Дәруіш мәдениетінің қорғасын қорынан. «Ақ үшбұрыш»

Виттор Қастеев ( Vittor Qasteyev, 1959, Мазари Шәймерден – 2033, осы жерде өлем дейді) – дәруіш импрессионизмінің көрнекті өкілі.
Басында живопиське бой ұрған Виттор, кейін группаласы Мүлкіаманды ұрып, 1984 жылы Мәскеудегі УЧРЕЖДЕНИЕ 71А еңбекпен түзету колонниясынан қатты өзгеріп келеді. Жұбайы сол кездерді былай еске алады: «Лібә, қатты өзгеріп келді».
Мәскеудегі сапарынан соң бір жылдан кейін, осы «Ақ үшбұрыш» атты туындысын дүниеге әкелді:

Алғашында бұл туындыны салқын қабылдаған дәруіш қауымы, кейін тіптен қақаған аяз боп кетті. Витторды Өнер Академиясындағы мүшелігінен айыруға аттыкін салысқан Израиль Сапарбай былай еске алады: «Виттор – қолмен салатынды мүшесімен салатын, мүшесімен салатынды – қолмен салатын хайуан». Бейнелеу мэтрінің метр тілінің мұндай бағасынан кейін, тапсырыс беруші күрд азайып, түріктердің, қырым татарларының бау-бақшасына жалданып жұмыс істеуіне тура келеді.
Бірақ Виттордың сағы сынбады. Атышулы «Ақ үшбұрыш» кенебінен кейін, бірінен бірі өтетін «Жасыл төртбұрыш», «Қоңыр пирамида», «Көгілдір ромб», «Қызыл додекаэдр», «Қара октаэдр», «Сарғыш эллипс», «Күлгін сфера» атты туындылары дүниеге келді. Айтпақшы, «Күлгін сфера» атты шығармасы өртке шалынып, тап сол мезетте дүниеден қайтып кеткен. Аталмыш туындылардан кейінгі Виттордың ұзаққа созылған тоқырау кезеңін, өнертанушылар оның әйелі, геометрия пәнінің мұғалимасы Зылиқаның ашынасымен қашып кеткенімен байланыстырады. Бірақ бұл жақсы белгі еді. Себебі, алты аптаға созылған шығармашылық дағдарыстан соң Виттор «Алгебра және анализ бастамалары» пәнінің мұғалимасы Раузияның көңілдесі болып, дүниеге енді «Гипербола», «Парабола», «у=kx+b» атты шедеврлер келді. Өз кезегімізде қара халатты вокзал жан Виттор Қастеевке өзі салып алған осы сүрлеуден таймай, шығармашылықтың шыңына жетуін тілей отырайық, Исаның мүмміндері!!!