Қазақша КВН-2011

Админнің қолпаштауынан кейін аз да болса көрген білгеннен бөлісейін дедім. )))))))
Қазақша КВН-ге атсалысқандардың қатарынан болғасын, жақында болған (29.09.2011) жартылай финалдық ойындарға шолу жасап көрейін.
Айта кетейін, 2 топқа бөлінген ойынның тек бірінші күнін көрдім, екінші күні баруға мүмкіндік болмай қалды (жалпы ойындарға бармау менің өмірімде сирек кездесетін жайт).
Сонымен, ойынға 4 команда қатысты:
«Назар аудар» Орал
«Барыстар» Ақтау
«Нұр» Астана
«ТарМУ» Тараз

Командалардың ішінде жасы да, тәжіибесі де аздары «Назар аудар» мен «Барыстар» болғанына қарамастан аталған 2 команда ойын нәтижелері бойынша финалға тікелей жолдама алды.
Бұл қалай дегендерге, «Нұр» мен «ТарМУ құрамасы» өздерінің тәжірибелілігіне сеніп, қарсыластарын дұрыс бағалай алмаған деген пікірге келдім. өз ойым.
Командаларға жеке тоқталсақ:
«Нұр» — Еуразия ұлттық университетінің атынан шыққан бұл команда орысша жіне қазақша КВН-ді қатар алып жүретіндігімен құнды команда болып саналады. Ойындарында орысша стиль басымдау келеді, кей әзілдеріне қазақша колоритті қосуы сәтті шығып жатады. Бұл ойынға түбегейлі жаңа әзілдерін шығармай, бұрынғы ойындарда сәтті шыққан «Әлемнің әртүрлі тілдерінде сөйлеу», геосаясатты студенттер жатақханасына (қонақ үй, вечеринка) проекциялау секілді ұтымды тақырыптарына жаңа вариация жасаумен шектелген.
«ТарМУ құрамасы» — Тараздағы атышулы Армани (Арман Жаналиев) бастаған команда түрлі деңгейдегі кубоктар мен сыйлықтардың иегері атанып үлгерген тәжірибелі команда да беделдері мен танымалдылықтарына сүйеніп келгендей ой қалдырды. Сценарийлері мен әзілдерінің аяқталмағаны (добивка жоқ опшым) көңілге кірбің ұялатқандай болды қысқасы.
«Барыстар» — Ақтаулық жас команда әр ойын сайын таза ақтаулық қолтаңбаларымен жергілікті көрерменнің қызығушылығына дендеп келе жатқаны байқалады. Айта кету керек, классикалық КВН-нің тұрақты жақтасы ретінде сөз түрлендіруде көп тапқырлықты қажет ететін «Биатлон» (қазақшасын «жамбы ату» деп жүрміз) сайысында барлық командаларды жеңіп шыққаны өз тарапымнан командаға деген құрметімді арттыра түсті. («қалыңмалы аз қыздар вокзал жақта», «Менің атам соғыста бәрін қырған, содан бері атама сақал да, мұрт та ештеңе шықпайды» сынды әзілдері биатлондағы әсерлі (КВНшілердің сленгімен айтқанда «болттары») әзілдер болды). СТЭМ сайысында «Барыстар» ауылдағы тойға дайындық барысындағы болатын қарапайым ситуацияларды жақсы проекциялай білді. («Біздің үйдің табағы, сенбесең астын қара, қызыл лакпен «САРА» деп жазылған», «Қазандағы бастың піскенін анықтау белгілері»).
«Назар аудар» — Оралдық команда көрерменнің ықыласы бойынша да, әділқазылардың пікірі бойынша да өзіне назар аудартар атына заты сай команда деп танылды. Сонымен қатар, Оралдан шыққан командаларға тән ортақ қасиет команда ән айтуда сапалы вокалдарымен ерекшеленді. Ойындарының басты ерекшелігі қарапайым өмірден алынған ситуацияларды көрсете отырып, мемлекеттік деңгейдегі келеңсіздіктерді сол ситуацияларға ұштастыра білулері болды деп бағаладым. Ойын қорытындысы бойынша осы команданың ойыншысы Ақболаттың (өкінішке орай фамилиясын білмедім) бірауыздан «ең үздік ойыншы» деп танылғаны да команданың ұзаққа баратын потенциалынан хабар бергендей.
Қысқаша алғанда ойыннан алған әсерім осындай болды.

Пы.Сы. Ойын өтіп кеткеніне біраз болса да, қазір жазып жүргенім үшін осындағы үрдіспен «кечроң» деп қояйын. Алдағы уақытта көңілдеріңе ұнап жатса, қазақша КВН ойындарынан осындай жазбалар жазып тұруға дайынмын деген ниетім бар.