"Мінбер". Табиғат. Блог


«Мінбердің» жаңа медиаға қатысты Алматыдағы тренингі аяқталды. Екі күн өте тез өте шықты. Қатысушылардың дені «Екі күн аздық етеді» дейді. Шынымен де солай. Мультимедиалық өнім әзірлеуге лайықталған мұндай тренингтер кем дегенде бес күндік болуы керек. Алдағы уақытта енді бес күндік етіп, созу жағын ойластырмақпыз.

leftТренинге қатысқандардың дені журналистер. Солардың бірі — Табиғат Абаилдаевты (БЛОГЫ) блогосферадағылар жақсы танитын болар деп ойлаймын. Бірнеше блогта өлеңдері жарияланғанын байқағанмын.
Табиғат Абаилдаевпен шағын сұхбат by urimtal

Жас ақынға блог шығармашылығын әрі қарай дамытуға себепші болады деген үміттемін.

Пысы. Тренингтің екінші күнінің соңында қатысушылармен бірге "Қазақфильм" киностудиасында «Жерұйық» фильмін тамашаладық. "Қазақфильм" ұжымы Алматыдағы қазақ блогшылары мен біздің тренингке қатысушыларға арнап арнайы көрсетілімін ұйымдастырып берді. Әзірге «Жерұйық» фильмі кинотеатрларда көрсетілмеген екен. Фильмнен бұрын жеткізгісі келген ойлары, ниеттері ұнады.
Бөлісу:

13 пікір

timurrr
Мадиссс! Біздің құрдас дипломат қой! Мен құсап «Бірден айтайын, фильм ұнамады!» деп картаны ашып тастамайды. «Фильмнен бұрын жеткізгісі келген ойлары, ниеттері ұнады» дейді:)))
VKM
Есіме түсті осы ақын жігіт)
Жалындап тұрып-ақ жанары,
Булығып, ішінен жылайды.
Алмадай домалақ анары,
Әлі де ұнайды, ұнайды.

Мақтадай мап-мамық еріні,
Дәмі – бал, сүйгенде еріген…
Ол бүгін бір үйдің келіні,
Біреуді бағына теліген.

Жұп-жұмыр, шыбықтай белінен,
Ең алғаш мен бейбақ құшқанмын.
«Сүйемін» деп айтып «сені мен!»
Ал бүгін «ойыннан» тыс қалдым.

Уақыт не деген ақымақ?
Ол қыздың әлі де жаны – гүл.
Өзгенің қойнында жатып-ақ,
Ол мені сүйеді бәрібір!
Aizhantabyn
уақыт па ақымақ, жігіт пе ақымақ, әлде күйеуі ме ақымақ, қыз ба ақымақ? что то не то)))
Beytanis
бәрі ақымақ десем қалай болады?!
Aizhantabyn
онда ақымақ деген ифекция!
talgatjez
Жөн екен! Өлеңдері танымал болсын деген тілекпен…
TOTY
Бұрын «Мәссағанда» оқығанмын өлеңдерін осы жігіттің.