Төрт боксшымыз - финалда!

Бүгінгі күн өзі жағымды жаңалықтарға толы болып жатыр. Лайым осылай жалғаса берсін деп тілейік.
Оңтүстік Кореядағы Инчхон қаласында болып жатқан Азия чемпионатында жартылай финалға шыққан бес боксшымыздың төртеуі финалға жолдама алды. Атап айтқанда:
52 кг салмақта Ілияс Сүлейменов филиппиндік Рей Салударды 30:17 есебімен талқандап тастапты. Финалдағы қарсыласы — қытай Йоң Чаң.
60 кг салмақта Айдар Әмірзақов қырғызстандық Абдилай Анарбайұлын (почти фамилияласым екен ) ұтқан. Есеп — 12:8. Мұның да финалдағы қарсыласы — қытайлық Лю Чиаң.
Рустам Сваев 69 кг салмақта өзбекстандық Нодирбек Қосимовты 38:34 есебімен жеңіпті. Ол да финалда қытайдың Шыңжаң өлкесінен шыққан Maimaiti Tuersunqiong (Мәмет Турсунжан? Ұлты тошна қытай емес: не ұйғыр, не қазақ) деген боксшымен кездеседі. (Лібә, не боп кетті өзі. Қарсыластардың барлығы дерлік қытайлықтар )
81 кг салмақтағы боксшымыз Арман Рысбектің жолы болмапты. 16:17 есебімен қытай боксшысы Мең Фанлоңнан ұтылып қалған. Енді тым болмаса қола бұйырса екен.
Ең риза болғаным — Досжан Оспанов қытайдың аса ауыр салмақтағы мықты боксшысы Жаң Жилейді ұтып кетіпті. Есеп — 16:15. Финалда ирандық Абдулмажид Сепахвандимен кездеседі.
Не ғой, бұл чемпионатқа еліміздің екінші құрамасы қатысып отыр дейді. Басты құрама басқа бір жарысқа дайындалып отырғанға ұқсайды.
Жігіттерге финалда сәттілік! Сәттілік өте қажет-ақ.

***

Дерек көздері: aiba.org және naringe.kz сайттары.
Сурет knews.kz сайтынан алынған. Болып жатқан жарысқа еш қатысы жоқ.