Қазақстан қашаннан туризм державасы еді?

“Халық сөзі” газетіндегі қызық бір блок байқадым “Қызық дерек” деген. Соған сенсек өткен жылы елімізге келген шетелдік турист саны 16,6 млн екен.

Халық сөзі бұл санды қайдан алды екен деп іздестіріп қайттым. Сөйтсем Статистика агенттігінің мәліметі сондай екен. Бірақ ол жерде егер дұрыстап оқитын болсаңыз былай делінген:

в том числе количество нерезидентов – 4,7 млн. человек и резидентов – 11,9 млн. человек

Яғни, елімізге сырттан келген шетелдіктер саны 4,7 млн.

Туристы путешествовали с деловыми и профессиональными целями (56,9% от общего количества туристов), с целью отдыха (36,6%), с целью посещения знакомых и родственников (3,2%), по коммерческим целям (шоп-туры – 1,9%), с целью лечения, паломничества и прочим целям (1,3%).

Ал мына жерде демалуға келгендер саны 36,6 пайыз делінген. Бірақ, бұл жерде бұл сан шетелдіктер мен өз азаматтарымызды қосып саналған.

Туризм дегенде ойымызға келетін алғашқы елдердің бірі – Түркия. Түркияға 2010 жылы қанша турист келді екен? Қарап көрейікші. 26 млн шетелдік турист келген екен Қаңтар – Қазан айларында. Бұлардың 1,5 миллионы 1 күнге келген адамдар. Бізге келген 16,6 миллионның нешеуі 1 күндік сапармен келгені көрсетілмеген.

Өтініш: құрметті журналистер, мұндай үлкен сандарды жазбастан бұрын кішкене болса да уақыт құртып іздестіріп алсаңдар екен. Әйтпесе көрген жұрт бізді туризм державасы екен деп қалар.