"Қазақстан президенті әйелдердің хиджаб киюіне қарсы" дейді...
Қайрааан БАҚ, МАСС МЕДИА или СМИОқып, көріп, жылап ал, кейде жыми. (Жылқышы Өзбек 2011 жыл)
Бүгін Азаттық радиосы, Платон, Nur, Маса, Абай атты ақпараттық сайттары "Қазақстан президенті әйелдердің хиджаб киюіне қарсы" деген тақырыпта бірнеше мақалалар жариялады. Оқығыларыңыз келсе сілтеме мынау.
Осы мақаланы оқып түйгенім, көптеген БАҚ өкілдері, оқу орындары Нұрағаның осы айтқанын негізге ала отырып өз шеңберінде хиджабты шешкізу операциясын бастап жіберетін сияқты болды.
Осы орайда мынаны айтқым келеді. Нұрсұлтан Назарбаев жай ғана өз көзқарасын айтты. Қайталап айтам, жай ғана өз көзқарасын айтты (Әр адамның кейбір нәрселерге өз көзқарасы болатыны табиғи жағдай ғой). Заңға хиджапты шештіру мәселесінде өзгерістер болады деген әңгіменің иісі де шыққан жоқ. Сондықтан, Қазақстандағы әмме мұсылман қауым байбалаң салмай, (паника жасамай) сабыр сақтап, өз позициясымен әрі қарай жүре беруі дұрыс деп санаймын.
ҚазАқпараттың жаңалығын оқысым, акцент мүлдем басқаға қойылған екен, яғни дұрыс діни білім алуға қарай ойысқан. Енді «Алаш Айнасы», «Айқын» т.б. газеттер не дейтінін білу қызық болып тұр.
ҚазАқпарат
«Біз дұрыс бағытта келе жатырмыз, тарихты оқып-үйрену, әсіресе оған жастарды тарту аса маңызды», — деп санайды Президент.
«Бірақ мен паранжа кигенге қарсымын, — деп атап өтті Н.Назарбаев. — Әсіресе хиджаб пен паранжаны студенттер мен оқып жүрген жастардың киіп жүргеніне қарсымын».
Оның үстіне, Мемлекет басшысы атап өткендей, жастардың бойында дінге деген қызығушылықтың артуы — жағымды процесс. «Бірақ шынайы дінді жалған діннен айыра білу қажет», — деп мәлімдеді Елбасы.
Ең қызығы, тиуттегі және орыс тілінде пікір қалдырғандарды дені: «Назарбаевтың осы сөзі үшін, яғни „Әсіресе хиджаб пен паранжаны студенттер мен оқып жүрген жастардың киіп жүргеніне қарсымын“ деген сөзі үшін мен оған дауыс беремін» депті.
пысы. Жұмада орталық мешітте болып едім. Уағызды дұрыс тыңдай алмадым. Бірақ бұл тақырыпқа арналмағаны анық. Сен барған мешітте де солай болды ма?
Қазір барлығы дерлік бірінші эмоциясын шығарады. Біреулерге керегі де сол болып тұр ғой.
пысы. қабыл болсын!
Пысыңызға әмин! Сіздікі де қабыл болсын!!!
Президент хиджабты дәл қазір сөз етуін сайлауалды ұпай жинау деп түсінген жөн. Себебі, қоғамда бүркенгендерден мезі болғандар жетерлік. Екінің бірі осы уахабтардың көзін қашан құртады, бір түнде неге қырып тастамайды дейді.
Ал, президент түсінеді — құзырлы органдар деңгейінде күштеп хиджабты шештіре алмайды. Сондықтан, халыққа «мен қарсы емеспін, қырсаңдар қырыңдар» деп отырғаны. Осындайда қоғам белсенділігінің төмендігі қынжылтады
Президенттер де адамдар. Олардың жеке өмірлері (Мыс.: Путинн мен Обаманың иттері, оларға көңіл бөлуі), жеке көзқарастары болады (заң басқа, президенттің жай ғана жеке адам ретіндегі ойы басқа. екеуі сай келе бермеуі мүмкін). Ал елбасыңызға қатысты ештеңе айта алмаймын. Білмеймін.
Менің жазған жауабым тек біздің президентке қатысты емес еді. Дұрыс ұқпай қалдыңыз-ау.
Президенттің бір нәрсеге қатысты ойы (позициясы) ол мәселеге қатысты заң шығарып тастады дегені емес. Заңды шығаратын Президент емес. Бұл туралы әңгіме қозғауың орынсыз.
