Шежіреші қарт бір отбасыны ойран қылды

Атырау облысы, Сағыз елдімекенінің тұрғыны шежіреші қарт Ермекбай атаны көпшілік жақсы біледі. Беріш руының шежіресін жазумен танымал бұл кісінің тағы бір қасиеті адамның бетіне қарап, қай рудан екенін анық айтуы. Жақында қарияның осы қасиеті айрандай ұйыған бір отбасыны ойран қылды. Оқиғаның мән-жайын білу үшін оқиға куәларымен хабарласқан едік.

Айбек Ж:
Біз вахтадан қайтып келе жатып, ермек болсын деп Ермекбай атамен әңгімелесіп отырдық пойызда. Бір кезде ру сұраса бастадық. Қарияның өзі бізге руларымызды айтып беріп отырды. Расында да дәл айтып отырды. Біз шалмен әзілдесейік деп қасымыздағы Андрейді көрсетіп, «Мынау ше?» деп едік. Ермекбай ата «Яптываймайттың түрі орыс демесең, көзі де, өзі де тұқымың жайылғыр Есенғұл Беріш қой» деді. Неге боқтайды деп ренжіген Андрейге "Үрмеңдер. Боқтауға қақым бар, мен де Берішпін" деді. Кейін Андрей ДНК тестін жасатқан екен. Расында әкесі орыс болмай шығыпты.

Андрей Г:
Пойыздағы оқиғадан кейін ішімде бір күдік пайда болды. Кішкентайымнан мен басқа орыс балалар сияқты емес, қазақ балалармен асық ойнап, ләңгі теуіп өстім. Құжат бойынша әкемнің мамандығы сантехникаға да ебім жоқ. Қазақша әндерді де сүйіп тыңдайтынмын. Ермекбай атаның сөздерінен кейін тест жасаттым. Биологиялық әкем қазақ болып шықты. Қазір мен шешемнен де кетіп қалдым, туған әкемді тапқым келеді.

Ермекбай Сұлтанғазы:
Бұрын шалдардың үйреткені бар, өзімнің де өмірлік тәжірибем бар. Әйтеуір Кіші Жүз руларын айыра аламын адамның бет-әлпеттеріне қарап. Құдайға шүкір бүгінге дейін қате айтқаным болған емес. Сен сұрап отырған сары бала туралы айтқаным да рас. Өзіміздің Беріш қой, көз жібермейді ғой, көз.