Неге?

Осы Қазнеттегі блог-тұғырлар мен еркін жүйелер қазақ блоггерлерінің саны күннен күнге өсіп келе жатқанын көрсетеді. Алматыда дүркіретіп тұрып Блогкэмпті де өткізіп жібердік. Бір-екі апта кірмей жүріп, қай сайтты болса да аша қалсаң, жаңа есімдер, жаңа блоггерлерді табасың. Күшті-ақ…
Бірақ, достар, бізде бір кемшілік бар-мыс.
Блогкэмпте тақырыптық блогтар туралы айтылған еді. Осыдан шабыттанды ма, жоқ әлде өзге фактор үйтермеледі ма, бүгінде бір «тема» аясына бағытталған блогтар және блоггерлер бар. Бір өкініштісі сол тақырыптық блоггерлердің арасында саясат туралы айтар сөзі, қосар ойы бар блоггерлерді кездестірмеді. (мүмкін мен білмейтін шығармын ондай азаматты.) Егер бар болса, сілтемесін көрсетсеңіздер)))
Әзірше, біздегі белгілі қазақша жазатын саяси «блоггер» Кәрім Мәсімов. Бірақ ПМ-нің өзі мойындағанындай, ОН.кз және басқа да блог-тұғырлардағы жазбаны, оның өзі емес, көмекшілері дайындайды. Кәрім ағамыз тек Твитерді жақсы меңгергенге ұқсайды.

Ресейдегі блоггерлер үлкен күшке айналып барады ғой. Медведев осы күшті өзі және «Тұтас Ресей» партиясы үшін өте ұтымды пайдаланып, олармен кездесіп те алды. Сол арқылы өз қанжығасына бір + жинап алды.

Бізде неге Үкімет саясаты туралы жазатын блоггер жоқ? Немесе олай болмайды ма-мыс?