"Карменсита" қойылымы алғаш рет драма болып сахналанды.
Ақпанның 29-ы және 1-2 наурыз күндері Ғ.Мүсірепов атындағы балалар мен жасөспірім театрында «Карменсита» қойылымның премьерасы болды. Проспер Мерименің «Кармен» новелласының желісі бойынша драмалық нұсқасын әлемде бірінші болып сахна төріне шығаруы режиссер Талғат Теменовтың басты жаңалығы. Қойылымға Мәскеудің «Жас Опера» театрының бас балетмейстері Иван Фадеев арнайы шақырылып және Талғат Теменовке «ради тебя» деп бірлесе жұмыс істеп, сіңірген еңбегі үшін «5 мың-ақ доллар» алыпты. Талғат ағаның айтуы бойынша, Иван ағай шет елдерде атқарған жұмысына кем дегенде100 мың доллар алады екен.
Кармен-сыған қызының рөлін Жанар Мақашева, Хосе-сержантты Мақсат Сәбитов, Эскамильоны Бейбіт Қамаранов, Сыған кемпірді Лидия Кәден, Цун-капитанды Рахман Омаров сомадады және т.б қосымша рөлдер болды.
«Кармен» шығармасының бас кейіпкері — испандық жас сыған қызы. Кармен өзінің сымбаты, бойдағы жалындап тұрған жастық қуаты, асау мінезі арқылы елдің бәрін өзіне ынтық етеді. Ғашық болады, сүйгізеді, сүйеді.
" Сені ұмыту күні ұмыту емес пе, Сені ұмыту айды ұмыту емес пе, Сені ұмыту өзімді өзім ұмыту емес пе?!"- деп Эскамильо ғашық болса, Дон Хосе туған-туыс, дос-жардан, тіпті анасын, қыл аяғы өзін ұмытып Карменді сүйеді. Ақыры қызғаныштан жолына кедергі болғандардың барлығын өлтіреді. " Қолым енді жетті ме "-деген кезде Кармен шерменде Хосеге бүй деп айтып:
" Бәрі біткен өте шыққан жаңбырдай… Бұл өмір тек өзгеруге жаралған. Неге тәтті аралардың шырыны? Өйткені олар сансыз гүлден нәр алған. Мен де солай жалғыз өскен шынармын. Махаббатың ыстығына құмармын. Мен де солай ешкімнің де еншісіне бұйырмас асау болып тулармын да тынармын..." ғашықтық отына күйіп, есін жоғалтқан Хосенің қолынан қапияда мерт болады.
" Мен сені сүйем сүйіктім, бірақ мен еркіндікті сенен де артық көремін… кешір..." деп жан тапсырады.
«Кармеееееееен» деп жан ұшыра айқайлап, ақ ұрған Хосе де өзіне қол жұмсап, драма да аяқталады.
" «Карменсита» қойылымын халық жақсы қабылдады"- деп есептейді режиссер Талғат Теменов. "Өйткені үш күн қатарынан болған қойылымда билет түлгелдей дерлік сатылып, залда ине шаншар орын болмағынынан-ақ байқауға болады"- деді қойылым режиссері.
былтын айгүлл Иманбаеваның «Медеясына» бара алмай арманда қалып едім…
Премьера Карменсита ( «Кармен» повесіне фантазия )
авторы және реж. Т. Теменов