"Жұлдыз" жауған

Кеше жазам деп едім, бүгін қайталауын көріп, ойларымды бекітіп алып жазуды жөн көрдім.

«Екі жұлдызды» үзбей көріп жүрмін деп айта алмаймын, көруге тырысамын. Кейде жақсы номерлер болады, жалпы ұнайтын тұстары көп. Бірақ кеше болғандай қырғын менің есімде жоқ.
Қазылар дүлдұлдерге «ноль» қойып жатыр!!!
Қазылардың қатысушыларға қоятын талаптары мен қатысушылардың шоуға қоятын талаптары бір жерден шықпауының салдары осындай жаңа шоуға ұласып жатыр.
Бүгінгі жюриде отырған кәсіби әншілер өздерінің кәсіби әншілер байқауына емес, ауыл арасының демалыс күнгі шоуында «төрелік» жасап отырғанын естен шығарғандай.
Ал әншілер шоудың да шоуы бар, Шакираның әнін қалай айтсаң да өзің білесің, ол естір естімесі екіталай, ал қазақтың халық әндерін дұрыс айтуы керек екенін білмей жатқандай.
«Назқоңырдың» эталоны Қайрат Түнтековтің ыңырсыған «орындауы», ал «Балқадишаның» эталоны «Жігіттердің» айтуы болып кеткені қынжылтады. Екеуі де бірі әннің әуенін, екіншісі сөзін, мазмұнын бұрмалаған қате трактовка. Неге «Екі жұлдыздар» сол соңғы орындауларды негізге алған?
Осы ретте, сахнаға Индира мен Мұрат шыққан кезде, "қап, қазір Кешю құсап ыңырситын шығар мыналар да" деп ойлап едім… Жоқ! "Әдемі қыз" қалай айтылуы керек, солай айтылды! Баян Есентаеваның қыздары өздерінің «фирменный» әнін танымай қалатын шығар… Ал олардың қойған көріністері (кімге қалай, өзіме) Матхури Дикшиттің «ААдже начле» фильміндегі «Ләйлі Мәжнүнге» қойған көрінісіне ұқсайды екен))).
жалпы, осы Индира мен Мұрат осы санның сәнін келтірді және лайықты, бәрінен жоғары бағаларын алды. Өзгелерінің бәрі осылай айтса, шоу шоу емес, нағыз мәнді де мағыналы халық әндерінің концертіне ұласар еді!