МАҒАН НЕ ҰНАП, НЕ ҰНАМАЙДЫ...

ҰНАЙДЫ:
— Суда жүзу;
— Форель шаруашылығындағы түрлі балықтар;
— Қазіргі қазақ поэзиясынан Н.Бердалының әр түрлі тақырыптағы өлеңдері;
— М.Түсіпбаева оқитын Н.Бердаланың «Тағы бір күн»монологы";
— Редакцияға келетін оқырмандардың (өз қолдарымен жазылған) пошта арқылы жіберген түрлі тақырыптағы хаттары, оларға жауап қайтару;
— Коллективтің жиындары;
— Кеш ұйықтау, ұйқыдан күліп ояну;
— Сергек кездегі жұмыс, таңертең немесе түнде
— Тып-тыныш кезде жазылған мақала;
— Тап-таза ауа. Көрікті аула. Табиғаттың тылсым сырлары;
— Әдемі сурет көру немесе әсерлі шығарма оқу;
— Классикалық туындылар;
— М.Әуезовтің «Абай жолы» шығармасы, Ғ.Мүсіреповтің «Ұлпан» туындысы, Шекспирдің сонеттері, М.Гумеровтің «Құпия дәптер» шығармасы, Джонатан Свифттің «Путешествия Гулливера» атты кітабы;
— Кенеттен келген жақсы идеялар;
— Тосын сый;
— Күтпеген кездесу; 
— Бөлмені қолдан әр түрлі нәрселер жасап, жабыстыру арқылы әсемдеу;
— Жаңбыр жауған кез;
— Театрдағы адамды терең ойға батыратын қойылымдар;
— Достармен жақсы араласу, сағынысып көрісу, сыр шертісу;
— Көркем шығармалардағы ерекше детальдар;
— Көңіл күйіме қарай музыка тыңдау;
— Қызықты деректер оқу;
— Анамның сенім артуы, жібектей мінезі, ақкөңілдігі;
— Әкемнің үнемі айтатын ақылдары;
— Інімнің оқыған шығармаларын талдауы;
— Сіңлімнің салмақтылығы;
— Экскурсия жүргізіп тұрған кезде, тыңдаушылардың композияцияларға қызығып, сұрақтар құюы, өздеріне үлкен ой түйіп, ерекше әсермен қайтуы;
— Журналдың дизайнын жасау;
— Күнделік жазу;
— Оптимист адамдар;
— Ойға алған ісімнің уақытында орындалуы;
— Әр түрлі тренингтер;
— «Махаббат бекеті»көркем фильмі мен фильмдегі әдеееееееееееееемі әуен;
— Бас редактордың көңілді болып отырған кезінде айтатын әңгімелері;
— Мұражайлардағы құнды экспонаттар;
— Қарапайымдылық;
— Сегіз қырлы, бір сырлы адамдар;
— Арайлап атқан әрбір таң;
-Қонақ шақыру;
— Еркелеп сөйлеу;
— Берілген тапсырмаларды ерте бітіріп, сайттарда отыру;
— Ұлттық кітапханадағы сирек кездесетін қолжазбалар қоры;
— Тарихи орындар;
— Ерекше нәрселер;
Ой, тізе берсек көөөөөөөөөөп болып кетеді екен, осымен аяқтайын))
Ұнамайды:  
— Өмірдің түрлі жазылмаған заңдары...
— Саудасалу, сатушылардың өз затын өткізу үшін адамның іші-бауырына кіріп кетуі;
— Отырыстарда асабаның тым анайы анекдоттар айтып, жұртты қыран-топан күлкіге айналдырамын деп ойлайтыны;
— Тырнақ астынан кір іздейтіндер;
— Кімнің тарысы піссе, соның қазанында қайнайтындар;
— Ұяңдығым;
— Сабақты түсінбей, тек жаттап алып бүгін айтып, ертең сұрасаң білмейтіндер;
— Кітап оқысам болды, ұйқым келеді дейтіндер;
— Агенттегі келетін түрлі спамдар мен айтуға тұрмайтын әңгімелер;
— Бетіңе күліп қойып, соңыннан өзіңді біраз жерге апарып тастайтындар;
— Сериалдардағы бірдей мотивтер;
— Қыздардың жігітті қалтасамен бағалауы;
— Жігіттердің «жылтыр» сөздері;
— Махаббаттағы тұрақсыздық;
— Жаргон сөздер;
— Жалпы, өмірдің мәні тек қана ақшада деп санайтындар;
— Өз ата-анасын қарттар үйіне өткізетіндер мен туған баласын тастап кететіндер;
— Таксистердің қылмыңдауы;
— Телефонмен танысқысы келетіндер;]
— Алғаш танысқан адамның телефон нөмір сұрауы;
— Өзгелердің пікірімен мүлде санаспай, тек өзінікін ғана дұрыс деп есептейтін адамдар;
— Одан ешкім ештеңке сұрамаса да, өмірі «жоқ» деп жоғалып жүретін адамдар;
— Пессимист адамдар;
— Ештеңкені жақтырмайтын адамдар;
— Кез келген дүниеге жеңіл қарайтын адамдар;
— Аурухана, дәріханалардағы дәрілердің иісі;
— Руға, жерге, елге бөліну;
— Түрлі компанияда (желілік маркетинг) жұмыс істейтін адамдардың құр уақытты алып, «Сіз осы компанияға жұмысқа кірсеңіз, өміріңіз мынандай болып шыға келеді дейтіндер...»;
— Қажет кезде іздеген заттың табылмай қоятыны;
— Шулы орта, әсіресе кітапханадағы шуыл;
— Қоғамдық ортада өзін дұрыс ұстамайтындар;
— Уәдесінде тұрмайтындар;
— Адамдардың гүлді аяусыз жұлуы;
— Қан-төгіс, атыс-шабыс видео, кино, ойын;
— Саны бар, сапасы жоқ оқулықтар;;
— Мағынасыз қойылған кісі есімдері;
— Кекшілдер;
— Болмайтын дүниеге ренжіп қалатындар;
— Нәтижесіз ереуілдер, жалған патриоттылық;
— Қағаз жүзінде қалып, іс жүзетінде орындалмайтын нәрселер;
— «Книжный городтағы» төл туындылардың сиректігі;
— Кафелердегі көк түтін, әсіресе, «Ситидегі»;
— Ішіп алып, өзінің не айтып, не қойғанын білмейтін мастар, перегар.
— «Жұрттың қыздары пысық, бәле, сабағына да жұмысына да үлгереді» деп жақтыртпай сөйлейтіндер