Ең соңғы тұрағың...

Алаңсыз ойнаған жүгіріп,
Есте ме балалық кездерің?
Қас қағым сәтте-ақ ғайып боп,
Зуылдап өтерін сезбедің.

Жоқ онда жасанды қылық та,
Бұлақтай тұп тұнық көздерің.
Сыңғырлап күлгенің сүйкімді,
Балдан да тәтті еді сөздерің.

Бағалай білмедің бірақта,
Есейіп кетуді көздедің.
Оңаша қалғанда ойланып
«Ес біліп, ер жетсем тез» дедің.

Ол күн де қарсы алды алдыңнан,
Сен де оған жеткенше асықтың.
Біреудің мерейін асырып,
Біреудің көңілін жасыттың.

Балалық кетті алыс сағым боп,
Ол күндер сен үшін қашық тым.
Бозбала боп сен де бөлендің,
Күйіне ессіз бір ғашықтың.

Өмірде болды көп тосын сый,
Күлдің де шаттанып, жыладың.
Арманға асыға жүгіріп,
Бір кезде сүріндің, құладың.

Күрестің бар күшің жеткенше,
Қабыл ап өмірдің сынағын.
Алаңсыз жүргенде аңдамай,
Кірлеттің көңілдің бұлағын.

Бір күні өзің де әке боп,
Үлгілі ұл мен қыз өсірдің.
Қателік болса егер қинамай,
Көз жұмып бәрін де кешірдің.

Бұрылып артыңа қарасаң,
Ол күн де қалыпты алыста,
Ақсақал кейпіне еніпсің,
Өмірдей аламан жарыста.

Көз салып өткенге қарадың,
Тынығып бір сәтке жатпадың.
Балалық шағыңды сабылып,
Іздедің… бірақ та таппадың.

Бітер ме адамның арманы,
«Бала боп кетсем!» деп сұрадың.
Әттең-ай… ол кезде күтті тек,
Баратын ең соңғы тұрағың...

Зарина Долатай
Бөлісу:

75 пікір

Armanjan
Бітер ме адамның арманы,
«Бала боп кетсем!» деп сұрадың.
Әттең-ай… ол кезде күтті тек,
Баратын ең соңғы тұрағың...

Өтті күндер, айтайын несіне сын,
Келешегім тағы не бүлдіреді.
Күліп кеткен күндердің несібесін,
Жылап тұрып өтермін, кім біледі?

