Алматыда журналистер мен блогерларға арналған Media Open Air өтеді.

Алматылық блогшылар мен журналистерге арналған хабарландыру оқып, өздеріңмен бөлісуді жөн көрдім.

Осы сенбі күні, яғни қыркүйектің 24-інде масс-медиа мен бизнес өкілдеріне арналған ойын-сауық шарасы өтеді. Шара Media Open Air'11 дейтін жаңа ақпараттық маусымның басталуына орай ұйымдастырылып отыр дейді. Басы-қасында жүргендер «Ренессанс» PR-агенттігі екен.

Күні ұзаққа созылатын шара кезінде табиғат аясында түрлі ойындар ойнауға болады, байқауларға қатысуға болады немесе түскі асқа тойып алып қыдырамын десеңіз де Өзіңіз білесіз 

Әрі жаңа таныстар табуға да мүмкіндік туып тұр екен.

Ұйымдастырушылар шараға белді қоғамдық-саяси және іскери басылымдардың журналистері, танымал блогерларды, жаңа медиада жүрген жандарды және "Қазбанкрот", «Тетра Пак», «Procter&Gamble» компанияларының өкілдерін шақырып отырмыз дейді.

Журналистердің жиналатын уақыты: 24 қыркүйек 2011 ж. 10:00

Журналистердің жиналатын жері: Достық д-лы, Құрманғазы к-сінің қиылысы («Ри-о-Ри» дүкенінің жаны)

Шараның өтетін жері: орман шаруашылығының далашығы (Медеу шатқалындағы экобекеттен жоғары)

Шараның өту уақыты: 10.30 — 17.00

Media Open Air’11-ға қатысамын десеңіз жұма күнгі (23 қыркүйек) сағат 12.00-ден қалмай келесі адамға хабарлаңыз: Анна Грибанова, PR-жобалардың менеджері +7 (727) 267 78 38, +7 777 369 32 62, a.gribanova@rns.kz

Менің бару-бармауым белгісіз болып тұр. Сенбі күні қолы бос блогшылар, журналистер жиналып барып қайтсаңыздар болады.