Алыс әрі жақын @KILYZAMAN

Тұрмыс бәрібір сананы билейді. Билемек түгілі, санаңның сахнасына мәңгіге орнығып алып, өмір бойы «Аққулы көлді» ойнап шығады, плисецкаясстың. Ең болмағанда "Өлмелі аққуды" сомдамай кетпейді, VKM -сстың. Ақыры тұрмыс — әдет қалыптастырады. Бір мысал: туған әкесі тауып алғанға дейін жезөкше болған азаматша Д., қалтасында мың-ақ теңге қалғанын көріп, дереу панельге шығып кетіпті. Сонда қауышқан әкесі бар жиған-тергенін осының шотына салып қойғаны тіпті есіне де келмепті, әнасс.
KILYZAMAN -да солай. Өмір бойы елдің ішіндегісін сыртқа тасып, тың тыңдап қалтырап күнелткен адам. Содан ба — тұспалдап сөйлеп, ымдап жеткізу болмысын әбден меңдеген. Ішпиен ең болмаса нанды да ел қатарлы сатып ала алмайды. «Заводской екі бөлке нан» дегенге әбден үйренген сатушы енді:«ас атасын алып бер, жұптап қана салып бер» деген сықылды нақыло-шешено-базынао-мәтел сөзді қорытып тұруға мәжбүр.
Бірақ соншама түсініксіз деп, адам қатарынан шығарып та тастауға болмайды. Әсіресе, белгілі болған соңғы деректерге қарағанда, KILYZAMAN адамзат үшін әлі жоғалмаған сияқты. Айталық, мәліметті тұспалдауы келесі заңдылыққа бағынып отыр:

E = PRMLUL − 1M − 1R − 1P − 1, мұндағы E — бастапқы мәлімет.

Әрине, бұл формуладан көті қарақты криптографтар әлден-ақ «ENIGMA» шифрлеу мәшинесінің жұмыс принципін шырамытып отыр.
Формуланы сынап көру үшін KILYZAMAN — ның кейбір сөздерін дешифрлейік.

Қазақты бүтіндейтін Қыздарымыз: Үш жүзді емес — құдандастық пен майлы желкеге қарай аңдысы мен ындынын аударып: мінезі өр қаны қаныққан-таза ұрпақтарды сол жүздердің арасында топырлатып жіберіп...

= Жүзге-руға бөлінбесек екен

Еркектің тірлігіне араласпаңыздар, дейін десем — Кюри ханымға тарих арнаған Бек пен Рыстарды қайда жіберем?

= Әйелдер де адамдар.

Өмір еркелетпейді — ал сен еркелей біл. Керек емес нәрселер керек жерде мысыңды басып жіберетінін түсінетініңе сенімім мол: Тек нигіңе байланысты нәрсе деп түсінерсің. Райхан — жерәлемнің бәрінде Райхан!!!

= Адам бол.