Өтті күндер, зымырап жыл-айларым,
Таңертең мен шығармын үйден күліп.
Ұмытып та кетіппіз Құдай барын,
Дүниеден биіктеп, билеп жүріп — деп өкінетін шығармыз.
ademi_alem
иә… Өкінбестің амалын жасап, екі дүние бақытын көруге нәсіп кетсін!
Marationok
«Күлесің» дегенмен бірдей сияқты, сосын септік жалғауларын көбірек қолдансаңыз жағымды оқылар, бәрібір өзіңіздің атыңыздан жазып отырсыз ғой
ademi_alem
))) мынау жағымсыыыз оқыла ма, аға?
satibaldi
Шамамен үш немере сүйген шығарсыз?
ademi_alem
Не? )))) сол күнге аман-есен жеткізсін!
satibaldi
Жас болсайш аздап. Клубқа барып биле. Қыдыр. жігіттердің жүрегіне шоқ сал.
Мынадай бомбастик өлеңмен әжім ерте түседі ғой, абысыным-ау.
ademi_alem
))))))) жақсы кеңесіңізге рахмет, бірақ қызық емес бұл ұсыныстар.
satibaldi
Қызық ұсыныс бар. Америка Математикалық Қоғамына ғасыр есептерінің бірін шешем деп, өтініш бер де, кез келген біреуін таңдап алып, шеше баста. Ал орныңызды жоқтатпай, мынадай өлеңдер жаза тұратын адамды табуды өзім реттейін?
ademi_alem
)))))))))))) бұл да қызық емес.
satibaldi
Онда атылывөл де, түнек Патшалығына барғанда, осындай өлеңдер шығар. Қараңғылық кінәзі ойбайлап жылап, ақыры мешітке баруға мәжбүр болсын
ademi_alem
Тағы не айтасыз? )) Одан да қысқа да нұсқа «бұл жерге сенің жазбаларың лайықты емес, басқа жаққа жазғаның абзал» деп қарапайым түрде ғана түсіндіре салмайсыз ба? )
satibaldi
Жоға, мұнда тіпті Қасыолжас, Табиғат дегендер болған, сенікі деген соны туынды ғой.
Marationok
Әй, сосын, Әдемі, Жаңаөзендегі бауырларға өлең арнасаң игі болар еді. Қалай?
ademi_alem
Әдемі әлем деңіз )) Тікелей Жаңаөзенге қатысты болмаса да, бұған ұқсас тақырыпта жазылған өлең бар.
satibaldi
Қамтымаған тақырыбым қалмад деЧ
Marationok
Неге тікелей емес? Сөздер құрып қалды ма? Жаңаөзендегі бауырларға сөздер аяйсыз ба?
satibaldi
Сіңлім, адамға өз көзқарасыңды таңбай отыр. Мұндай өлеңді жаздырмаймын. Саясатпен Саясат Бақытгереич айналысад тек.
ademi_alem
Қандай өлеңді? Менін мына жерге саяси өлеңді жазайын деген ойым жоқ. Сондай тақырыпта өлең бар ма? деген сұрақ қойылды, мен жауап бердім.
satibaldi
Жоқ абысын, ана сіңліме айтып жатырмын.
Marationok
қарындас, сенің айтқаның орынсыз, бұл жерде саясат емес, еске алу ретіңде.
ademi_alem
Еске алу түрінде болсын, қандай түрде, қандай формада жазылса да ол саяси тақырып болып шығады, аға.
Marationok
Базарбай режимі де, мынауын сталиннен қатал ғой, сірә
satibaldi
Сұрама. Үйіңе үштік сот сау ете қалмай тұрғанда жергілікті кнб-ға барып, өз еркіңмен беріл.
ademi_alem
Сүріп мұндай әділетсіз қоғамда,
Білмеймін мен оңбаймын ба, оңам ба?
Ахмет, Мағжан Міржақыппен бірге мен,
Атылғаным артық еді одан да…
meirzhan
Қазақстанның суицид бойынша әлемде 3-ші орын алуының әдеби һәм тарихи себептері де
ademi_alem
Мейіржан аға, бұл өлең жолдарының суицид мәселесіне қатысы жоқ сияқты негізі. ) Олар өз өздеріне қол жұмсамады, өлтірілді. Олар азаттық үшін бастарын өлімге тікті, бірақ нәтижеінде біздер қазір егеменді елде өмір сүріп жатқан жайымыз бар. (шартты түрде болса да...) Ал қазір өз еркіңмен атылдың не, асылдың не еш өзгеріс жоқ, баяғы жартас бір жартас, сол себепті де сол зиялыларымыздың сөзі мен ісі сәйкес, сөзбен емес, іс жүзінде әрекет ете білген уақытында өмір сүргім келеді. Өлсең де күресіп өлген жақсы ғой, үнсіііз біртіндеееп, баяяу өлгеннен біздін тәуелсіздігіміз сияқты…
Marationok
Мейіржан сізге іні болып келеді
meirzhan
Марат,  бар білетініңді айтып салу міндет емес қой.
Адамның құндылығы айтқанында емес, әлі айтпағанында
Marationok
кешір ағасы, қателік кетті
Gastarbaiter
әлі айтпағанында
Қызыл сөз бен ұйқас үшін қисынға қиянат жасауың оңбады енді.
meirzhan
Менің сөзім емес, Гаста. Ғарифолла Есімнің кітабынан оқығам
Gastarbaiter
Әрине, мопед сенікі емес
ademi_alem
