САБЫР ТҮБІ САРЫ АЛТЫН немесе Сабырлық сыры

Сабырлық діндегі мақамдардың бірі, дін жолына түскен жандарға берілетін дәрежелердің бірі. Діндегі жалпы мақамдардың барлығы үш негізге сүйенеді: таным, жағдай және амал ету. Әр мақамның анықтамасы ара-жігіп ажыратпай оны айқындай алмаймыз. Әрбір айқындалған мақам жағдайы анықталады. Ал, жағдай амал етуге себі тиеді. Демек, таным бейне бір ағаш, жағдай оның бұтақтары тәрізді. Ал, амал оның жемісі іспетті. Келесі кезекте Аллаһтың жаратқан үш түрдің: періште, адам және жан-жануар арасындағы сабырдың орны қандай? Сабырлық тек адам баласына тән қасиет. Сабырлық жан-жануарда және періштеде жоқ. Жан-жануарда болмау себебі, ол ақылсыз жаратылыс. Ал, періште бойында сабырлықтың болмауы, ол Аллаһтың кемел туындысы. Демек, сабырлық ақылы бар, алайда кемелдікке өз талпынысымен жетуі керек болған жаратылысқа қажет. Ол жаратылыс адамзат.

Иман екі бөліктен құралады: бірі сабырлық, екіншісі шүкіршілік. Сондай-ақ, бұл екеуі Аллаһтың көркем есімі мен сипаттарына жатады. Аллаһ өзін Шакур және Сабур деп құранда көрсеткен. Осы екі ерекше қасиетті білмеу иманның қос қанатын білмегенмен тең. Өйткені бұл қос қасиет бізді Аллаһты тануға жетелейді.
ما يكن من خير فلن أدّخره عنكم, و من يستعففْ يُعفّه اللهُ, و من يستغنِ يغنِه الله, و من يتصبّرْ يصبّرْه الله, و ما
أطعي أحدٌ عطاءً خيراً و أوسعَ من الصبرِ
Мағынасы: «Қолымда тағы бір игілік болса сендерден әсте аямаймаушы едім. Кім сұраудан ұялса, Аллаһ оны жанын пәк етеді. кім қанағатшылық танытса, Аллаһ оны басқаға мұқтаж болудан сақтайды. Кім сабыр етуге ұмтылса, Аллаһ оған сабыр береді. Ешкімге сабырдан артық және мол игілік берілмеген.» Хадис қос имам Бухари мен Муслимде келтірілген.