Эстафета: Спагетти болонез (Ет соусы)

Asaubota бастаған СМАК эстафетасының жалғасы.
Спагетти болонезі

Әріптесім үйретті. Бір рет вахтада, бір рет үйде жасағанмын. Бірақ үйде кухняда Альмира бастық.


Уақыттарын, граммдарын дәлме дәл білмеймін, біздікі на глаз.
Кастрөлге:

200 грам томат пастасы.
Жарты кило сиырдың фаршы
Екі-үш үлкен қасық кетчуп,
Сосын
4-5 сәбіз
Екі-үш бас пияз
(Төрт-Бес түйір сарымсақ)
Барлығын майдалап турап саламыз.

Сөйтіп үстіне 300 грам суық су құйып қақпағын ашып, төмен отқа қойып қайнатамыз.
Фарш үлкен түйнек боп ұйып қалмас үшін, оны ажыратып, қасықпен ара-тұра араластырып тұрамыз. Су буланған соң, қоймалжың қызыл (томаттан) масса болады. Сол қою қызыл соустың ішінде ет әбден қайнап піскенше араластырып, құрғап, асты жабысып қалуға сәл қалғанда отты өшіріп, қақпағын жауып қоямыз. Тұзды керегіңше саласың.

Ет соустың ішінде пісіп жатқанда, Басқа кастрөлге өзіңе керек мөлшерде вермишель, лапша қайнатып аласың.

Екеу де дайын болғанда, тайпақ тарелкеге вермишель салып, үстіне соусқа піскен етті сала қоясың. Болонез дайын.
Қажет болса үстіне суреттегідей сырды майдалап турап жіберсең болады.
Чикушкамен берген дұрыс ©
Келесі кезекті Satibaldi- ға бергім келеді.