Сидни Шелдон


АҚШ жазушысы Сидни Шелдон 11 ақпан 1917 жылы Чикагода дүниеге келген. 30 қаңтар 2007 жылы 89 жасында қайтыс болған. Шын аты-жөні – Сидней Шехтель. Прозаик, сценарист. 1937-2007 жылдар аралығында үздіксіз шығармашылықпен айналысқан. Криминалдық драмалар, детективтер, махаббат туралы романдар жазған. 1947 жылы «Оскар» жүлдесін алған.
Екінші дүниежүзілік соғыста авиацияда қызмет етіпті. 1941 жылы азаматтық өмірге оралып, мюзиклдар жаза бастапты. MGM пен Paramount Pictures студиясына сценарийлер жазған. 1970 жылғы романы Эдгар По атындағы премияны ұтып алады. Романдары 56 тілге аударылып, 300 миллионнан астам таралыммен жүздеген елдерге тараған. Оның сценарийлері бойынша 25 шақты фильм түсірілген. Жазушыны «бестселлер» деп атайды екен.
Былтыр осы жазушының «Таңертең, күндіз, түн» атты 1996 жылы жазған романы қолыма кездейсоқ түскен. Шыны керек, Агата Кристидің бір ғана кітабынан басқа детектив оқымаған басым, Шелдонның аталмыш романынан бас ала алмай қалдым. Қысқасы, романды бір темппен үзбей оқып шықтым.
Бүгін «Керекке» кіріп қалсам Нұржанбай америкалық Теодор Драйзерді ұсынған екен. Осы моментті пайдаланып, мен де Сидни Шелдонның қай шығармасын оқысаңыз да өкінбейсіз дегім келеді. «Утро, день, ночь...» романында Гарри Стэнфорд атты мультимиллионердің өз балаларынан аяған байлығы өзіне де, өзгеге де бұйырмай, ақыры ит өліммен өлгені, өлгенде де кімнің қолынан ажал құшатыны туралы жазылған. Тағы не болатыны туралы айтсам қызық болмай қалар. Одан да өзіңіз оқып алсаңыз, күшті болар еді.
Айтпақшы, Сидни супер жазушы ма, классик па оны білмейді екем. Так что, қоқысқа кете ме, кетпей ме, оны да білмеймін. Бірақ, жазғандары шытырман, тілі орамды, оқырманды өзінен кетірмейтін қасиеті бар.

himanshublogging.blogspot.com/2009/04/sidney-sheldon-tribute.html — сурет мына бір үндіс баланың блогынан алынды.
Бөлісу:

10 пікір

TERISKEY
1970 жылғы романы Эдгар По атындағы премияны ұтып алады. — романның аты жоқ па?
Zhan
Сорвать маску / The Naked Face (1970) — «Бетпердені жұлу»
TERISKEY
аты айқайлап тұркен. Рақымет, оқып шығу кереккен.
meirzhan
Маскасыз бет емес пе. naked — деген жалаңаш қой.
VKM
Мен бірталай кітабын оқыдым.Ұнайды!
Gulistan
мен де Теодор Драйзер жайлы постты оқып отырып, осы Сидни Шелдонды ойлап қойып ем. Басында оны әйел адам шығар дегем, себебі әйелдердің психологиясын масқара суреттейді ғой,жақсы меңгерген, махаббатқа толы романдары көөөп
Пікір түзетілген: 11 тамыз 2011, 12:28
VKM
«Если наступит завтра»-ең күштісі!
meirzhan
Мен суретке қарамасам, оны әйел адам деп ойлаушы едім. Есімі сондай.
Егер Сидни Қазақстанда туса шымкенттік "әйел денсаулығы" газетіне жазып тұрушы еді.
asaubota
студент кезімде бірнеше романын оқыдым. осының бір шығармасын бір орыс типа жазушы плагиат істеген. тек кейіпкердің атын өзгерткен, оқиғалар бірдей.