Еріккендер ойлап тапқан ойлар:Әбіләкімнің ұнататын һәм ұнатпайтындары.

Нұрғиса бауырымыз маған Азиада алауын эстафета таяқшасын ұстатқан екен. Олай болса:
ҰНАЙДЫ: ақсақалдардың салиқалы әңгімесі(әжелердің), жылқы, атқа міну, жайлау, киіз үй, баласын бесікке бөлейтіндер, тазы иттер, ақшалы болса да қарапайым жандар, әдемі пастар мен голдар, тәтті шырындар, алма, қауын-қарбыз, манты(тамақ жағын осымен тоқтатамын), көшеде бала-шағасымен жүрген адамдар, ашық-шашық киінбейтін қыздар, туған-туыстарымның қажетіне жарау, КЕРЕКИНФО, компым(оның әрбір бөлшегі), дәстүрлі әндер, жұмыстан қайтар уақыт, көктем, алтын күз, су астында көзімді ашып жан-жағыма қарау (енді ол арман, құлағымның ауруына байланысты), жылы жаңбыр (ақ жауын, соқыр жауын), жапалақтап жауған қар, жетім балаларға көмек көрсететіндер, сөзінде тұратын адамдар, Әке-шешем, ата-әжем, туған-туыстар, негізі адамның ұнататын нәрселері көп қой

Ұнамайды:CamRip фильмдерді көретіндер және сататындар, ашық-шашық киінетін қыздар, денесіне сурет салғызатындар, сөзінен тайып кететіндер, өз шаруасы бойынша маяк тастайтындар, сағызды шатырлатып шайнайтындар,қызылша, тамақтағы суға піскен пияз(ірі болып туралса), беталды мақтана беретіндер, күшік күйеулер, кабинеттес апайдың дауысы,Қазақстан арналарындағы жаңалықтар топтамасы, арналардағы шоу-бағдарламалар, Жеңісхан деген әншісымақ, көшеде қайыр сұрап жүретін әнебір ұлттың өкілдері, жауыннан соңғы жердің батпағы, ішіп алып әңгіме айтатындар (сыйлау-сыйламау жайлы), күйеуіне елдің көзінше ұрсатын қатындар, мал бауыздау, мал сою, масаның ызылы негізі көп қой тере берсең…