Қазаққа керек емессің... (тек қана жарыңа, бала шағаң болса соларға ғана керексің.)

Жан бауырым түсін мейлі түсінбе
Жетпейді білем, түсіндіруге күшім де
Бірақ білгін, сөйлегеніңде орысша
Алай дүлей соғыс болады ішімде.
Неге орысша сөйлейсің сен? Түсіндір.
Жан емес ең сыртыңмен қоса ішің кір.
Өз тіліңді қадір тұтпай жан досым
Болып кетті шала-пұла ісің кір.

Елбасымыз үйретуде бастаманы
Ұлтты сүю — тіл сүюден басталады.
Қазақ пен қазақ қазақша ғана сөйлессін
Әйтпесе достар көп көздерден жас тамады.

Жетпіс жыл бойы ата дінді таптаған
Ұлтжандыларды атып тастап қақтаған.
Салтыңменен дүстүріңді құртқанды
Кейіптесің тілінде сөйлеп мақтаған.

Жүректегі имамдарды жықтырған
Ленинді Құдай дегізіп ұқтырған
Дінім деген, елім деген жандарды
Күш көрсетіп, қаруменен бұқтырған
Орыстардың тілінде сен сөйлесең
Құраныңды жертөлеге тықтырған
Спид, рак, туберкулездерден де
Сенің ауруың қауіптірек жұқтырған.

Басып айтам. Біліп жүргін. Тілің ауру
Тілің ауры болған соң ділің ауру.
Бір нәрсені ұмытпағын бауырым,
Ділің ауру демек сенің дінің ауру.

Бұл сөзімнен соң мейлі
досым демессің,
Менің де жүрегім өзіңменен егессін
Білгін бірақ, шұбар тілді замандас
Маған түгіл, қазаққа да керек емессің.

Қазақ халқының тарихында, қазаққа қазақша үйрету, қазақпен қазақ қазақша сөйлессін деген ұран бұрын соңды болмаған еді. Себебі барлығы да ұлттың ұлт болып қалуы үшін тілдің орасан зор маңызы бар екенін білген. Қазақ үшін қабырғасы қайысқан Ахмет атам (атам дегенімнің себебі менің де сүйегім Арғын) Байтұрсынұлы: «Сөзі жоғалған жұрттың өзі де жоғалады» — деп бекер айтпаса керек. Бүгінгі таңда қазақ халқының жоғалуын қалап, құрып кетуін аңсап(айтпаса да ішкі ниеті бар) қазақ тілін менсінбейтін жастар пайда болды. Шұбар жыландай тілдері шұбарланып, қазақ тілінің қоры жетпей қалғандай сөздеріне орысша қосатын замандастар өте көп. Тілдерінен қазақтың сөзін қырқып алғандай екі қазақ жасы өздерін дамыған самақтарға санап орысша көпіреді. Тілін құрметтемейтін жас, дінін құрметтемейді, дінін құрметтемегеннің жүрегінде отанына деген махаббат болмайды. Ал, отанына махаббаты жоқтың, халықты сүюі екі талай. Ал халқын сүймейтін адам міндетті түрде сал дәстүрді менсінбейді. Демек қазақтың қазақша сөйлеуі ұлттың сақталуы. Болашаққа иманды болып бапталуы.

Алдаспанның жарқылы!!!
Бөлісу:

10 пікір

meirzhan
Бұл постты оқыса екен сол "қазақтар".
Жалпы ойыңызды қолдаймын. Дегенмен де мына сөздер қазіргі уақытқа сәйкес келмейтіндей көрінді:
Бүгінгі таңда қазақ халқының жоғалуын қалап, құрып кетуін аңсап(айтпаса да ішкі ниеті бар) қазақ тілін менсінбейтін жастар пайда болды.
Олар бүгін ғана пайда болған жоқ. Бұрыннан бар. Және де олар "қазақ халқының жоғалуын қаламайды, құрып кетуін аңсамайды". Тек алған тәрбиелеріне сәйкес әрекет етеді. Ал әрекеттері шынымен ұлтты құртуға бағытталған. Бірақ бұлар оны сезінбейді, саналары жетпейді. Саналары ептеп жетсе де, тіл үйренгісі келмей, еріншектік, немқұрайлық танытады. Олар кеңестік үкімет саясатының, кейіннен жаһанданудың құрбандары болып жүргендер. Саналары уланған. (өзімнің санам кристаллдай таза болғандай сөйледім-ау).
Және де ұлтты құртуға қазақ тілін білетін жастар да үлес қосуы мүмкін. Мәселен, арақ ішу, темекі, нашақорлық, парақорлық, түрлі жаман қылықтар. Бұлар да ұлтты құртуға бағытталған іс-әрекеттер. Ал бұларды қазақ тілді жастар істемейді деп айта алмаймыз. «Сөзі жоғалған жұрттың, өзі де жоғалады» деген сөзді әсірелеп түсінудің қажеті жоқ. Себебі ұлттың жоғалмауы тек тілде тұрған жоқ, денсаулық мәселесі де бұған кіреді.

Қазақ халқының тарихында, қазаққа қазақша үйрету, қазақпен қазақ қазақша сөйлессін деген ұран бұрын соңды болмаған еді.
депсіз.
Қазақ егер бағзы заманда ұлтсыздану саясатымен кездеспесе, жаһандануды бастан кешірмесе "қазаққа қазақша үйрету, қазақпен қазақ қазақша сөйлессін деген ұран" қайдан болсын.
Бәлкім, қазақ халқының өзі болмаса да, арғы ата-бабалар (ғұндар, үйсіндер, қыпшақтар т.б.) мұндай проблемелар болған шығар. Осындай ұрандар да болған шығар.
Gastarbaiter
қызық әңгіме екен, бауырым!
kokbori
Осы дұрыс, Орхон Енесей жазбаларында жастарымыз қытайға еліктеп барады, қытайшыл болып барады деп зар қаққан ата бабаларымыз деген еді бір ақбас ұстазымыз
VKM
Түзеліп келеді,қазір кішкене балалардың 70-80 пайызы қазақша мектепте оқиды… Ал біз сиқты орысша оқығандар, біраз нашарлау сөйлейді. Көш бара түзеледі дегендей.Шалақазақтар туралы тақырып, ренжімесеңіз, түк қызық емес(
Beytanis
Арманы атамның бірлік,
Бірлікпен бітер бар тірлік!
nurbolsaparbai
аға-әпше,іні-қарындас қазақ-тілді котерейк
Simona
аға-әпше,іні-қарындас
 Шымкент?
asaubota
тілді дамытудың ең қарапайым әдісі: өзіңнен бастау. ал мындай мұң жазбалардан еш пайда жоқ.
Marationok
Ареке, жақсы айтылған
Gulzhanat
Шұбар тілді болса да қазағын қазақ тілділерден кем сүймейтін көп адамдарды білемін. Олардың кейбіреуі қазақ үшін азғантай ғана жалақыға тау-тасты, шөл даланы кезіп еңбек етіп жүр.Олар қазаққа керек, ағасы, еш уайымдамаңыз