Екі цент

Бірер уақыт болды. Қазақ-американ археологиялық экспедициясында жұмыс істеген болатынбыз.
Бірнеше американдық болды, шетінен профессорлар, арасында Брюс Брэдли деген сырттан бар-ды, нағыз ковбой (ковбой отбасында туған  ), тілі өткір, қаһар… приколына ұшыраған адамдарға берген мінездемесі ел арасына тарап кетті.


Ермек деген жігіт универде неміс тілін оқыса да, әмрікандықтар мен ағылшынша сөйлесуге тырысып бақты, қалай айту керек екенін аудармашыдан сұрап алады. Әбден мезі болған тілмаш келесі сұрағына "«Im stupid» деп айт",- депті. Ермек Брюске жаңағыны айтты (көзімізше), Шал көзілдірігін асықпай сүртті, Ермекке жайымен қарады да, таза орыс тілінде: «Я знаю»,- дегенде күлкіден құлағаным бар.
Жұмыс басынан екі жұма өткен соң бір американдық жас әйел (қыз деуге келмейді, комплекс деген атымен жоқ) келді. «Крейзи гёрла» дейтінбіз, жастарды хат танытқандай американ боқ сөздеріне үйрету, былапыт сөйлеу, ашық-шашық жүру әдеті еді. Сол Дженифер қазба басында отырып, жар салды: «Уа, жамағат кім екі доллар берсе соған күнтимесімді көрсетем»,-деп… Сонда Брюс шал: "Қарағым-ай, сен екі цент те тұрмайсың ғой",-деп еді…