Түркістанда 400 теңгелік 3D кинозал бар екен...

Екі бұрын Түркістанға барудың сәті түсті. Туысым кинотеатр ашылғанын, анау мынау емес 3D екенін айтып мақтанды. Бардық, бір билеттің бағасы 400 теңге. Алматылық маған, бұл баға тиындай көрінді.

кірер есік осы,
Кірдік. Аң-таңмын. Менің абдырап тұрғанымды байқаған, билет сатушы алдыма кинозалда көрсетілетін фильмдер тізімі жинақталған буманы ұсынды,
ішінде 30 кино бар,
Және қабырғада мыналар ілулі тұр,
Туысымның айтуына қарағанда бұлардың ілініп тұрғанына екі аптадай болған.
Оған себеп, осы фильмның 3D әсері күшті, және балалардың жоғарғы сұранысына ие екен(мұны билет сатушы қыз айтты),
мен сұрақты жаудырдым,
-Неге билет бағасы арзан?
-Халық билет бағасы бұдан жоғары болса келмейді.
-Балаларға неше?
-Жеңілдік жоқ, мұның алдын ересектерге 500т, балаларға 400т қылғанбыз. Жұрт қымбатсынды. Арзандаттық.
-Фильмдерді қайдан алып қоясыздар?
-Фильмдердің барлығын Украинадан әкелінген. Бір пачка қылып.
-Мұның авторлық құқықты бұзу екенін білесіз бе? Фильмнің иесі болып табылатын кинокомпанияларға жарна төлейсіздер ме?
-Мен білмеймін, иесі мен емес. мен тек билет сатушымын.

міне, сұрауларға осындай жауаптар алынды (нақты сұрақ пен жауапты ғана беріп отырмын, негізгі әңгімелесу сипаты өтірік мақаусынып сұрау түрінде(осындай да түр болады екен ғой,) өткен болатын)
Кино көруге кірмедім. Тек залдың ішін бір көріп, шықтым. Зал деуге келмейді, пластиктен құрастырыла істелген бөлме ғана. Жайлы, жұмсақ креслолар(осы сөздің аудармасы қалай болады?) орналастырылыпты, 12-16 адам сияды.

және проекционды құрылғы мен экран
осыны ғана түсіріп үлгердім,
Сатушы қыздың сөзінен байқағаным, кинозал иесі ешқандай да жарна төлемейді, бар пайданы өз қалтасына салады. Оған себеп, билет бағасының арзандығы, кинолардың ешқандай да сеанссыз, келушілердің қалауына байланысты таңдалып қойыла берілуі.
Қиыны сол, авторлық құқықтың бұзылып жатқандығы.
«Онда тұрған не бар, қарапайым халық 3D blu-ray ойнатқыш пен 3D экраны бар теледидар сатып алуға шамасы келмейді, көзілдірік тағып үш өлшемді бейнені көріп, білсін, сезінсін, халық қөп қоныстанған Түркістанға кинотеатр керек» деп айтуы да мүмкін. Менің екінші бір ойым да осылай деп қылаң береді. Десе де, заңға қарсы әрекет жасалынып жатыр
Айтпақшы, видео бар еді, дәл қазір жылдамдық нашар, салуға мүмкін болмай отыр,(алдағы уақытта саламын)