Қариннен қауіптенбеңіз (Блог құрылтай)
Ал, ағайын, Dabai.kz жобасына келіп қалдық! Алғашқы жазбам ретінде блогымда «байқаусыз» аты-жөні аталып кеткен ағамызға тоқтала кетсем деймін. Таак, туған жылы 1976, туған жері… тууф, не айтып кеттім, Ерлан Қаринді барлықтарыңыз білерсіз деген ойдамын. Иә, ресми лауазымы — бас партиядағы жауапты хатшы, дегенмен тұла бойы қазақ деп тұрған, нағыз ұлтжанды (ұлтшыл) азамат екенін қайталап айту керек емес шығар. Сол көкеміз Жаңа жылдан кейін «жастардың атынан биылға қандай ұсыныстарың бар, қаржы жағынан көмектесіп көрейін» дегені бар ма? Әрине, көптен көкейде жүрген блогшылар басқосуы туралы айта бастап едім, бірден қолдай кетті. Бұл жерде Ерлан Қариннің қазақы блогосфераның тынысын байқап, біраз блогты (қандай екені құпия :-)) мұқият оқып жүргенін ескертейік. 
Сонымен, бірінші сұрақ — «Нұр Отаннан ақша алынып, оның аты көрсетіле ме? Пиарлана ма?» Жоқ! Иә, Ерекең өзінің каналдары арқылы біз есептеп беретін сметадағы қаражатты тауып беруге тырысады. Ондай ағадан айналасың ғой… Бірақ, ешкандай «Нұр Отан», я басқа Отанның пиары, жарнамасы, қолдауы, тағы басқасы болмайды деп сене беріңіз.
Екінші сұрақ — "Қаринге бұл не үшін керек?"
Өте орынды сұраққа жауапты Ерлан ағамыз былай береді. «Туиттерде, блогтарда болсын, жастар тарапынан тамаша ойлар ортаға тасталып жатады. Мәселелер талқыланып, өзіндік шешімдер айтылып дегендей… Мен жай ғана қоғамдық пікірді білгім келеді. Блогшылар деген кімдер, немен тыныстайды?» Болды. Сондықтан, Ерлан Қаринді де осы қазақ интернетінің дамуына шын жаны ашитын, тілектес адам ретінде көрсек.
6 пікір