайындыларды біраз жерге апарып тастадық-ау деймін. Осы жеңшелеріміз туралы айтайық енді. Әрине, жақсы жағын. Өзі менің жеңшелерім көп-ақ! Солардың бірнешеуінің жақсы жақтарын айта кетейін.
Бірінші туған ағамның әйелі: Жасы өзімнен кіші болса да, өзіме жақын тартып тұрады. Жеңшем үйге келін болып түскенде мен Алматыда ҚазҰМУ-да 1 курс магистранты едім. Тойға келдім де кеттім. бір күні ғана жеңгемнің қасында болдым. Кетіп бара жатқанымды естіп: «Бірнеше күн қала тұрсаң болмайды ма?» деп сұранып еді. Жұмысым әрі сабағымның барын екенін айтып, пойызға шығып кеттім. Мінезі тәп-тәуір, ағамнан гөрі шешем қатты жақсы көреді. Маңына шаң жуытпайды. Қазір үш баланың анасы. өзі медбике. Мен кейде әзілдей беремін. бір әзілім мынадай болды: "Қыналы қар" түрік сериялының қызып жатқан кезі. Ауылда одан басқа кино көрмейтін. Сосын мен жеңгеме: «Осы өсекті айтатын еркектер екен, оны таратушы әйелдер екен» деп айтып кеттім. Ол ауызы ашып маған қарап қалыпты. сүйттім де жұмысымды істеп жүре бердім. әйдейі араға 20 минуттай уақыт салып: "Өткенде, Түркиядағы таныстарыма (сонда оқып жатқан таныстарымның бар екенін біледі) айтып едім, бізде осындай "Қыналы қар" серилы қызып жатыр деп. олар ол сериалды көріп қойғанбыз. Стамбулдың жанындағы ауыл екен, онда ойнаған Али мұғалім мен Назар екеуі ерлі зайыптылар екен, Түркиядағы танымал әртістер екен деп айтты" дедім, жеңгем: "Қой-ей шын ба, шынымен ерлі зайыптылар ма екен. Қалай кинода керемет ойнайды ғой" дейді. Сосын мен оған: «Енді мен өсек айттым, енді сен таратып келсей» десем, ішек-сілесі қата күлгені бар. «Мен шынымен сеніп қалсам» деп.
(Жаз бойы ағамның қасында үй салуға көмектескен де осы. Тас тасу, цемент құю, су әкелу жұмыстарына да белсене араласқан).

Екінші тегіміз бір, әкемнің ағасының балаларының келіншектері: Үш ұл олар үшеуінде төрт келіншек бар. ой кешіріңіздер. Үлкен ағамыз екі әйел алған дегенім ғой. Олармен ара-қатынасымыз түзу. Бірақ олардың келіншектерімен әзілдесе алмаймын. ыңғайы келмейді.
Нағашыларымның келіншектері: Нағашы жақсы қандайды, үзілген жерді жалғайды. Нағашыларымыздың ауылына барсақ, аунап-қунап қайтамыз. Біз барғанда жылы шыраймен қарсы алады. кетіп бара жатқанымызда нағашыларымыз бірдеме беріп жатса да, жеңгелеріміз қабақ шытқан емес.
Мұқағали Мақатайұлының "Қайран жеңгем" деген өлеңі бар. бірақ ондағы жеңгем менде жоқ.

Су сұраса сүт берген, айран берген,
Қартайып қалыпсың-ау, қайран жеңгем!
Қарғаның валетіндей едірейіп,
Қасыңа мына біреу қайдан келген?
Апырай, суық еді сұрқы неден?!
Адамға қарайды ғой сыртыменен.
Жол көрсеткіш сақшының таяғындай,
Қимылынды бағып тұр мұртыменен.
Женеше-ау, есіңде ме біздін ағай?
Сыйласып отырар ек біз құдадай.
Қанды балақ соғысты қарғыс атсын,
Қайран жеңгем, шырқынды бұзды қалай
Күлкің қайда күмістей сыңғырлаған?
Жүзің неге ымырттай түнжыраған?
Бұғалыққа тұрмайтын асау едің,
Сені әкеліп теліген кім мынаған?
Өзің болсаң, тым ағат ойланғансың,
Бақыт емес, басыңа қайғы алғансың,
Жан едін ғой жанының талғамы бар,
Қара мұртқа қалайша байланғансың?!
Ел-жұртың қараушы еді мақтан етіп.
Киіп ап аяғыңа салтама етік,
Талайлардан кетуші ең аттап етіп,
Талайларды жүруші ең таптап етіп…
Қартайып қалыпсың-ау, қайран жеңгем!
Қайғыға мойымаушы ең.
Қайдан келген?!
Сағынып жүрсің бе әлде, қадірлім-ай,
Баяғы жастығыңды майданда өлген?..

Жеңгелерімізді аялай білейік. Абысын тату болса ас көп.