Үшіншіден, мені де сақалым болғаны үшін діни фанат деп ойлайтындар бар...(Уаахаха бұттан кеттім)
«Алаш айнасы» ақыры ақпаратты орыс тілді БАҚ-тар тәрізді берген. Сәл ғана жұмсартуға тырысқан.
Президентті ақтап алуым емес. Дінді желеу еткен үлкен бір саяси ойынның ұшы қылтиып шығып қалғанын, оны президент айналасындағылардан кім бастап отырғанын түсінуге тырысуым ғой…
пысы. бұрындары дін мемлекеттен бөлек деп "ән салу" сән еді. :)
Халық айныса хан түзейді, хан айныса кім түзейді?
Елбасымыздың бұл сөзі жеке басының ойы деп білем. Бірақ, Елбасының айтқанын шариғат деп қараңдар деген еш жерде жазулы емес. Сондықтан, хижаб шешілетін болды деудің еш қажеті жоқ. Құран Кәрімнің Нұр сүресінде: (Мұхаммед Ғ.С) Мүміндерге айт: (Бөгде әйелдерге қараудан) көздерін сақтасын. Әрі ұятты жерлерін (зинадан) қорғасын. Бұл олар үшін өте жақсы. Рас Алла, олардың не істегендерінен хабар алушы. (30)
Мүмін әйелдерге де айт: "(Бөгде ерлерден) көздерін сақтасын. Әрі ұятты жерлерін (зинадан) қорғасын. Сондай-ақ зейнеттерін көрсетпесін. Бірақ олардың өзіндігінен көрінгендері басқа. (Беті, қол-аяқтары. Ж.Б.М.К.) Және бүркеншіктерін омырауларына түсірсін. Зейнеттерін көрсетпесін. Бірақ: Ерлеріне, әкелеріне, қайын аталарына, өз ұлдарына, үгей ұлдарына, аға-бауырларына, олардың ұлдарына, әпеке-сіңлілерінің ұлдарына, Мұсылман әйелдерге, қолдарыңдағы күңдеріне, әйел керек қылмайтын қызметшілерге немесе әйелдердің ұятты жерлерін білмейтін балаларға көрсетулеріне болады. Және де көмескі зейнеттерін басқаларға білдіру үшін аяқтарын ұрып жүрмесін. Әй мүміндер, түгел Аллаға тәубе қылыңдар! Әрине құтыларсыңдар. (31)
Ахзаб сүресінде: Әй Пайғамбар! Жүбайларыңа, қыздарыңа және мүмін әйелдерге айт: “Үстеріне бүркеншіктерін орансын. Бұл, олардың танылуларына, сондай-ақ кейітілмеулеріне жақынырақ. Алла (Т.) аса жарылқаушы, тым мейірімді. (59) деп анық көрсеткен. Бұл сөзді жоққа шығару Құранды жоққа шығару, Құранды жоққа шығару пайғамабрымызды жоққа шығару, пайғамбарымызды жоққа шығару Аллаһтың кемшіліксіз екендігіне шәк келтіру. Ал, Аллаһтың сөзіне шәк келтірушілерді жалыны басылмайтын тозақ күтіп тұр!!!
Бірақ бұл жерді діни тартыс алаңына айналдырғым кеп тұрған жоқ. Егер ұнамаса тартыспай-ақ минус қоя салыңыздар. Риза болам соған да!
Салт деп жатырмыз ғой жаңағы бері. Егер мемлекетте хиджабқа рұқсат бермей қойса, онда шешінуден басқа жол қалмайды деген сөз емес. Қарындастарым әуретін жабулары үшін керек болса, орамалдарына ою тіккізіп, юбкаларын қазақи өрнектермен безендіріп беремін. Ал енді ұлттық киімге қарсы шығып көрсін…
СабынсуШампуньды қосып қой.Хиджабты қолдап отырған бауырлар бір нәрсені түсінбей отыр. Бұл діни саясаттың кесірінен. Шынтуайтына келгенде қазақтардың хиджаб кигеніне арабтардан көрі АҚШтықтар көбірек қуанады — тағы бір соғыс аймағы ашылады. Әлемде қанша миллиард мұсылман бар. Бәрі бірдей бетін бүркеп алып жатқан жоқ, әсіресе, Абу Ханифа мазхабы бойынша өз бағытын таңдаған Сүнниттер.
Кетш )))))