ештеңе етпес, бір адамдар «сіңлім, абысын» деп отыр ғой. )) Бұл жерде кімді қалай атасаң да айып емес сияқты, кімнің іні, кімнің сіңлі, кімнің аға, кімнін ер адам, кімнің әйел адам екенін түсінбей жүрмін әлі.
Gastarbaiter
бірақ нәтижесінде біздер қазір егеменді елде өмір сүріп жатқан жайымыз бар.
Оны кім айтты саған?
ademi_alem
(шартты түрде болса да) дегенді оқымадыңыз ба?
Gastarbaiter
Оны алдыңғы сөйлемге нүкте қойып барып жаздыңыз емес пе?
ademi_alem
нүкте қойып, жақша ішінде жазылды. Әдетте негізгі ойым жақша ішіне жазылады. )))
meirzhan
"Қоғамның әділетсіздігі үшін өзіне қол салған" жас елестеп кетті де просто.
Қазіргі жағдайымызға, тәуелсіздігімізге тәубе айту керек.
Кезіндегі зиялыларды және сол уақытта идеалдандырма. Әр заманның өз жақсы, жаман жақтары болған. Мысалы, сен идеал деп отырған, зиялылар партияларға, ағымдарға бөлінген. Бастары бірікпеген. Бір-бірін сатып отырған. Қыли заман қысқасы. апдейт. қилызаман
ademi_alem
""Қоғамның әділетсіздігі үшін өзіне қол салған" жас елестеп кетті де просто". Олай елестемесін, Отан үшін өлетін емес, өмір сүретін жандардың қатарынанбыз. )) Өз өзіңе қол жұмсап өлсек ештеңе өзгермейді, бұл әлем өз өзіне қол жұмсағандардың түр түрін көрген және көре береді.
satibaldi
Сүріп мұндай әділетсіз қоғамда,
Білмеймін мен оңбаймын ба, оңам ба?
Ахмет, Мағжан Міржақыппен бірге мен,
Атылғаным артық еді одан да…
Ойбооооу, неткен пафос! Мылтықтың оқпанын көріп пе едің өзің үңірейген? Асылық айтпа нақ.
ademi_alem
Әжім ерте түседі? Жүзіме ме? Уақыт жүзімізге әжім түсірсе де, көңіліміз әжімсіз, таза болғай!
Marationok
«болғай» деген сөздердің мәнін әлі түсімбедім.
Gastarbaiter
«Болсын» -пусть будет! -деген мағынада.
«болғай!» — да будет" -деген экспрессиясы күштілеу мағынада
Marationok
Кім ойлап тапқан? Менің ойымша көркем әдебиетшілерден келген? Әлде қалай?
meirzhan
Қазақ тілі — бай тіл!
Aya
Оралымды, ырғақты тіл
Marationok
көсегесі көбейсін
Marationok
Не бұл? Жауап ретінде ме?
Gastarbaiter
Былғары бұтақ шеберлерінен келген
Marationok
Жалпы оқуға тұрады, бірақ не үшін төрт қатардаң бөлгеңіңізді түсімбей тұрмын, уақыт бойынша бөлінетін еді ғой, әлде қалай? Орыс ақын жазушыларының әдістері ғой мынау.
Ол тек менің ойым, қарындасым.
ademi_alem
«не үшін төрт қатардан бөлгеніңізді түсінбей тұрмын» деген не?
Marationok
Постқа қатысты еді
ademi_alem
Нені, қалай бөлгенімді түсінбей отырмын әлі.  кешіріңіз
Marationok
қатар, қатттар әлде шумақ па… мектеп программасынан қалып қойған деп есептей бер
ademi_alem
ааа түсінген сияқтымын. ))) бұл өлең он бір шумақтан тұрады. Ал төртке бөліп дегеніңіз адам өмірін не үшін «балалық шақ, бозбала, әке, ақсақал» деп төрт кезеңге бөлгенсің деген сұрақ емес пе?
Marationok
Неге төртеуден деген сұрақ? Неге? Неге он бір шумақ?
ademi_alem
)))))))қызықсыз, иә?! )))
ademi_alem
Себебі сізді өлең арқылы айтқым келген ой емес, «неге төрт қатар? септіктерді неге қолданбайсыз? Есімдік не керек? Мұқағалидің стиліне ұқсайды ғой. Орыс ақын жазушыларының әдісі ғой» деген ойлар қызықтырады.
Marationok
Ойыңызды түсімбедім, не жеткізгеніңізді де, әдіме болу керек әдеміқалғаны маңызды емес
satibaldi
Есімдік не керек? Мұқағалидің стиліне ұқсайды ғой.
Осылай, осылай манияға да жетіп жығыласыз
Aya
Бала кезімді сағынуымның негізгі сыры пәк жүрегімді, кіршіксіз махаббатымды қайта аңсауымнан болатын сияқты…
meirzhan
Шынымен-ақ көп жасаған ақынның өлеңі сияқты
SaryQazaQ
Тамаша! Бастысы — жақсы аяқталыпты. Өйткені қай тақырыпты қозғасақ та, нені істесек те финиш сол болады ғой. Әдемі әлем, өлеңіңіз де атыңызға сай
adayqyz
Бұ дүниенің жалғандығын, бір қолда тұрмайтыны лирикалық түрде жақсы келтіріпсіз. Қаламыңыз ұштала берсін
Abilakim
өлеңді төменнен жоғары қарай оқыған дұрыс екен
ademi_alem
)))))))) оқып көрдім, қызық екен.