Мен- сенің қорғансызыңмын



Орындаушы: Мақпал Құлшынбаева

1. Тамшы жас үзсем
Тамшы жыр алғайтұғынмын.
Аппақ түсімде
Білгем бір алдайтынын.
Менің көзіме
Білмеймін не істесем екен.
Сенің көзіңді
Көрмесе тұра алмайтұғын.

2. Аптықпа сезім
Тоссаң да алдан құзың мың.
Алдыңда сенің
Келмейді жалған сызылғым.
Сағынып бекер
Қайтесің сабылып бекер.
Ешкімің де емес
Мен-сенің қорғансызыңмын.
Сен жаққан оттан
Қорғана алмай қорыққан.
Ешкімің де емес
Мен-сенің қорғансызыңмын.
Бөлісу:

30 пікір

TERISKEI
Осы әнге кәдімгідей балқып жүрмін че! Сұмдық қой, сұмдық!!!
sammita
маған да күшті ұнайды, бергеніңе рақмет:)
TERISKEI
Әнді орындайтын қыз Мақпал Құлшынбаева. Кезінде «Шаншар» әзіл-оспақ театрында әншілік қызмет атқарған. Өзі де өнерлі отбасыдан, ағасы — Нұржан Құлшынбаев қазір та «Шаншардың» жұлдыздарының бірі.
Erkekyz
Не найден дейді(.
Abilakim
сілтемесін студияға
sammita
енді ашылды ма?
Abilakim
ашылып тұр, жүктегіміз кеп отыр
sammita
:))))))))))))))) мен әуреленіп өшіріп қайта жүктеп отырсам:)))
үйреніп ал, мынаның үстінен екі рет шертіп жіберсең, киви кз бетте ашылады. Скачать-Жүктеу деген сөз:))))
Abilakim
кивиге жүктеген соң мында тексеріп бірақ сал, әйтпесе осындай әурешілігі көп
Altygradus
түсіріп алатын жер бар ма?
Nurgisa
Тамшы жас үзсем
Тамшы жыр алғайтұғынмын.
Аппақ түсімде
Білген бір алдайтынын.

Екінші қатардағы «алғайтұғынмын» деген жерін бір пысықтап алудың артықтығы жоқ сияқты. Сосын, «Білгем бір алдайтынын» деп айту дұрысырақ па деймін.
sammita
солай жазып ем, бірақ басқаша айтылатын сияқты. Онша ұқпағанымды мойындаудың еш сөлекеттілігі жоқ. Ал естиалмаушылық қасиетім жоқ еді:)))
Nurgisa
Бірінші қатарын "Қамшы жас үзсе" деп естіп отырмын, негізі…
Begim
ДҰРЫСЫ — «АППАҚ ТҮСТІҢ ДЕ БІЛГЕМ БІР АЛДАЙТҰҒЫНЫН».
satibaldi
Мен-сенің қорғансызыңмын
Шешесс…
AKA
Менің көзіме
Білмеймін не істесем екен.
Сенің көзіңді
Көрмесе тұра алмайтұғын.
Күштііі, маған да алғаш тыңдағаннан ұнап қалған өлең!!!
Aizhantabyn
сөздері тамаша, әуені онша емес, даусы да ұнамады. Нәзіктік жетпей тұр даусына…
Aizhantabyn
екінші шумақта:
аптықпа сезім
Тосса да алдан құсыңмын дей ме, бір нәрсе сондай…
sammita
иә, Тосса да адал құсыңмын сияқты.
Begim
БҰЛ ӘННІҢ СӨЗІН ЖАЗҒАН — ГҮЛНАР САЛЫҚБАЙ!
Begim
СОСЫН «АПТЫҚПА СЕЗІМ ТОССА ДА АЛДАН ҚҰЗЫН МЫҢ» БОЛУҒА ТИІС!
Пікір түзетілген: 9 маусым 2011, 22:40
sammita
үш сөйлемді бір пікірмен-ақ білдіруге болатын еді. Екпіндемей жазамыз біз пікірді, ескеріп қой. Гүлнәрдің автор екенін қай жерден көруге болады? Мен тапқан деректерде Ақмарал деп жазылған, бәлкім шынымен қате болар.
Begim
Саммита ханым, бұйрығыңыз өзіңізге! Қалай жазсам да өз еркім, сіз секілді «аса» ақылды емеспін.
P.S. Гүлнардың өлеңі екенін менің алдымда жатқан оның «Бір жұтым ауа, қызыл күн» атты кітабының ішінен көріп отырғаныммен дәлелдей аламын.
sammita
пікірің атыңды ауыстырып келмей-ақ жазсаң да қабылданар еді. Рақмет.
Begim
Түсінбедім. Мені біреумен шатыстырып отырсаңыз, қателесесіз. Бірінші рет тіркеліп отырмын, Алла куә. Сізбен салғыласу ойымда жоқ, тек өзім білетін жерлерімді түзеп жіберейін дегем. Жалпы, әйел баласына осынша түртпектеп (екпіндеп отырғанын өзі түсінбей, басқа біреудікін көтере алмай), әр нәрседен күдік іздеп пікір жазудың керегі не?!
sammita
кеше жинақты көрдім. Леубаеваның "Қорғансыз" деген өлеңі.
Lyaila
Жаксы әуен! Аранжировкасы да тәп-тәуір шыққан!
Әншінің қоңыр үні жанды ерекше күйге бөлейді екен (әсіресе, осы сәттегідей даладан жылы жаңбыр себелеп тұрған кезде...)
Nurgisa
Ақмарал апай сұмдық қой. Аралас-құралас болдық, жанындағы іні-қарындастарын жақсы ұштай білетін азамат. Тағдыры да оңай емес, әйткенмен. Әр кәлләдә — бір қиял, бірер тауқымет, бірер трагедия…
sammita
мен видеосын көрдім мына әннің, Ақмарал авторы деп тұрды. Бегім дәл соны ғана айту үшін тіркелгендей жазыпты да. Қалайша қате кеткен деп ойлап жүргем, кеше жинақты көрдім. Авторы Ақмарал екен.
Nurgisa
Ақмарал апай негізі өзі жазған шығар деп жобалап отырмын. "Қуанышым қазынамда" да өзі емес пе еді әннің де, сөздің де авторы…