Маусым айында көрсетілетін отандық екі фильм

Қазақстандық кинотеатрлар маусым айында “Қазақфильм” түсірген екі кинофильмді көрсетеді.



Сламбек Тәуекелдің “Жерұйық” драмасы 2 маусымнан бастап көрсетіледі. Фильмде Қазақстан халықтарының достығы сипатталады, өткен ғасырдың 30-жылдарынан соң орын алған жұт кезіндегі елдің жағдайы суреттеледі.

Туындының сипаттамасында “Бұл фильм – қазақстандық кәрістер, түріктер, шешендер, күрдтер және өзге ұлт өкілдерінің қиын-қыстау кезеңде, өздерінің қайғы-қасіреттеріне қарамастан, құшақ жая қарсы алған қазақ халқына деген алғысы” деп көрсетілген.

“Жерұйық” фильміне Болат Әбділманов, Назгүл Қарабалин, Сергей Попов, Бағлан Әбдіраимов, Тамара Қосубаева, Алтынай Нөгербек, Меңтай Өтепбергенов, Алексей Шемес секілді актерлар түскен.



Жас режиссерлар Тимур Қасымжанов пен Төлеген Байтөкенов түсірген “СуперБаха” фильмі де осы жазда (25 мамыр делініп отыр) ел назарына ұсынылады. Басты рөлдерде Санжар Байымбетов, Төлепберген Байсақалов және Ерболат Төлегенов ойнайды. Туындыда бас кейіпкерлердің адам сенгісіз қасиеттер бере алатын эликсир ойлап тапқаны суреттеледі. “СуперБаханың” жанры “комедиялық комикс” деп жарияланды.

Бұдан өзге осы жылы “Қазақфильм” оннан астам туындыны елге таныстырамыз деп отыр. Олардың арасында Әмір Қарақұловтың “Адам сенгісіз махаббаты”, Егор Кончаловскийдің “А-ға оралу”, “Тоқтар Қарсақбаевтың “Әткеншек” мелодрамасы бар.

Ақпарат көзі
Бөлісу:

14 пікір

patick
«Жерұйық»-тың трейлері ұнап қалды. Көрерміз.
qisyq
Сол баяғы бір ізге салып, қыртып кетпесе болар еді…
sammita
ооо, рахмет. Алтынай Нөгербекті кинодан көретін болдық енді. Баха фильмі былтыр басталды-ау түсірілімі, кастингі есімде. Рабочий атауы Баха мен Таха еді.
(Қарабалина дей салшы)
Айтпақшы СуперБаханың режиссері Ахат Ибраев сияқты еді…
qisyq
Түзедім, түсіп қалыпты ғой «а»-сы.
omarbirat
«Жерұйықтың» тақырыбы типі «Сталинге сыйлық» сияқты ма? «Сталинге сыйлықты» көрген жоқпын, бірақ :))
patick
Сталинге сыйлық күшті фильм. Менің жеке коллекциямның ТОР-на кіреді.
qisyq
Соны бір отырып қарау керек. Әйтпесе, дұрыс түсінбедім…
satibaldi
Рақмет бауырым, керемет пост екен. Ұрпақты отандық фильммен тәрбиелеу керек қой. Әйтпесе американ, итальян, ресей, француз, неміс, әсіресе неміс фильмдерінен не өнеге, не тәлім? Осындай посттар көп болса екен шіркін!
qisyq
Алда, Құдай-ай… Сіздің ел киносына деген ақ пейіліңіз менің бүгінгі тасжүрек заманнан қарайған жүрегім езіліп, елжіреп кете барды-ақ…
Енді болмағанда арқа сүйейтін аға қалмады-ау деп түңілейін деп тұрғанда, жарық күндей жарқ ете қалған өзің болдың ғой…
Gastarbaiter
неміс, әсіресе неміс фильмдерінен не өнеге, не тәлім
Мына сөйлем бөлігі болмағанда, Сатыбалдыны танымай қалар едім:)
patick
енді байқадым, лібә :)
konvict
Күдік, күдік мені жегідей жеп барады…
izbasar
Қазақстан халықтарының достығы сипатталады, өткен ғасырдың 30-жылдарынан соң орын алған жұт кезіндегі елдің жағдайы суреттеледі.
— Осы дос болып жүрген қаншама келімсектер қазақтың жері мен малын тартып алғандықтан ашытққа ұшырамадықпа?
asaubota
міне, міне сол ғой біздің ашық айтуға қорқып отырғанымыз!